bounty_hunter
Фатенко
- Член од
- 13 октомври 2009
- Мислења
- 1.268
- Поени од реакции
- 322
Да не знаеш дал да примаш, или не вакцина
http://www.dnevnik.com.mk/?ItemID=C2939C8182E406458E051D5E56A7E64C
И вакцината сее страв
Лекарите смируваат дека сосема се разликува технологијата на производство на вакцината против свинскиот грип од таа во 1976 година, а и составот на вакцините е различен
Дали има опасност да се парализирам ако ја примам вакцината против новиот грип, како неколкумина во САД што во 1976 година се имунизирале против сличен вирус во базата Форт Дикс? Има ли жива во вакцината и може ли да се јават компликации по нервниот систем? Зошто треба да ја примат бремените жени, но не и децата до 6 месеци? Ова се само дел од прашањата што деновиве си ги поставуваат граѓаните во земјава, откако новиот грип почна да се шири и кај нас. Кон крајот на месецов и на почетокот на идниот ќе почне имунизацијата на приоритетните групи со вакцините против вирусот А (Х1Н1). Надлежните тврдат дека вакцините се безбедни и во 98 отсто случаи штитат од новиот грип.
Од 40 милиони вакцинирани во светот, досега се јавиле само вообичаените несакани ефекти - црвенило, оток на местото на убодот, лесно зголемена температура.
Според испитувањето што било работено во Кина, немало загрижувачки нуспојави од вакцината. Од 2.200 лица, од три до лица постари од 60 години кои биле двапати вакцинирани, само кај 15,9 отсто имало благи локални реакции.
СЛУЧАЈОТ ФОРТ ДИКС
Во базата Форт Дикс во Њу Џерси, во 1976 година грипот се јавува во ограничен колектив, а имал слични карактеристики како овој свински грип. Тогаш заболеле 4 лица, а еден починал. Биле вакцинирани 40 милиони луѓе, а некои по примањето на вакцината добиле и парализа.
На прашањето може ли да се повтори случајот од базата Форт Дикс во Њу Џерси,
директорот на Клиниката за инфективни болести, Ѕвонко Миленковиќ, е категоричен:
- Сега сосема се разликува технологијата на производство на вакцината. Тогаш имало ризик од можна контаминација. Тоа сега е целосно елиминирано, бидејќи составот на вакцините е различен. Но тој грип никогаш не се проширил надвор од колективот. Типот Х1Н1 на вирусот го има со години во хуманата популација, но станува збор за различни поттипови. Овој поттип на вирусот е различен од тој - објаснува д-р Миленковиќ.
За шпекулациите дека вакцините за кусо време не можат да бидат доволно пречистени, па вирусот, наместо да се умртви, може да остане жив, но и за улогата на засилувачите што ги содржи и вакцината на „Новартис“, која ќе се користи и кај нас, Миленковиќ вели:
- Таков ризик воопшто не постои, иако се работи за големо производство. Во изборот на вакцините се однесуваме како што диктира Светската здравствена организација. Има експертски тимови што работат на ова. Вакви засилувачи, т.н. адјуванси, и досега се користеле кај вакцината против сезонски грип. Важни се бидејќи го засилуваат имуниот одговор на човекот кон причинителот на болеста - вели д-р Миленковиќ.
Д-р Јованка Костовска од Комисијата за пандемичен грип ги отфрли и шпекулациите дека има и жива во вакцините.
НОВИ 160 СОМНИТЕЛНИ
Нови 160 сомнителни биле пријавени вчера, а досега повеќе од 150 граѓани заболеле од новиот грип. Од новите 32 случаја на грип, дури 29 се ученици и тоа на возраст од 15 до 19 години. Последните новопријавените имаат меѓу 10 и 29 години. Една четвртина од пријавените не биле воопшто во странство ниту биле во контакт со болно лице, потврдија вчера членови на Комисијата за пандемичен грип.
