Пендев vs Причкапов, и двамата са Македонци..ОМО Илинден боjкотира
Кирил Пендев, кандидат за градоначалник на Благоевград, обвинува дека определени сили во Македонија и во Бугарија создале сојуз против него за да не биде избран на локалните избори што ќе се одржат при крајот на октомври. „Тие кои за една ноќ ги претвораа Бугарите во Македонци во Пиринско, работат рамо до рамо со тие што расплакуваа дете во мајчина утроба ако е Бугарче во Вардарска Македонија“.
Повод за ваквата антимакедонска изјава, која не доликува на човек кој има претензии да стане прв човек на центарот на Пиринска Македонија и кој повеќе години вадел леб во нашата држава, е портретот што го објави „Утрински весник“ за Пендев, сметајќи дека неговото претставување ќе биде интересно за пошироката македонска јавност. Голем предизвик е за секој македонски новинар да дознае кој е човекот зад кого за време на предизборната кампања во Бугарија застанува експремиерот на Македонија, Љупчо Георгиевски, кој бесрамно згази врз македонското национално достоинство и зеде бугарски пасош. За македонската јавност сигурно беше интересно и тоа кој е банкарот што долги години беше прв човек на Балканска банка во Скопје и шеф на актуелниот премиер Никола Груевски за време на неговото прво вработување, кој сега прави политичка кариера во Бугарија. Од сето тоа најпредизвикувачки за новинарската професија е фактот што Кирил Пендев беше еден од ретките Бугари, ако не и единствен, што добил македонско државјанство во услови кога од Софија нагласено се негира македонската нација и идентитет.
Пендев во изјавата за „Фокус“ вели дека во спрегата што била создадена против него на силите во Бугарија и Македонија лебдел коминтерновскиот дух на старо пријателство на силите на УДБ-а и на партиските другари од времето на бивша Југославија.
Извадоци од текстот пренесува весникот „Струма“, кој ги користи „Утрински“ да го вмеша во жестоката пресметка што се води за градоначалник на Благоевград меѓу двајцата најсериозни кандидати - Лазар Причкапов од БСП и Кирил Пендев зад кој стои ГЕРБ, другата моќна партија. Тој притоа извлекува заклучок дека со објавувањето на текстот за Пендев „Утрински“ индиректно застанал на страната на Причкапов, кој, пак, врските на бугарскиот банкар со Македонија и поддршката што ја добива од експремиерот Георгиевски ги искористи за да изјави: „Пендев ќе спроведува промакедонска политика, ќе се стреми да го повлече Благоевград кон Скопје и дека зад појавата на современите Македонци во Бугарија се крие поддршката на официјално Скопје“. Така „Утрински“, кој не ги познава ниту Причкапов ниту Пендев, на кој му е сеедно кој ќе стане градоначалник на Благоевград, се злоупотребува во предизборните јавни пресметки на двајцата кандидати.
Ексградоначалникот на Струмица, кој заедно со Георгиевски е во иницијативниот комитет за поддршка на Кирил Пендев, вели дека не знае каква е целта на пишувањето на „Утрински весник“. „Тоа се некакви нешта кои апсолутно немаат врска со целта да се избере еден добар градоначалник, кој може да работи за доброто на односите меѓу Бугарија и Македонија“, изјавува тој.
Актуелниот директор на Националниот музеј на Бугарија, Божидар Димитров, чие име исто така е спомнато во текстот на „Утрински“, уште еднаш ги изнесе своите антимакедонски ставови. Изјавувајќи дека не ги мразел Македонците, туку дека ги сакал вели: „Под Македонец јас разбирам Бугарин од Вардарска и од Егејска Македонија“.
Кирил Пендев, кандидат за градоначалник на Благоевград, обвинува дека определени сили во Македонија и во Бугарија создале сојуз против него за да не биде избран на локалните избори што ќе се одржат при крајот на октомври. „Тие кои за една ноќ ги претвораа Бугарите во Македонци во Пиринско, работат рамо до рамо со тие што расплакуваа дете во мајчина утроба ако е Бугарче во Вардарска Македонија“.
Повод за ваквата антимакедонска изјава, која не доликува на човек кој има претензии да стане прв човек на центарот на Пиринска Македонија и кој повеќе години вадел леб во нашата држава, е портретот што го објави „Утрински весник“ за Пендев, сметајќи дека неговото претставување ќе биде интересно за пошироката македонска јавност. Голем предизвик е за секој македонски новинар да дознае кој е човекот зад кого за време на предизборната кампања во Бугарија застанува експремиерот на Македонија, Љупчо Георгиевски, кој бесрамно згази врз македонското национално достоинство и зеде бугарски пасош. За македонската јавност сигурно беше интересно и тоа кој е банкарот што долги години беше прв човек на Балканска банка во Скопје и шеф на актуелниот премиер Никола Груевски за време на неговото прво вработување, кој сега прави политичка кариера во Бугарија. Од сето тоа најпредизвикувачки за новинарската професија е фактот што Кирил Пендев беше еден од ретките Бугари, ако не и единствен, што добил македонско државјанство во услови кога од Софија нагласено се негира македонската нација и идентитет.
Пендев во изјавата за „Фокус“ вели дека во спрегата што била создадена против него на силите во Бугарија и Македонија лебдел коминтерновскиот дух на старо пријателство на силите на УДБ-а и на партиските другари од времето на бивша Југославија.
Извадоци од текстот пренесува весникот „Струма“, кој ги користи „Утрински“ да го вмеша во жестоката пресметка што се води за градоначалник на Благоевград меѓу двајцата најсериозни кандидати - Лазар Причкапов од БСП и Кирил Пендев зад кој стои ГЕРБ, другата моќна партија. Тој притоа извлекува заклучок дека со објавувањето на текстот за Пендев „Утрински“ индиректно застанал на страната на Причкапов, кој, пак, врските на бугарскиот банкар со Македонија и поддршката што ја добива од експремиерот Георгиевски ги искористи за да изјави: „Пендев ќе спроведува промакедонска политика, ќе се стреми да го повлече Благоевград кон Скопје и дека зад појавата на современите Македонци во Бугарија се крие поддршката на официјално Скопје“. Така „Утрински“, кој не ги познава ниту Причкапов ниту Пендев, на кој му е сеедно кој ќе стане градоначалник на Благоевград, се злоупотребува во предизборните јавни пресметки на двајцата кандидати.
Ексградоначалникот на Струмица, кој заедно со Георгиевски е во иницијативниот комитет за поддршка на Кирил Пендев, вели дека не знае каква е целта на пишувањето на „Утрински весник“. „Тоа се некакви нешта кои апсолутно немаат врска со целта да се избере еден добар градоначалник, кој може да работи за доброто на односите меѓу Бугарија и Македонија“, изјавува тој.
Актуелниот директор на Националниот музеј на Бугарија, Божидар Димитров, чие име исто така е спомнато во текстот на „Утрински“, уште еднаш ги изнесе своите антимакедонски ставови. Изјавувајќи дека не ги мразел Македонците, туку дека ги сакал вели: „Под Македонец јас разбирам Бугарин од Вардарска и од Егејска Македонија“.
