Кои се ефектите од извозот на земјоделското производство?

[Anonymus1]

Земјоделците од велешко Башино село сами најдоа пласман за младиот кромид. Најголемиот хрватски ланец супермаркети „Конзум“ го откупи речиси целото годишно производство на оваа раноградинарска култура од башиноселци.
На сред село се работи ударнички. Дење се товара, а ноќе кромидот се мие и врзува, земјоделците презадоволни од цената по која Хрватите го откупуваат.
„Моментално годинава прва лига е, цената е 50 денари килото моментално, до сега има извезено околу 210 тона, сега чекаме и со другиот камион до вечер да го товариме и тој. Секоја ден, нема прекинување “, изјави Горан Блажевски, земјоделец од Башино село.
Со годишно производство од околу 350 тони млад кромид, башиноселските земјоделци се најголемите производители на оваа култура во земјава.
Кромидот главно се одгледува во пластеници, што овозможува порана берба и подобар квалитет. Тоа е главната причина поради која Хрватите го откупија целото годишно производство.
„Годинава се исплати, сами го најдовме. Да речам задоволни, дури и презадоволни од цената и понатаму ако биде така ќе бидеме многу задоволни“ рече Тоше Рогужаров ,земјоделец од Башино село.
Башиноселскиот млад кромид нема да се продава по пазарите, туку само во маркетите на „Конзум“, чиј сопственик е „Агрокор“.
Овој хрватски гигант наскоро ќе отвори откупни центри во земјава, кои на башиноселци, но и на сите земјоделци од земјава треба да им го реши проблемот со пласманот на нивните земјоделски производи.

Извор А1 Телевизија

Од една страна ова е добро за македонските земјоделци конечно ќе добијат фер цена за нивното производство но од друга страна ова ќе створи недостаток на раноградинарски култури на домашниот пазар и ќе се соочиме со пораст на нивните цени кои уште толку би го поткопале и така сиромашниот стандард. Дали решението е во добро планирање на производството или воведување на квоти за извоз на земјоделски производи?
Ако не се реши оваа дилема според мене може да се доведеме во ситуација од земја извозник на земјоделски производи да станеме земја увозник, а со тоа да го губиме целиот девизен прилив кој се создава при ова.

 

[burn84]

Дали решението е во добро планирање на производството или воведување на квоти за извоз на земјоделски производи?

Воведување на квоти за извоз е еден од најлошите можно потези што Македонската економија може да ги направи. Со големи тешкотии ги извезуваме нашите земјодлески производи, оваа ситуација дава многу добри сигнали. А исто така сметам дека приливот на свеж капитал нема да смета никому.
Ова само ќе ги потикне земјодецлите и инвеститорите уште повеќе да се развие оваа гранка, така да ако воопшто се осети недостаток тој би бил привремен.
Решение е во правилното плаирање на производството и пласманот но и имплементирање на тие планови. Затоа што кај нас со години има добри планови дури од капитален карактер кој што до ден денеска не наоѓат завршница.

 

[Anonymus1]

Сепак треба да бидеме на јасно дека не се само квотите инструмент на надворешната политика. Точно дека планирањето треба да биде приоритет но јас сум секако за малку порестриктивна надворешна политика во однос на увозот на земјоделски производи. Мислам дека имплулсот на земјоделците не доаѓа само од девизниот прилив и од пласираното производство. Добар сигнал е секако отворањето на откупните центри на Конзум односно Агрокор кој е една од најголемите компании на Балканот. Сепак државата мора да земе учество иако директните субвенции се директно и изрично забранети во секоја држава поради начелото на еднакви услови за сите, таа мора да најде начин некако да им помага на земјоделците, а мислам дека тој начин е преку едукација(иако мислам дека Конзум ќе го направи тоа бидејќи повеќе е во нивен прилог истото), подновување на механизацијата која ни е стара по четврт век во просек и секако примена на нови агротехнички мерки со кои би се зголемил приносот. Но сепак од друга страна имаме непочитување на обврските од страна на земјоделците бидејќи тие кога ќе видат пари некогаш знаат и да се заборават. Затоа јас искрено се плашам дека цените на земјоделските култури кај нас дома ќе поскапат многу. Затоа би требало преку планирањето на земјоделското производство да се има дел кој ќе биде за домашна употреба и кој ќе се субвенционира поради ублажување на цената која дефинитивно ќе иде нагоре со зголемувањето на извозот.