Алтернативен тајмлајн, ќе се иде во Draenor пред орките да ја испијат крвта на Mannoroth. Не барајте логика пошто ја нема а приказната е искасапена од WotLK па навака. Но успешноста на WoW не е до толку во нејзината приказна и lore туку во нејзиниот gameplay, полираноста, конкурентното PvE (raiding) и социјалниот аспект. За oldschool Warcraft играчи ќе се појават многу познати фаци како Gul'dan, Kargath Bladefist, Grom Hellscream и сл. Понатаму ќе ги има оние стандардни подобрувања на графиката и деталите колку што дозволува овој децениски стар engine нели и тоа е тоа. Друго се по старо, сепак е само експанзија а не нова игра.
Гарнизонот засега како додаток ми изгледа како интересен mini game. Тие што играа Pet Battles во MoP знаат колку бесмислено беше но заразно да собираш pets и да се бориш! Вакви мини игри во WoW ја збогатуваат понудата и даваат end game опции a гарнизонот прави екстра чекор во таа насока.
Значи сега без разлика дали имаш guild или си соло играч кога ќе се логираш навистина имаш опции. Можеш да рејдаш (Looking for Raid, Flexible, Normal, Heroic), Dungeons, Scenarios, Brawler's Guild, Proving Grounds, Challenge Modes, Pet Battles, Mounts/Pets collecting, Achievements, PvP (Arena, Battlegrounds, Rated Battlegrounds, PvP zones). Дури и Timeless Isle зоната која беше пуштена со последниот пач беше промена во права насока за играта, вакви dynamic events веќе се сретнуваат во други MMOs од поодамна.
Многу е сменета играта од Vanilla/TBC/WotLK па навака, нешто на подобро нешто на полошо но во глобала е средена. Единствено луѓето престануваат со играње зашто им е здосадена а не дека нечини. Мое мислење е дека ако ништо друго бар ќе вреди да се купи и да се изигра месец два кога ќе излезе, сепак е Blizzard наслов (blind buy).