- Блиску сме до прогласување нова фаза во справување со болеста кога полесните случаи ќе одат само кај матичните лекари, а потешките на Инфективната клиника или на одделите за инфективни болести во болниците, кои ги алармиравме да се подготват за прием на болни. Оваа фаза ќе се прогласи кога ќе имаме 200 потврдени случаи. Од тој момент нема ниту да ги тестираме сомнителните случаи, туку ќе ги спречуваме компликациите од болеста, за разлика од сега, кога се' уште го спречуваме ширењето на вирусот - потврди вчера д-р Костовска, која дополни дека тогаш ќе има и поинаков режим за издавање на лекот „тамифлу“, кој ќе го препишуваат и матичните лекари. Во Хрватска, на пример, секој семеен лекар има по 30 кутии антивирусен лек.
За дилемата дали да се носат маски во училиштата, работните колективи или на отворено, д-р Костовска нагласува:
- Маските треба да се носат само два часа, потоа повеќе се штетни отколку корисни. Граѓаните не треба да носат маски, зашто тие може да не' заразат со вирусот ако се користат несоодветно. Вирусот може да помине покрај нас, но ако со нечисти раце маската ја симнуваме и повторно ја ставаме или се допираме по носот и устата, има поголема опасност да се инфицираме отколку ако воопшто не носиме маска - вели д-р Костовска.
Маски треба да носат лекарите, болните, како и оние што одат на лекар.
Апаратот во Институтот за јавно здравје со кој се потврдува присуство на опасниот вирус работи со „полна пареа“. Само вчера пристигнале 160 материјали.
- Требаат 4 до 5 часа да се испитаат меѓу 30 и 40 материјали. Резултатите се готови за 12 часа, но некогаш мора да се проверуваат - одговара д-р Костовска на забелешката од родителите на децата што се тестирале, а кои морале да чекаат и по два дена за резултати.
Иако бројот на болните се зголемува, од Институтот за јавно здравје вчера не добивме одговор колку анализи дневно се прават за новиот вирус и дали има потврдени случаи на сезонски грип.
Љубица Балабан
За бебиња до 6 месеци 7 ниту вакцина ниту „тамифлу“
Вакцината и лекот „тамифлу“ не се дава на бебињата до 6 месеци, а кај бремените жени тие се задолжителни.
- За 4 до 5 пати е поголема шансата бременоста да заврши со неповолен исход, затоа бремените жени се во приоритетната група за вакцинирање - појаснува д-р Миленковиќ.
http://www.dnevnik.com.mk/?ItemID=C2939C8182E406458E051D5E56A7E64C
И вакцината сее страв
Лекарите смируваат дека сосема се разликува технологијата на производство на вакцината против свинскиот грип од таа во 1976 година, а и составот на вакцините е различен
Дали има опасност да се парализирам ако ја примам вакцината против новиот грип, како неколкумина во САД што во 1976 година се имунизирале против сличен вирус во базата Форт Дикс? Има ли жива во вакцината и може ли да се јават компликации по нервниот систем? Зошто треба да ја примат бремените жени, но не и децата до 6 месеци? Ова се само дел од прашањата што деновиве си ги поставуваат граѓаните во земјава, откако новиот грип почна да се шири и кај нас. Кон крајот на месецов и на почетокот на идниот ќе почне имунизацијата на приоритетните групи со вакцините против вирусот А (Х1Н1). Надлежните тврдат дека вакцините се безбедни и во 98 отсто случаи штитат од новиот грип.
Од 40 милиони вакцинирани во светот, досега се јавиле само вообичаените несакани ефекти - црвенило, оток на местото на убодот, лесно зголемена температура.
Според испитувањето што било работено во Кина, немало загрижувачки нуспојави од вакцината. Од 2.200 лица, од три до лица постари од 60 години кои биле двапати вакцинирани, само кај 15,9 отсто имало благи локални реакции.
СЛУЧАЈОТ ФОРТ ДИКС
Во базата Форт Дикс во Њу Џерси, во 1976 година грипот се јавува во ограничен колектив, а имал слични карактеристики како овој свински грип. Тогаш заболеле 4 лица, а еден починал. Биле вакцинирани 40 милиони луѓе, а некои по примањето на вакцината добиле и парализа.
