Во врска сте, се оди како што треба, ама по некое одредено време приметувате дека најдобриот/та другар/ка на вашиот партнер, ве гледа со поинакви очи. Дали ке му кажете тоа на вашиот партер, ќе си го чувате тоа во себе со надеж дека ке помине, или нешто сосема трето?
Се` зависи од тоа дали неговиот (најдобар) другар само „ме гледа со поинакви очи“, дали јас сум приметила дека му се допаѓам по некои реакции и по погледот (што не секогаш мора да е точно) или ми се додворува директно.
Јас не знам дали може да се нарече „најдобар другар“ тој кој што се пушта на девојката на својот најдобар другар. Тогаш ТОЈ всушност не му е ни другар, не па најдобар.
Јас не викам дека не може да се случи некој да се заљуби во девојката на најдобриот другар, но кога веќе ќе почне директно да и` се пушта на девојката, а воедно и со тоа да ја расипува нивната врска тогаш тој ги губи епитетите „најдобар“ и „другар“.
Во случај мене да ми се случи ова нема веднаш да му кажам на дечко ми затоа што ќе мислам прво на нивното другарство. Најпрвин ќе му направам муабет на другарот да престане со тоа и ќе му објаснам се`: од тоа дека тој воопшто не ме интересира, до тоа дека не сакам да го изневерам дечко ми, па најмалку со негов најдобар другар. Во муабетот секако ќе го спомнам и нивното другарство колку да го потсетам дека може да се расипе, ако продолжи со додворувањето.
Е сега ако и после овој муабет не се опамети и не се поправи тогаш нема што друго да ми преостане освен да му кажам на дечко ми за ситуацијата. Ќе му дадам до знаење дека после ваквите постапки мојот заклучок е дека тој не му е вистински другар. За тоа дали дечко ми ќе продолжи да се дружи со другарот или не, јас тука не можам ништо, он сам си одлучува.
(for the record, ситуацијава ја рагледав во случај на сериозна врска)