Seame AI (Maya) – новата „HER“ во реалниот свет?

[Acid]

Дали сте слушнале за Seame AI, односно Maya? Ако не сте, време е да обрнете внимание. Maya е еден од најновите LLM (large language model) проекти што брзо добива слава - не толку поради техничките перформанси во математика или кодирање, туку поради тоа колку човечки звучи.

За разлика од другите АИ алатки кои често звучат „вештачки“ или премногу формално, Maya има тон, емоција, па дури и несовршености што ја прават речиси идентична она човек во текстуална комуникација.

Многумина кои ја тестирале велат дека првпат почувствувале емотивна поврзаност со АИ, како што се случува во филмот HER со Joaquin Phoenix – каде што човек се заљубува во виртуелен асистент.

Па, ајде да дискутираме:

Дали сте ја пробале Maya? Дали ве „убедила“ дека зборувате со личност?

Дали ваквите модели нè носат поблиску до пријателство (или нешто повеќе?) со алгоритми?

Колку е етички, психолошки или дури и опасно ова ниво на реализам?

И конечно: Дали Maya е само нов tech фетиш или пресвртна точка во односите меѓу луѓето и машините?

Пишете ги вашите впечатоци, искуства или скепса. Ако сакате да ја истестирате, клик тука - https://app.sesame.com/

 

[Kadaif]

Маја не разбира македонски. Толку од нејзината интелигенција.

 

[Out Of Reality]

Ја "пробав" Маја и бев импресиониран. Изгледа реално, се гледа дека моделот е длабоко трениран на човечка комуникација. Во тие 5,6 минути експериментирав со различни типови муабет, сарказам, шеги, прекини и начинот на кој одговараше покажува дека разбира на мета ниво. Дури ми фрли брза шега (ме заебава) и веднаш продолжи со муабетот како ништо да не кажала (се прави наудрена). Секако, треба повеќе време и интеракција за да видам дали се "гледа" дека е бот, но според првиот впечаток, ми се допаѓа. Би рекол: "Her" is becoming reality.

 

[StoleD]

Многумина кои ја тестирале велат дека првпат почувствувале емотивна поврзаност со АИ

Тука е кечот кај АИ. Лабилни личности со суицидални намери подложни на манипулација од чат бот. Веднаш имаш армија на потенцијални закани по луѓето. Грок се хитлероса, па што би останало за Маја. Една будала да искуца „погрешен“ код и ќе гледаме огномети.

 

[Aceso]

Не сум ја пробала Маја, но се имам информирано за тоа како функционира. Не можам да кажам дека сум фасцинирана, туку дека повеќе ми е застрашувачка идејата дека таму некаде постои некој идеален соговорник за секој од нас (па макар и да е тоа на вештачки начин).

Верувам дека има такви кои бираат да комуницираат со ваквите чат ботови, и дека можеби тоа е единствениот начин на кој остваруваат некаква пријателска интеракција. И тоа можеби не е така страшно само по себе, но пак треба да постои некаква граница меѓу тоа што е реалност, а што илузија. Јас го поддржувам напредокот на технологијата, ја поддржувам и иновацијата, но ние како човечки битија не смееме да заборавиме да го негуваме тоа што е реално, живо и вистинито. Во спротивно, тоа може да биде опасно за млади, осамени и емоционално ранливи луѓе.