Македонија бронзена во Мадрид
Македонските каратисти освоија бронзен медал во борби - екипно на Европското првенство за региони кое се одржа во Мадрид.
Како што соопшти Карате федерацијата на Македонија, комбинираниот состав од карате клубовите „Макпетрол’’ и „Металург’’ до трофејот дојде по пет борби, во кои оствари четири победи.
За бронзата се изборија Жарко Арсовски, Богдан Мицов, Томе Тодоровски, Амир Беговиќ, Мартин Несторовски, Огнен Груевски и Иво Цветковски, предводени од тренерот Мирче Јанушевски од КК „Металург“ воедно и помошник-селектор на репрезентацијата во борби.
„Успехот е остварен во конкуренција на 28 екипи од континентот, со забелешка дека најсилните селекции во каратето имаат по неколку претставници, што му дава дополнителна тежина на остварениот резултат. Бронзениот медал е прв трофеј на позначајно меѓународно натпреварување на нашата селекција во борби. Тоа е продолжување на низата трофеи во 2009 година, само дваесетина дена по освоениот сребрен медал на Наташа Илиевска на Европското сениорско првенство во Загреб“, соопшти Карате федерацијата на Македонија.
хахаха), кој има повеке предност во реална ситуација и каде има сколо по wADO Фала многѕ
