Видно разочаран од поразот против тотенхем, новиот Брајан Клаф успеа да го спреми тимот за следниот меч и со прекрасна игра ги заработи трите бода во својата четврта победа во лигата оваа сезона, а успеа да остане непоразен и на неговиот седми натпревар во лигата. Пред утринскиот тренинг успеавме да добиеме интервју иако тој беше видно мамурен по синоќешната прослава со играчите.
Live од интервјуто
Како успеавте толку брзо да го рехабилитирате тимот и да го добиете ПСВ?
-Видете, и самите знаете дека тоа против тотенхем беше пријателски натпревар и играчите ги болеше патлакот, не потрошија кондиција и не се повредија. Против ПСВ беше друга приказна, топката се движеше течно, игравме офанзивен фудбал а нашите крилни играчи беа извонредни.
Како ќе го искоментирате настапот на некои поединци во вашиот состав кој што не беше задоволителен?
-Па... Не можам да ви дозволам ниту еден лош збор за Дени Ингс. Тој е едноставно највредниот играч во нашиот состав и е жртва на тактиката. Мислам дека неговото место во тимот е запечатено, а головите и асистенциите ќе дојдат со текот на времето. Дефанзивата сеуште беше ранлива но да не заборавиме дека Шоукрос е повреден па Досон застана како штопер а на десен бек свое деби имаше мојот нов миленик Трипиер така да не можеше подобро.
Знам дека ова прашање е малку медиокритетско и дека сите пишуваат за него, но што мислите за ова издание и првиот хет-трик на Чарли Остин?
-(со тивко пеење) He used to build walls, he used to build waaaalls, Charlie Austin, now he scores goals
Што ќе кажете за мечот против Наполи во недела и дали се плашите од прв пораз во лигата?
-Стравот е за машки од понежен пол, ние немаме страв од никого. Поразот веројатно некогаш ќе стигне, но доколку не се плашите од смртта, таа можеби и ќе ве избегне, нели
Јас таму не одам да јадам пица, мислам, добро, веројатно и тоа ќе биде дел од нашето гостување, а не одам ни да јадам 3-4 парчиња во мрежата. Таму одам да го мотивирам мојот тим да се бори, а кој ќе отиде со мисла дека ќе загубиме ќе биде исфрлен од составот за век и векови.
За крај, кој највеќе се покажа на синоќешната прослава?
- Тоа е срамно да се прашате, дали мислите дека некој би можел да ми го украде шоуто на мене