Да не се заебе некој друг, ви ја пишувам мојата авантура со А1.
Пред повеќе од два месеци, со јавување на агент започнав миграција на кориснички пакет од Телеком во А1.
Главна мотивција за префрлање ми беше ветувањето на агентите за побрз интернет. Наводно за ова ќе плаќам малку повеќе односно поскап пакет, за брзини до 50 Mbps со безжичен рутер. Нема опција за оптика, а бакарната линија била стара. Уште првиот пат, курирот што ги донесе договорите, наместо да донесе два Тв ресивери и рутер, по грешка ми донесе еден Тв ресивер и стар (користен рутер). Се јавувам - аааа ова ке биде проблем, пишува два ресивера ми викаат, абе дали сте нормални ???. Ми прават налог за замена на стариот рутер за нов (btw брзина со стариов рутер 12 Mbps). Тв уред донесоа по неколку дена, но за рутер, морав да го свртам пола Скопје (бидејќи наводно никој не може да провери кај има или нема рутер), најдов на крај во Ист Гејт. Два дена им требаше да го активираат (нормално дома без интернет ке се потепаме), а откако го активираа по Х пати јавувања, брзината измерена беше околу 3 Mbps. Се жалам на бројот од тех. поддршка, добивам одговор дека брзината е варијабилна и најдобро е да го ставам рутерот на прозор. Мислам во ред е да варира и да биде 20, 40, 30 Mbps за пакет од 50 ама не 3 Mbps. Youtube - не функционира , кочи на секои 10 сек, за др. да не праиме муабет. Тв ресиверите не ги ни приклучив, да не се нервирам барем со нив. Поминаа повеќе од два месеци, фиксниот број сеуште не ми го префрлиле од Телеком. И таму си течеше претплатата. Ми кажаа да не ја враќам опремата пошто после нема да можат да го земат бројот. На почетокот, наводно, процедурата траела, за после 3 недели да ми се јават да прашаат дали сум од Скопје, пошто го утнале префиксот на фиксниот (ваљда од Прилеп пробале да земат број) и многу нормално од Телеком не дозволиле миграција. После, наводно, било проблем кога се префрла фиксен број, без да прецизираат што е проблемот и како да го решиме. Прашувам во Телеком, луѓето ми кажуваат никакво барање не е стигнато до нив од А1 во поглед на фиксната линија. Сметки си продолжија да си идат - си плаќам дупло и вчера од немај-каде, бев им ја вратив опремата и го раскинав договорот со Телеком.
Брука невидена, трансплатација на бубрег ќе направевме за два месеци, број не можат да префрлат.
Им вртев на 1234, на агентите, пишував мејлови на
kontakt@A1.mk - ништо. К** не ги боли, потпишеш ли договор, ќе те заебавааат како сакаат. Каква грижа за корисници, мува не ги лазе, се смеат на тел. кога им кажувам. Не знам како биле претходно, ама сега навистина се пред распаѓање изгледа. Нека не ве лажат со тоа што ќе ви понудат 100-200 ден поевтин пакет од другиве, ќе кинете живци како мене после.