Кошаркарите на Чикаго Булс ги одржаа шансите за осмата позиција на Источна конференција која води во плејофот, по победата над последнопласираната екипа од Истокот, Вашингтон со 101:99. Победникот на натпреварот се наѕираше на почетокот на последната четвртина, Булси имаа двоцифрено водство, но Џејмисон се погрижи за неизвесна завршница во која Бен Гордон, кој постигна 21 поен во второто полувреме, односно седум во последните три минути, ја донесе победата на Чикаго.
„Се разбира дека сме загрижени, но најголемата грижа е победувањето и губењето. Се се сведува на тоа. Денес имавме повеќе среќа на крајот“, изјави Вини Дел Негро.
Џејмисон имаше 34 поени и 12 скока, Андреј Блач 15 и 13 скока за Вашингтон, кој загуби пет натпревари во низа.
Признанијата наменети за најдобрите играчи на неделата во НБА лигата им припаднаа на ЛеБрон Џејмс од Кливленд во Источната односно Крис Пол од Њу Орлеанс во Западната.
Џејмс во четирите победи на својот тим минатата недела имаше просечен скор од 30,3 поени, 10,3 скока, 7,8 асистенции и 2,3 украдени топки по меч, додека Пол за Хорнетс бележеше 28,5 поени, 9,5 асистенции и 4,5 украдени топки на четири меча.
Резултати:
- Вашингтон - Чикаго 99:101
- Атланта - Минесота 109:97
- Мајами - Мемфис 94:82
- Њујорк - Орландо 102:106
- Бостон - ЛА Клиперс 90:77
- Феникс - Денвер 118:115
- Портланд - Филаделфија 108:114 (пр)