Riverdale

[Ендорфиниус]

Уште една стриповска адаптација децо. И оваа на CW. Ќе си се дружат заедно со Флеш, Ероу, Супергрл, Леџендс и т.д. Шала. Иако делат иста ТВ мрежа и ист изворен материјал, Ривердејл е нешто сосема трето и нема никаква допирна точка со другиве. Стуткана си е серијата во свое посебно катче, која кротко кротко дебитираше при крајот на јануари со мини прва сезона, се разви во право освежување и комотно ги издоминира сите останати серии под капата на CW.

Медиумите ја пофалија и цитираа како најдобра нова драма, неочекувано добра, која превзема храбри потези, отвара прашања и развива дискусии на осетливи теми. Сензационална и злобна истовремено, беше еден напишал. Зависна, јас само би рекол . Дава интересен мета-коментар за тој идиличен ‘’Американа’’ начин на живот од 50-тите години во САД. Многу Норман Роквел стил. Слика каква за самите себе ствараа америте и како (не)реално се доживуваа. Како површински се’ изгледа убаво стокмено и цаком паком, а под фасадата уствари труе и се кријат заебанции и тајни внатре во самите семејствата, а и надвор од нив. Сите се некако испреплетени и имаат истории едни со други. Приказната во серија почнува со смртта на еден дечко, нешто незамисливо за малиот добар Ривердејл, по што почнува расколот и полека да се отплетува клопчето за тоа кој, што и како стои позади немилиот настан. Јако е и тоа што сценариото е така добро поставенo за да ти дадe до знаење дека дејствието е сместено во ‘’модерниот Свет’’, додека самото гратче и народот во него делуваат ептен офф, како да се заглавени пола Век во минатото.

Касно се качив на возот, ама откако ме наговорија да ја пробам, за два дена ги испукав 13те епизоди . А јас може сум се’, ама не бинџер. Вреди да и’ се даде шанса сигурно. Игра на ивицата меѓу тинејџерска и крими драма. Плус, со многу експлицитна и имплицитна сексуална слобода. Микс помеѓу ‘’90210’’ и ‘’Twin peaks’’. Ако малишаните не ме разбраа, мешавина од ‘’Gossip Girl’’ на село и ‘’Pretty Little Liars’’ со триста пати побрзо темпо, може ќе им звучи попознато. Лабаво е иначе врзана со сорс материјалот од Archie comics, кој има страшно богата ризница. Модерна интерпретација на љубовниот триаголник Бети-Арчи-Вероника. Арчи и екипата постојат и се штампаат од 1941, со мноштво мали и во главно независни аркови, во најубавото место за живеење икад - Ривердејл, каде ги имаат своите средношколски авантури.

Младата глумачката екипа е исполнета со новајлии, малтене на сите деца овие им се брејк-аут улоги во кариерите, но вршат добра работа. Лили Рајнхарт и Меделин Пеш кинат, овие две ќе стигнат далеку. Кај повозрасните има пар познати фаци, како Лук Пери и Медхен Амик.

Главните улоги ги толкуваат ..

КЏ Апа АКА Арчи Ендруз. Златното момче во гратчето, воедно и најнаивен и обливиус лик од сите.


Лили Рајнхарт АКА Бети Купер. Ултимејт верзија на ‘’girl next door’’, од која полека на површина излегуваат 50 шејдс оф факд ап.


Колтон Спраус АКА Џагхед Џоунс. Најдобар другар на Арчи, аутсајдер у школо и наратор на серијата.


Камила Мендес АКА Вероника Лоџ. Блер од ГГ за сиромашни, њу грл ин таун која се запознава со местото и луѓето во него.



Како што пишав, првата сезона е готова и има само 13 епизоди, оти премиерата беше после НГ. Втората ќе биде фулл сезона со 20ина епизоди. Шоуто се враќа во октомври.

PS - Josie and the Pussycats такоџе се тука и рака на срце имаат пар добри кавери.