Добар ден!
Ајде една анализа на избориве и политичката ситуација со посебен осврт на Албанците кои се топ тема на форумов.
Пред изборите Мицкоски (исто како и 2024) постави јасна цел - дефакторизирање на ДУИ, канцер партија, синоним за корупција и насилништво кое го врши под превезот на некаков албански патриотизам и партија која доколку оствареше подобар резултат ќе беше кочничар.
За да ја исполни таа цел најави локално коалицирање со ВРЕДИ во општини каде Македонец едноставно нема шанса да биде градоначалник, а и не бил последниве 12 години - Тетово и Струга, а можеби и Чаир мада за таму не сум сигурен колку играше улога. Ова го направи знаејќи дека партии како Левица ќе го искористат за евтин популизам од типот - ете ја предаде Македонија дрн дрн - иако во сите тие места си има кандидати за советници и не само што има туку ВМРО освои убедливо најголем број гласови и советници од македонска страна.
Мисијата е делумно успешна, затоа што по се изгледа Тетово и Струга нема да бидат веќе на ДУИ. Со падот на Чаир и нејасната ситуација во Гостивар, очигледно е дека и покрај повисокиот број на советници на ДУИ на државно ниво, таа партија е делумно неутрализирана за следниов период.
Е сега за Кичево. Тука си беше јасно од старт - секој си тера засебно па ќе се види на крај. Кичево мислам дека е јасно дека без целосна поддршка на сите Албанци не може да биде победен кандидатот од ВМРО. Со оглед на тоа каква кампања се водеше во албанскиот блок мислам дека би било лудо да гласаат сите за Дехари. Ако тоа се случи ќе биде знак дека омразата е огромна и тука имаме сериозен проблем.
Од друга страна кандидатот од ВМРО е женет со Албанка, нема Н од националист и башка во советот мора соработка ВЛЕН ВМРО за да функционира општината. Ако има два грама памет ВРЕДИ тогаш во најмала рака нема да гласаат и така ќе овозможат да победи Јовановски, што верувам и ќе се случи. И пак да се навратам на Левица и дел од опозиција - за Кичево штама. Со целосна мобилизација благодарение на ВМРО успеа да оствари одличен резултат докторот. Ако сакаше можеше комотно да го препушти на ВЛЕН Кичево кое и онака 16 години го води екс терорист кој неретко сака да ја објавува својата слика во униформа а и не е некој мегалополис од клучно значење.
Тука само ја имаме и несреќната изјава на Касами (која не сум ја верификувал ама ајде да земеме дека е точна) дека ќе ги поддржат ДУИ кај што има Македонци. Касами секако може само во свое име да дава таква изјава. Очигледно е дека човечево не гледа подалеку од носот и е заслепен од национализам. Ја користи ситуацијата за да ќари нешто плус во влада што не е во ред. Во овој поглед не знам ВМРО како ќе изигра после избори ама има потенцијален проблем во коалицијата.
Сега уште да го пројдам македонскиот блок.
СДСМ, ајде да речеме дека уште спаѓа во македонскиот блок, е во слободен пад. Ако не го сменат Филипче, партијата ќе згасне. Толку за нив.
Левица, Димитар Апасиев го достигна врвот пред 2 години. Од тогаш партијата стагнира. Плафон е 70.000-80.000 гласови. Наместо да порасне тој станува се поинфантилен со објавите. Нула визија, нула проекти, чисто јадење трици на социјални мрежи. Тука секако е и лицемерието во стил "ја продадоа Македонија" демек немало кандидати Македонци во Тетово, веројатно советниците не се важат, битно е да има симболичен кандидат Македонец. Не сакам да верувам дека е под нечија команда од надвор или некои сумњиви струи во Македонија ама ако не е тоа, човекот е тотално одлепен и деструктивен.
Нула приговори за тоа што сега земаат плата 2,000 евра ама као знае како живее сиромашниот Македонец. Оди два дена со тротинет на работа, после зима Пежо SUV. Дрдори за балисти и македонштина, забранува Кутлеш знамиња, се кикоти со Талат Џафери и има НУЛА реални акции во било која средина кај што има Албанци - некаков протест, прес конференција или било што. Да не заборавиме и дека 4 години имаат неколку директори во Град Скопје за кои никој и не знае дека ги имаат - КИЦ, Библиотека и уште 2-3 ако не се лажам. Не дека ги урнисаа овие инстутиции ама не сме ни слушнале дека нешто направиле. Само они и ДУИ имаат директори во оваа администрација па вие видете. Левица во моментов има капацитет да привлече автодеструктивни луѓе, очајници и фантазери. За среќа нема многу такви луѓе во Македонија.
Сума сумарум, ВМРО треба да си го истера мандатов кој го добија барем до 2028. Очекувам многу повеќе во следниов период од нив. Ако не, ете избори 2028 па ќе си каже народот. Предвремени избори на кои се надеваат опозициските партии би биле погубни - кочење на Македонија, нови поделби и расправи без потреба. А и дел од луѓево/опозиционерите не ги разбирам, ем нема некоја излезност, ем резултатите се јасни ама пак навиваат да се растури работава, Касами да го заебел "Мицко". И што? Пак избори пак слични резултати само можност ДУИ да се уфрли во влада и овие автодеструктивци да речат - ете ви кажав дека пак ќе коалицираат! Тоа е кусогледо и антидржавно размислување. Не дозволувајте да бидете заведени од луѓе без капацитет, планови и визија.
Ви благодарам на вниманието.
