Дечки ме интересира дали некој од вас има искуство со овие приватни групации/фондови.
Што и какво мислење имате за нив?
Дали некој од вас е веќе активен член? (да си плаќа приватно животно осигурување)
Дали некој од вас е веќе агент? (да продава животни полиси)
Pros & cons за двете
Што ме мене спречува да појдам директно во Grawe или Croatia осигурување да почнам да си плаќам животна полиса, отколку да идам преку некој агент на WVP?
Разговарав со близок пријател кој е веќе долго време „агент“ во оваа групација, но сакам да слушнам и туѓо мислење.
Еве им ја страната за фондови, од програмерски аспецт некако многу аматерски ми изгледа.. се надевам не им се такви и плановите и понудите.. :/
http://www.wvpfondovi.mk/
Да почнам од почеток.
Имам полиса за животно осигурување и сега ќе ви кажам и зошто ја направив. До пред некое време единствен стаж ми беше она што уплаќаше за мене општина Гази Баба додека работев таму. И тогаш бев скептичен дека ќе земам државна пензија, ама откако заминав на брод веќе се повеќе мислев дека воопшто нема да стигнам до државна пензија.
Во вториот фонд кој ми е преку КБ има некој денар, ама малку.
Тогаш почнав да барам алтернативи.
Преку агент на ВФП склучив полиса за животно осигурување во Кроација.
Колега на татко ми направи детски штедни планови во Кроација преку агент вработен во Кроација.
Е сега која е разликата. Мојот агент ме советуваше да правам годишна уплата. Неговиот агент го советуваше да прави месечна уплата побезболно било, по 1000че од дете месечно отприлика.
И тука лежи зајакот.
На годишна уплата уплаќаш годишна премија без камата за уплата.
На полугодишна уплата, плаќаш 2,5% камата.
На тримесечна уплата плаќаш 4% камата.
На месечна уплата плаќаш 6% камата.
Осигурената сума е иста кај сите начини на уплата, па сега видете вие кој начин е побезболен.
И агентите вработени во осигурителните компании и агентите од брокерските друштва се професионалци и познавачи на материјата, разликата е во сивата зона, едните ги бранат интересите на компаниите, другите ги бранат интересите на клиентите. Мислам дека сега е јасно каков агент тебе ти е потребен.
И во двата случаи ти правиш полиса во Кроација, Граве, Винер Лајф или Уника, ама вешт агент ќе одбере опција која е најдобра за тебе.
Во врска со ИНВЕСТИЦИСКИОТ ФОНД, точно е дека сајтот не е баш најдобро решен, но она што е побитно е какви решенија нуди тој за твоите пари.
Така да тука имаш 3 различни фондови.
1. Инвестициски фонд.
2. Обврзнички фонд
3. Кеш фонд
Првиот е за долгорични планови (10-30 години)
Вториот е за среднорочни планови (5-10)
И последниот е обична штедна сметка како во банка со таа разлика што имаш ист принос како во банка за орочени депозити, но овде ти се цело време на располагање.