СДСМ им вети на пензионерите секој ден бесплатен превоз
Субвенции за превоз за сите пензионери во земјата во висина на трошоците за превоз на пензионерите во Скопје, најавува Социјалдемократскиот сојуз во својата програма „Промени за нов почеток“.
За пензионерите во Скопје, пак, покрај бесплатниот градски превоз во вторник и петок, ќе им се овозможи бесплатен градски превоз и во сите други денови во неделата, во периодот помеѓу 9 и 14 часот.
СДСМ планира и да воведе и систем на енергетска заштита преку давање помош за струја, гас или огревно дрво, како и субвенционирано сместување во пензионерски домови на корисниците на најниски пензии.
Во рамки на реформите на пензискиот систем СДСМ планира да воведе државна социјална пензија за лицата кои не можат да остварат право на пензија и не се корисници на каква било парична помош од државата.
„Државната социјална пензија на почетокот ќе биде во висина од 40 отсто од просечната старосна пензија“, се посочува во Програмата.
СДСМ ќе им овозможи остварување на правото да дојдат до пензија и на земјоделците преку признавање на пензискиот стаж. Оваа партија планира да овозможи одење во пензија по два основи и тоа со возраст 62 години за жена и 64 гдоини за маж, како што е сегашниот модел, но и со работен стаж од 35 години за жени и 40 години за мажи.
И во однос на изградбата на пензионески домови СДСМ планира два модели со буџетски пари и со јавно-приватно партнерство.
АЈМО НАРОДЕ ПЕНЗИИ СУБВЕНЦИИ БЕСПЛАТИ ОДМОРИ АВТОБУСИ БАДИЈАЛА СТАНОВИ ГРАТИС ПЕЛЕНИ ЗА СЕКОЕ ДЕТЕ АЈМО НАРОДЕ