Млади и талентирани музичари
Млади и талентирани музичари – Јавете се!
Јавна соба во соработка со Zoey Foundation for Arts and Culture распишуваат отворен повик за музичка работилница. На вкупно 20 талентирани музичари ќе им биде овозможено да учествуваат на работилницата, да експериментираат со електроника во живо, компонираат, импровизираат и да изведуваат пред меѓународна публика.
Проектот предвидува конструирање на креативен подиум каде што 10 млади композитори на современа електроакустична музика (студенти по музичка технологија) од Холандија и 10 млади музичари, изведувачи на акустични (може и традиционални) инструменти од Македонија ќе соработуваат и творат заедно.
Програмата се состои од многу неформален начин на учење и компонирање. Надгледувани од професионален кадар младите таленти ќе имаат 10-дневна работилница на разни локации во Охрид. Музичарите ќе бидат охрабрени да комуницираат меѓусебно преку музиката: изведба, импровизација и проби на дадена дневна тема. По завршување на дневните активности, секоја вечер мали перформанси ќе бидат организирани на некое отворено место во градот. Работилницата завршува со концерт во кој ќе имаат удел сите учесници.
Факти
Наслов: Технологијата навлегува во традицијата
Формат: Музичка работилница
Период: 9ти - 23ти Јули 2009
Локација: Охрид, Македонија
Сместување: Студентски дом Охрид
Координатори: Катерина Пејоска и Александар Велиновски
Професори/ композитори: Катерина Пејоска, Jorrit Tamminga , Hans Timmermans и Marcel Wierckx
Критериуми за учество:
Учесници од Македонија
Работен јазик е Англискиот (без превод). Поради тоа се очекува сите учесници да го знаат англискиот јазик (и говорен и пишан).
Од македонските учесници се очекува да поседуваат одлични вештини на минимум еден акустичен инструмент.
Старосна група на учесниците: 18 - 25 години
Профил на учесниците:
Повикот е отворен за музичари кои што се спремни за нови предизвици, односно се заинтересирани да експериментираат со технологија, со електроника во живо, кои сакаат да соработуваат со музичари од друга култура, кои се љубопитни и отворени кон нови предизвици во музиката. Учесниците пред се мора да се добри во импровизирање на нивниот инструмент.
Конкурсот е отворен за сите талентирани музичари и селекцијата нема да се врши според нивното музичко образование. Селекцијата ќе биде направена според горе-наведениот профил.
Трошоци поврзани со работилницата:
Вкупно: 100 евра
Во цената се вклучени предавањата, сместувањето, храната и евентуалните трошоци за превоз низ Охрид.
Потребно
Ве молиме испратете ја вашата Кратка биографија (CV) максимум 15 реда, вклучувајќи ја вашата музичка позадина, досегашни изведби и едукација на следнава адреса:
avelinovski@publicroom.org.
За повеќе информации обратете се кај:
Александар Велиновски и
Катерина Пејоска
