Forrest Gump
низа1
- Член од
- 12 ноември 2009
- Мислења
- 7.038
- Поени од реакции
- 29.619
Marvin Gaye е роден на 2 април 1939 г. во Washingtonu, D.C. (да бе овен е у хороскоп), a го напушти овој свет на 1 април 1984. Бил еден од највлијателните соул пејачи во Америка, а најуспешните години ги поминал издавајќи плочи за Motown. Бил мошне успешен текстописец, продуцент и мултиинструменталист.
Многу вообичаено било во тоа време на популарните пејачи да им се даваат најразлични прекари и титули (обично од страна на менаџерите и концертните најавувачи), па така Marvin Gaye го добил својот – Принцот на соулот. На вечната топ листа пејачи на сите времиња, дело на магазинот Rolling Stone, Marvin Gaye го зазема високото 6 место.
Растејќи во строга фамилија, кај Marvin senior, свештеник на протестантската секта Божја куќа, која се залагала за многу цврста дисциплина, Marvin често си го добивал и имал блиски средби со ќотекот и за најситни непослушности. Запрашан во една прилика за своето детство изјавил: “ како син на свештеник никогаш не сум смеел да се тепам со другите деца, а кога се презивате Gaye, знаете што тоа значи.” Може слободно, ко сме више кај тој муабет да го споменам и она фамозно Е на крајот на неговото презиме кое е всушност отпосле додадено, баш ради неугодноста која ја чувствувал. (али искрено незнам дали се само муабети или вистина).
Мајка му била просветен работник (учителка), а фамилијата се заокружувала уште со братот и двете сестри. Во средно школо развил љубов кон музиката и започнал да свири. Бил член на неколку средношколски бендови во Washington, на што секако дека неговиот татко се противи и приказната која се шлепа е дека баш ради честите конфликти со него, побегнува од дома во Армијата на САД и тоа у воздухопловните сили. Наводно ради строгиот режим на неговиот татко развива некоја агресија, аверзија и непослушност кон авторитетите, што доведува до неславно завршување на кариерата за пилот и негово исфрлување од"United States Air Force" (USAF). Глумејќи ментална нестабилност и пореметување, е демобилизиран во 1957 г., а неговиот надреден навел дека Gaye одбива било какви наредби.
По ова следува перење на садови по ресторани и експериментирање со најразлични doo-wop состави.Се задржува во бендот The Marquee, кој го основал со Reese Palmer,негов стар музички пријател од претходните бендови. Ги открил Bo Diddley по свирката во еден клуб во Washington. Gaye тогаш снимал плочи за сопствениот бенд, ги пеел бек вокалите, а уствари свирел како session музичар.
Неговата кариера добива нагорна линја по запознавањето со сопственикот и основачот на Motown records, Berry Gordy. Годината на дешавките била 1961 и уште на самиот старт дошло до “пресметка” околу музиката која Marvin треба да ја пее за Motown. Gaye инсистирал на клсични поп нумери и џез, додека Gordy настојувал за r'n'b кој тогаш бил мошне популарен. Баш ради тој момент, у Motown воглавно работел како музичар за турнеи, свирејќи тапани за The Miracles, а се спријателил и со тогашната најголема ѕвезда на Motown - Smokey Robinson.
Првиот сингл го издал 1961 и тоа е била “Let your conscience be your gide”. Синглот станал национален хит, по што наскоро го снима својот прв албум како компромис меѓу џезот и соулот, но плочата поминува незабележително. Marvin Gaye повеќе успех има како студиски музичар свирејќи на бројните хитови на Merry Wells, Miracles, Contours и Marvellettes, a негови се тапаните и на познатата Martha & The Vandellas- Dancing in the streets.
