ЧУДНАТА ФОРМА ВО ШТИПСКО ОТКРИЕНА - КОИНЦИДЕНЦИЈА ИЛИ?
Граѓаните на Штип и Р. Македонија во саботата, на 1 јули, беа фасцинирани од веста која кружеше низ медиумите и се однесуваше на тоа дека во областа на Штип, во с. Карбинци параглајдерист снимил чудно отсликана форма. Додека медиумите дебатираа за потеклото на оваа појава, Универзитетот „Гоце Делчев“ – Штип пак констатираше уште невообичаена коинциденција.
Имено, формата која случајно или не е отсликана во штипското село е идентична со
логото на Лабораторијата за заштита на растенијата и животната средина која функционира во состав на Земјоделскиот факултет при Универзитет „Гоце Делчев“ – Штип.
Лабораторијата за заштита на растенијата и животната средина е во состав на Земјоделскиот факултет при Универзитетот „Гоце Делчев” во Штип, како посебна организациска целина функционира од 2007 година кога е и основан Универзитетот. Нејзиното лого кое се користи во официјална употреба уште од основањето на Лабораторијата е дизајнирано од страна на Одделот за техничка подготовка кој функционира во состав на Центарот за односи со јавноста при УГД.
Прегледај го приврзокот 45764
Додека јавноста зборува за тоа дали се работи за необична појава или некаква порака, отсликувањето на формата која е идентична со ова лого е една интересна афирмација за Лабораторијата што функционира во состав на Катедрата за заштита на растенијата и животната средина, која пак има основна задача и цел да им обезбеди квалитетно и современо образование на студентите од прв, втор и трет циклус на студии.
Преземено од:
http://www.fakulteti.mk
Толку од фамата изгледа а?