Конечно сега Конте ќе се посвети на работата во Челзи, па очекувам зголемена активност во наредниот период. Ко што видов рекол дека една недела ќе биде на одмор и после тоа почнува со секојдневното работење со клубот.
Добро беше првенствово за да се запознаеме малце повеќе со Конте како тренер. Покажа дека е голем мотиватор и добар тактичар. Со просечен тим постигна доста добар успех и се надигруваше со помоќни репрезентации. Е сега, за да му биде сето тоа успешно како со Италија, треба сите играчи целосно да веруваат во него и да прават се како што ќе им каже, да бидат спремни и да сакаат на секој натпревар да даваат се од себе. Во Челзи има играчи кои некако не се навикнати да го прават тоа. Се надевам дека ако реши да ги чува, ќе ги научи да играат по негово.
Најинтересно е што ќе реши да прави со формацијата. Моменталниов тим воопшто не е за 3-5-2, и за да може успешно да игра така ќе треба пола тим да се смени. Доброто е што од тоа што читав за него, скоро секаде пишуваше дека знае да се прилагодува, да смени формација, да го промени тимот за да дојде до посакуваните резултати, наместо да оди со глава во ѕид со тоа што го има почетно замислено.
Околу трансферите, стварно се надевам дека ќе му го донесат тоа што му треба. Доколку му ги донесат играчите што ги бара, сигурен сум дека ќе има успех уште во првата сезона. Еве денес треба да се комплетира трансферот на Мичи. За него не знаеме дали е желба на Конте или не, се се случи брзо и за 24 саати завршија работа и со Марсеј, и со него. Освен на ЕП, не сум го гледал, ама верувам дека има потенцијал да стане добар напаѓач, од тоа што го читав и гледав деновиве. Моментално најмногу шпекулации има за Кулибали и Канте, и одлично би било доколку успеад да ги донесат двајцата. Јас лично би сакал и Наинголан да дојде.