Македонија втора во регионот по квалитетот на услугите во продавници

[city]

Македонија го зазема второто место во регионот по квалитетот на услугите што еден купувач ги добива на продажните места.
Ова се наведува во тајното истражување „Mystery Shopping Day”, спроведено од агенцијата „Хераклеја”, кое што беше презентирано денеска во Загреб. Истражувањето е спроведено врз база на тајни купувачи кои посетиле по 850 трговски објекти во секоја, држава произлезена од поранешна Југославија. Оценувањето се одвивало во пет категории, поздрав од продавачот, проценување на потребите на купувачот, познавање на производот, нудење на дополнителен производ и изразување благодарност за посетата на продажното место.
Притоа Македонскиот продавач убедливо го зазема водечкото место во категоријата проценување на желбите на купувачот.
Врз база на збирна оценка, Хрватска го зазема првото место со освоени 70,7% од максималните бодови, пред Македонија (68,9%), Косово (67,9%), Србија (66,5%), Словенија (63,7%), Босна и Херцеговина (58,5%) и Црна Гора (55,9% бодови). Идеален продавач би бил оној кој би ги познавал производите и би поздравувал како Хрватот, би ги препознавал желбите како Македонецот, би ги нудел производите како Косоварот, а би се заблагодарувал на довербата како Словенецот. Цел на анкетата биле автосалони, банки, малопродажни места, бензински пумпи, супермаркети и продажни пунктови на телекомуникациски компании.

Извор: ТОТАЛ

 

[Anonymus1]

Во последно време нашите услужни компании почнаа многу поголемо внимание да посветуваат на односот на персоналот кон клиентите што секако е за поздрав. ДОбар продавач може да ве натера уште со пристапот на влезот од продавницата да купите нешто иако не сте заинтересирани.

 

[Acid]

Изгледа не биле на шопинг во Охрид. Да видат што е поздрав од продавач.

 

[Anonymus1]

Изгледа не биле на шопинг во Охрид. Да видат што е поздрав од продавач.

Море они секако дека биле и во Охрид само изгледа влегувале во брендирани компании. Сепак има некој напредок во односот на персоналот. А Охриѓани сигурно само летно време се исфрустрирани па затоа имаме таков впечаток за нив.

 

[TpH_Bo_OkO]

Оправдано црногорците се на последно место... мрзи едни

 

[leandra]

Македонија го зазема второто место во регионот по квалитетот на услугите што еден купувач ги добива на продажните места.
Ова се наведува во тајното истражување „Mystery Shopping Day”,

Извор: ТОТАЛ

А оние што ги даваат анализите за оценка на услугата,почесто си пишуваат од памет