Вештачки нараснувачи на тесто

[Смрт за зони и пајак воз.]

Сакам да започнам една по сериозна тема - за нараснување на тестото.
Убаво нараснато и испечено тесто е украс на секоја трпеза. Природен нараснувач е квасецот. Кај квасецот, микро организми го конзумираат скробот од брашното и создаваат СО2, кој го надига тестото. За тоа е потребно време, погодна температура и киселост на брашното. Ова е многу интересен и процес кој заслужува сериозна дискусија, но тоа ќе го оставам за некоја друга тема.
Овде предлагам да разговараме за вештачките нараснувачи. Кој видови стојат на располагање, како да ги користиме и како да влиаеме на брзината на процесот.
Во нашите продавници, како нараснувачи се продаваат прашоци за пециво. Тоа се различни хемикалии со кои се создава јаглен двооксид, односно го прават истото што го прават габите од квасецот. Меѓутоа има една суштествена разлика. Габичките, кај квасецот се живи и додека има храна тие ќе испуштаат СО2, а кај вештачките нараснувачи, кога ќе заврши хемиската реакција ќе престане производството на СО2.
Прашоците за пециво содржат, сода бикарбона, монокалцијум фосфат, винска киселина, лимунска киселина и скроб за да регулирање на брзината на процесот.
Јас понекогаш користам само сода бикарбона, во тесто кое е замесено со јогурт.
Мене ме интересираат вашите искуства околу брзината на реакцијата, концентрацијата, времето кое е потребно тестото да мирува пред печење и слично.
Еве на интернет најдов еден интересен сајт околу ова, како увод во дискусијата:
http://chemistry.about.com/cs/foodchemistry/f/blbaking.htm

 

[Kaiser]

Прашакот за печење е најчесто од две компоненти сода бикарбона (NaHCO3) и калиум битатрат (KC4H5O6) или натриум пирофосфат (Na4P2O7). Калиум битатрат е нуспроизвод при производство на вино така да веројатно е ок за користење а третото не ми е познато.

Ок ми е прашок за печење повремено ама секојдневно не би го користел, не ми се свиѓа вкусот и почнува да ми смета. Сум пробал тесто за пица со прашак за печење, вкусот воопшто не одговараше на останатите состојки. За повремена проја и некој колач или кога ти треба брзина е сепак ок.

 

[@cool@]

сосема природен нараснувач за тесто
кој го користеле и сеуште го употребуваат во Украина и Русија.
станува збор за тнр “вечен квасец“ кој се приготвува во домашни услови од ’ржано брашно

Рецептот е следниот :

1 ден 100 г ’ржано брашно и 100 г вода
Добро се промешува , треба да се добие маса еднородна слична на павлаката. Потоа се покрива со влажна крпа и се остава на доста топло место . Треба да се појават малечки и ретки меурчиња.

2 ден
Смесата треба да се потхрани ,
Повторно се додава 100 г брашно и се долива вода, за да нејзината консистенција се врати во првобитната состојба - ко павлаката .
Се покрива повторно со крпа платнена и се остава на топло.

3 ден Приправката веќе не само што има меурчиња , туку таа и нарастува и наликува на тенка пенлива шапка . Се потхранува последен пат - и се остава пак на топло. Кога ќе се удвои нејзиниот обем таа се дели на две половини,
.
Првата половина - е таа тнр "вечниот квасец“, која с е става во тегла покриена со полиетиленова фолија на која се прават неколку дупчиња за да може да дише и се става во фрижидер до следниот пат кога би се потхранувала 3 дена и би стоела на топло, па би се поделила пак на 2 половини и се’ така до недоглед,
А втората половина се користи за приготовување на леб.

 

[AnFem]

Некаде прочитав дека квасецот не бил здрав, ја разредувал крвта, потоа прочитав дека содржи витамин Б... Како и да е, како алтернатива на ова се нудеше природното кисело тесто (http://www.8ka.com.mk/spisanie/semejstvoto-i-ishranata/166------). Некој да има повеќе информации?

 

[Смрт за зони и пајак воз.]

Сабојлево, подготвив проја. 300 грама пченкарно брашно, 150 грама сирење и едно јајце, замесено со вода. Јас не сакам мрсни прои и затоа ретко во тестото ставам масло. Доволно е што обилно го подмачкувам тавчето.
Како нараснувач ставив една кафена лажица сода бикарбона и две супени лажици вински оцет. ( Инспириран од постот на Kaiser )
Тестото, во плехот стоеше 15 минути пред печење, ради нараснување.
Испадна сосема добро. Стравував дека ќе се чувствува мирис на оцетот, но не се чувствуваше. Дури мислам седниот пат да ставам повеќе оцет, бидејќи, изгледа помага да се „ убие “ вкусот на содата.