Motown и Marvin и понатаму се обидувале со нови синглови и во 1963 г. конечно им тргнало. Посебно успешна била “Ain't that peculiar”, која му ја напишал и продуцирал Smokey Robinson. Снимил хитови и со Tammi Terrell, со која претставувале идеален пар во музчка смисла.Но, Tammi заболува од тумор на мозокот и одлетува годината 1970, што го води Marvin во тешка депресија. Ни успехот на неговиот најдобар сингл било кога,”I heard it through the grapevine”, не успева да го избави од тоа расположение, а можат да се прочитаат муабети и за негов обид за самоубиство. Од тогаш почнува да пати од многу голема трема на настапите и уствари никогаш не успеал да ја преболи нејзината смрт.
И покрај судирот со својата издавачка куќа околу издавањето на песни за војната, сиромаштијата, дрогата и други социјални теми, синглот “What's going on” сепак излегува во 1971. Песната станува невиден хит и побарувачката за целиот албум е огромна. Наспроти тврдењата на сопственикот на Motown, Gordy, дека тоа е најлошата плоча што некогаш ја слушнал, “ What's going on” станува вистински бестселер по Америка, а магазинот Rolling Stone ја прогласува за албум на годината. Следува синглот “ Let's get it on “, која и ден денеска е една од најубавите љубовни песни. Кога сум кај љубовта (ако ги занемарам неговите два брака), може да ја спомнам неговата љубов кон дрогата, на која заради својата лоша психичка состоја, постојано и се навраќал.
Од тогаш па се до крајот на неговата кариера во Motown, Marvin Gaye продолжил да издава успешни албуми и синглови, така да неговиот скор е 41 песна во Топ 40.
Еден од последни хитови е бил Sexual healing, кој го издал за CBS,неговата нова издавачка куќа.
По последната турнеја, 1983 г, ради исцрпеност и психички немир, Marvin се изолира во куќата на неговите родители. Куќата деноноќно била опседната со groupie девојки и нарко дилери, така да од бараниот мир – богами ништо. Повеќе пати му се заканувал на својот татко со самоубиство, по кавгите со него, па така по една фамилијарна расправија во која се вмешал и Marvin, бил убиен од својот татко која пукал со пиштол. Тоа било ден пред неговиот 45 роденден.
Татко му, го признал убиството со предумисла, но е осуден на 5 години условен затвор, по што е утврдено дека непосредно пред убивството бил претепан од неговиот син Marvin ( а постои и друга верзија дека казната е намалена ради дијагностицираниот тумор на мозкот). Мене ме депримира приказната дека на секој свој концерт во седумдесетите ги поздравувал своите родители и им кажувал колку ги сака ( Роби Вилијамс и неговата конекција со мајка му, така нешо), за да на крајот сепак се деси, случајно да биде застрелан и тоа седум пати 
Кој знае каде ќе завршеше да не му беше животот нагло прекинат, бидејќи Марвин воодушевувал со својот глас, голем талент и љубов кон музиката. Револуционерен, непредвидлив, неповторлив иноватор, со невидена софистицираност и држење, со неверојатен сензибелитет и препознатлив глас, несомнено е еден од великаните на соулот. Слушајќи ја неговата медитација по албумите, не можеш а да не се зачудиш на генијалните аранжмани, музика и останати детали кои и денес звучат неверојатно напредно и продукциски модерно.
За гласот не треба да се трошат зборови. Тоа е гласиште кое те заплискува со својата боја, емоција, искреност и во право се тие кои велат дека текстовите добиваат на тежина кога се отпеани од негова страна. Да си дозволам да цитирам некого од нет: “Марвин е вистински доказ за тоа што вокалната способност во комбинација со музикалноста и фантазијата можат да направат.”
Marvin Gaye е инаугуриран во член на Rock n' Roll Hall of Fame, 1987 година.
ЕДИНСТВЕН И НЕПОВТОРЛИВ ГЛАС !
Топ 10 албуми
1971.: What's Going On
1973.: Let's Get It On
1973.: Diana & Marvin (sa/Diana Ross)
1974.: Marvin Gaye Live!
1976.: I Want You
1977.: Live at the London Palladium
1982.: Midnight Love
1994.: The Very Best of Marvin Gaye
2000.: Marvin Gaye Love Songs
.