Здраво на сите, целава моја ситуација започна пред од прилика 5-6 години, и се влошуваше од ден за ден, имено се работи за еден доста незгоден проблем, често пати во денот јас морам да одам во тоалет по голема нужда, не бира ни време ни место, едноставно морам да одам, се случува во стресни ситуации најчесто, или доколку премногу се изнервирам, а се нервирам многу често, од причина што проблемов не ми дава мир, ми го нарушува нормалниот начин на живот, не можам веќе да функционирам нормално и ме фрла во некоја глупава депресија, се си мислам дека ќе ме следи цел живот. Направив скоро секаков вид на анализи, да се исклучи можноста дека е нешто органско, вклучувајќи крвни анализи, анализи на изметот, на урината, и имам направено колоноскопија, со која да напоменам дека не можев да издржам да ја направат до крај, почнаа солзи да ми течат од болка, значи ете толку ми се згрчени и преплетени цревата. Излезе дека органски е прилично се во ред, иако не верувам многу многу на резултатите, не можам повторно да минувам низ сето тоа, поготово со колоноскопијата. Дојдоа лекариве до дијагноза дека имам нервозно дебело црево IBS синдром, ми препишаа некои два лека, не се сеќавам точно кои беа, но знам дека воопшто не ми помогнаа. Читајќи по интернет, малку се разочарав кога видов дека за оваа ситуација нема некој конкретен лек, останува само психичко лекување и некоја поддршка од блиските. По моја желба и препорака на матичната, почнав да посетувам психијатар, кој од прв ден ми препиша хелекс од 0,25, на втората контрола по неполн месец, хелекс од 0.5 и некои си антидепресиви коишто брзо престанав да ги пијам, па останав само на хелекс од 0.5 некои си 3 месеци од прилика, Меѓутоа, јас не осетив никакво подобрување од тие лекарства, освен што драматично ми се влоши ситуацијата, почна да ми се врти, да губам рамнотежа, да не можам на ништо да се фокусирам, па ги баталив хелексот. Повторно отидов кај психијатарот, кажав што е како е, па ми препиша Ансилан од од 5мг, трипати на ден. Ок, ајде почнав да ги пијам и тие, па може да се рече дека имаше некое мало подобрување, но навистина занемарливо, исто како да го нема, па решив да ги баталам полека и нив, намалував по малку и ги оставив целосно на некои две недели. Откако ги оставив тие и почнав само со Б6, почнав да се тресам како џанки некој кога не примил доза, а во меѓувреме додека не ги пиев, проблемот со цревата си остана, всушност, тој си е цело време присутен. Пак почнав малку по малку да ги пијам, по едно две на ден, да се повратам во некоја си нормала, и сега не знам како да ги откачам, ајде што ме притиска еден проблем со цревата, па уште и ми треба да се навлечам на некои лекови безвезе. Веќе две недели не одам на работа, наутро не можам да се стабилизирам, по саат време сум во тоалет и после немам воља ни за живот што се вика, а камоли за работа, очекувам секој момент да ми кажат не доаѓај веќе. Искрено ве молам, дали некој некогаш се соочил или имал непосредно сознание за овој проблем, да ми понуди било каков совет, се е добредојдено. Благодарам однапред и се извинувам за реферативе.