На прашањето може ли да се повтори случајот од базата Форт Дикс во Њу Џерси,
директорот на Клиниката за инфективни болести, Ѕвонко Миленковиќ, е категоричен:
- Сега сосема се разликува технологијата на производство на вакцината. Тогаш имало ризик од можна контаминација. Тоа сега е целосно елиминирано, бидејќи составот на вакцините е различен. Но тој грип никогаш не се проширил надвор од колективот. Типот Х1Н1 на вирусот го има со години во хуманата популација, но станува збор за различни поттипови. Овој поттип на вирусот е различен од тој - објаснува д-р Миленковиќ.
За шпекулациите дека вакцините за кусо време не можат да бидат доволно пречистени, па вирусот, наместо да се умртви, може да остане жив, но и за улогата на засилувачите што ги содржи и вакцината на „Новартис“, која ќе се користи и кај нас, Миленковиќ вели:
- Таков ризик воопшто не постои, иако се работи за големо производство. Во изборот на вакцините се однесуваме како што диктира Светската здравствена организација. Има експертски тимови што работат на ова. Вакви засилувачи, т.н. адјуванси, и досега се користеле кај вакцината против сезонски грип. Важни се бидејќи го засилуваат имуниот одговор на човекот кон причинителот на болеста - вели д-р Миленковиќ.
Д-р Јованка Костовска од Комисијата за пандемичен грип ги отфрли и шпекулациите дека има и жива во вакцините.
НОВИ 160 СОМНИТЕЛНИ
Нови 160 сомнителни биле пријавени вчера, а досега повеќе од 150 граѓани заболеле од новиот грип. Од новите 32 случаја на грип, дури 29 се ученици и тоа на возраст од 15 до 19 години. Последните новопријавените имаат меѓу 10 и 29 години. Една четвртина од пријавените не биле воопшто во странство ниту биле во контакт со болно лице, потврдија вчера членови на Комисијата за пандемичен грип.
- Блиску сме до прогласување нова фаза во справување со болеста кога полесните случаи ќе одат само кај матичните лекари, а потешките на Инфективната клиника или на одделите за инфективни болести во болниците, кои ги алармиравме да се подготват за прием на болни. Оваа фаза ќе се прогласи кога ќе имаме 200 потврдени случаи. Од тој момент нема ниту да ги тестираме сомнителните случаи, туку ќе ги спречуваме компликациите од болеста, за разлика од сега, кога се' уште го спречуваме ширењето на вирусот - потврди вчера д-р Костовска, која дополни дека тогаш ќе има и поинаков режим за издавање на лекот „тамифлу“, кој ќе го препишуваат и матичните лекари. Во Хрватска, на пример, секој семеен лекар има по 30 кутии антивирусен лек.
За дилемата дали да се носат маски во училиштата, работните колективи или на отворено, д-р Костовска нагласува:
- Маските треба да се носат само два часа, потоа повеќе се штетни отколку корисни. Граѓаните не треба да носат маски, зашто тие може да не' заразат со вирусот ако се користат несоодветно. Вирусот може да помине покрај нас, но ако со нечисти раце маската ја симнуваме и повторно ја ставаме или се допираме по носот и устата, има поголема опасност да се инфицираме отколку ако воопшто не носиме маска - вели д-р Костовска.
Маски треба да носат лекарите, болните, како и оние што одат на лекар.
Апаратот во Институтот за јавно здравје со кој се потврдува присуство на опасниот вирус работи со „полна пареа“. Само вчера пристигнале 160 материјали.
- Требаат 4 до 5 часа да се испитаат меѓу 30 и 40 материјали. Резултатите се готови за 12 часа, но некогаш мора да се проверуваат - одговара д-р Костовска на забелешката од родителите на децата што се тестирале, а кои морале да чекаат и по два дена за резултати.
Иако бројот на болните се зголемува, од Институтот за јавно здравје вчера не добивме одговор колку анализи дневно се прават за новиот вирус и дали има потврдени случаи на сезонски грип.
Љубица Балабан
За бебиња до 6 месеци 7 ниту вакцина ниту „тамифлу“
Вакцината и лекот „тамифлу“ не се дава на бебињата до 6 месеци, а кај бремените жени тие се задолжителни.
- За 4 до 5 пати е поголема шансата бременоста да заврши со неповолен исход, затоа бремените жени се во приоритетната група за вакцинирање - појаснува д-р Миленковиќ.