ABC.....овие се настрвиле на твојот проект!
Дај види таму растрчај се малку...да не останеш со прстот во уста..па друг да се слика и собира ловорики!
Власта не се откажува од идејата за нуклеарка
22.08.2009 18:14
Нуклеарка, мини термоцентрала и хидроцентралите Чебрен и Галиште - ќе се изградат ли сите овие капацитети во Мариово?
Власта не се откажува од идејата за изградба на нуклеарна централа. Ќе прават анализи. Дел од експертите оспоруваат со образложение дека земјава нема ниту вода за ладење на централата, ниту пак таа може да се вклопи во системот. Власта ја турка идејата.
„Проектот за нуклеарна програма веќе почнува во Република Македонија, но тоа ќе трае еден подолг временски период, додека се донесе една одлука дали во Македонија има услови да се изгради нуклеарна централа“, изјави Фатмир Бесими, министер за економија.
Но освен нуклеарна централа, во Мариово веќе се прават истражувања за наоѓалиштата на јаглен. Во зависност од количините на јаглен коишто би се пронашле, но и дали е исплатливо да се експлоатира, ќе зависи дали јагленот би се носел до РЕК „Битола“ или би се изградила мини термоелектрана.
Долгонајавуван проект во мариовскиот крај се и хидроцентралите Чебрен и Галиште, проект кој засега останува само на хартија со неколку пропаднати тендери зад себе.
Токму овој проект вреден 700 милиони евра за кој интерес пројавија германски РВЕ и австриски „Вербунд“, беше оценет како нетранспарентен, направен без консултација со стручната јавност.
Но не само експертите, постапката беше оспорувана и од компаниите.
И додека тендерите пропаѓаат, а проектите се оспоруваат, во земјава со децении не е изграден нити еден клучен енергетски капацитет.
http://www.time.mk/read/NONE/7b023b2845/index.html