За малите работи...

[theTinule]

Инспирирана од ...
Исто така, многу често сум забележала на вечерни излегувања многу луѓе наздравуваат со зборовите „За малите работи!“

Дали се радувате на малите работи во животот?

Дали го забележувате сонцето како ве грее, дали ги забележувате цвекињата наоколу, забележувате ли колку чудесни суштества сме? Дали имате насмевка на лицето постојано?

Или пак, преокупирани сте со работата, обврските што ве чекаат и огорчени сте од „суровиот“ живот?

Мислите ли дека забележувањето на малите работи е само глупост и губење на време или уживате во ваквите (не)секојдневни појави?

 

[TaMчЕ]

Сметам дека треба да уживаме во тие баш МАЛИ работи! Всушност тие се тие нешта кои во оние down моменти не прават среќни,ни влеваат надеж ни нанесуваат насмевка на лицето,но не многу од нас се потсетуваат дека треба да гледаат по позитивно на нештата и да се надеваат на подобро утре! Не дека имам постојано насмевка на лице но се трудам колку што можам почесто да бидам среќна и задоволна со тоа што го имам.
Да, им се радувам на малите нешта бидејќи сум свесна дека во моментите кога мислам дека немам ништо за радување во животот,ќе се појави некоја ситница која ќе ме расположи

 

[WildGirl]

... Алал да ти е за темава ...

Мене дефинитивно ме прает среќна малите работи, доволно е шо дишам за да се насмеам, а да не прајме муабет за другото. За вториот параграф ќе ти кажам едно големо ДА ... една прошетка во природа и се чуствуваш исполнето и едноставно се восхитуваш на се шо ќе видиш ... дали цвеќе, птица, дрво или нешто друго или на пример јас би сакала да го фотографирам исто онака како шо го глеам иако е невозможно. Кога се будиш на сабајле среќен си шо си се родил и шо имаш можност да прочекориш во светов со насмевка на лицето и полн позитивна енергија.:smir:

 

[Psyside]

Сите значајни нешта во животот се прават, малце по малце...полека и стрпливо, но сигурно. Исто како кај мравките на пример, кај кои резултатот секогаш на крајот е запрепастувачки! Истиот тој се состои од збирка на мали нешта

Големи работи не постојат, само мали со голема љубов за нив!

 

[InSuLaNeR]

Сите значајни нешта во животот се прават, малце по малце...полека и стрпливо, но сигурно. Исто како кај мравките на пример, кај кои резултатот секогаш на крајот е запрепастувачки! Истиот тој се состои од збирка на мали нешта

Големи работи не постојат, само мали со голема љубов за нив!

Точно,добар одговор!!

 

[arakenx]

И големиот даб некогаш бил само мал желад

 

[Tired..]

Јас лично се радувам баш на тие мали работи. Па и не ми треба многу за да бидам насмеана. Постојано ја имам таа насмевката на мене. И покрај суровиот живот секогаш имам време да се насмеам, бидејќи знам дека секогаш може да биде полошо од тоа што е. И не сметам дека нивното забележување е губење на време, напротив треба да сфатиме дека баш тие мали работи за некој можеби се големи и треба да бидеме задоволни со нив, иако секој секогаш сака повеќе од тоа што го има, тоа е факт. Бидејќи на нас луѓето ништо не ни е доволно.

 

[Nancy*]

Се радувам на малите работи па тоа ми е секојдневието исполнето со мали нешта. Сите ние се стремеме нешто да постигнеме во животот, да се покажеме во нешто а се започнува од ништо. Да започнуваме од ништо, па малку по малку доаѓаме до нешто, потоа сакаме повеќе, па се стремиме да го усовршиме тоа. Таков е животот исполнет со мали нешта, па токму тие мали работи ја разбиваат монотонијата и ни внесуваат промена во секојдневието.

 

[Darling]

се радувам на секоја работа на која што ме весели, независно од големината.
животот е премногу краток да си мрчатор.
а уосталом не ни вреди.