Конкурс за изработка на лого на МРТ

[Sheldon Cooper]

http://www.mtv.com.mk/MK/info/konkursi.aspx
Врз основа на Одлуката за формирање Комисија за распишување конкурс за избор на идејно решение за заштитен знак (лого) на МРТ бр.02-7943/1 од 30.12.2011 година, Комисијата на Управниот Одбор на МРТ распишува

К О Н К У Р С​

за избор на идејно решение за заштитен знак (лого) на МРТ​

​

​

Член 1​

Се распишува Конкурс за избор на идејно решение за изработка на заштитен знак (лого) на ЈП МРТ.

Заштитниот знак (логото) треба да ја одразува функцијата на МРТ како Јавен радиодифузен сервис во Република Македонија, како и функциите и улогата на МРТ во реализацијата на своите законски обврски на јавен сервис во општеството.

Член 2​

Заштитниот знак (логото) треба да биде адаптилно и да ги има следниве карактеристики:
Заштитниот знак (логото) треба да биде прикажано и испечатено на хартија со формат А4 во следните три димензии:
- лого сместено во простор од 140 x 140 mm
- лого сместено во простор од 50 x50 mm
- лого сместено во простор од 15 x 15 mm.
Заштитниот знак (логото) да биде прикажано во 3 (три) варијанти: црно бела, црно бела негатив и во боја.
Заштитниот знак (логото) да биде изработено во моделите на бои RGB, CMYK и PANTONE- со точна техничка спецификација на боите.
Заштитниот знак (логото) да биде изработено во векторски формат во: EPS, CDR (Corel Draw) и Al (Adobe iliustrator) фајл формат.
Заштитниот знак (логото) да биде изработено во битмапирана форма во: GIF, JPG, TIF, и PNGфајл формат.
Векторските и битмапираните фајлови со комплетната спецификација да бидат снимени на CDи заедно со испечатените примероци да бидат спакувани и испратени според пропозициите на конкурсот.

Член 3​

​

.
Право на учество на Конкурсот имаат сите државјани на Република Македонија.
Учесниците на конкурсот, понудата треба да ја достават во затворен плик под Шифра, а во друг плик да го достават објаснувањето на Шифрата.
Заедно со идејното решение потребно е да се приложи и краток текст со кој ќе биде објаснет концептот за дизајнот на заштитниот знак (логото).
Рок за поднесување на понудите е 15 дена од денот на објавувањето на Конкурсот.

Член 4​

​

Наградата за најдоброто идејно решение изнесува 100.000,00 денари.
Авторските права ќе се уредат на начин што ќе се склучи договор за откупување на правото на трајно и неограничено користење на авторското дело од страна на МРТ, без никакви обврски спрема авторот освен утврдениот авторски надомест од 100.000,00 денари.

Член 5​

​

По завршувањето на Конкурсот избраниот понудувач писмено ќе се извести и истиот ќе се обврзе во рок од 3 (три) дена да достави изјава заверена на Нотар за гаранција за оригиналност на идејното решение.
Доколку избраниот понудувач од било која причина се откаже, за избран ќе се смета второрангираниот учесник.
Комисијата го задржува правото да не избере ниту една од понудите на учесниците.

Член 6​

.
Понудите да бидат доставени со препорачана пратка на следнава адреса:

Македонска Радиотелевизија
Булевар. “Гоце Делчев” б.б .- Скопје

со назнака: За Конкурс за избор на идејно решение за заштитен знак (лого) на МРТ.​

​

Комисија на Управниот Одбор на МРТ
За распишување Конкурс за избор на идејно решение за заштитен знак (лого) на МРТ

Ајде дизајнери, изразете ја креативноста и направете некое добро лого за МРТ.

 

[Human]

Краен рок за испраќање на логото?

 

[statusQuO]

Ништо не пишале у стилот на заштитни бои, комплексност, ечетера... Објаснување нула.
башка делов е закон
“Комисијата го задржува правото да не избере ниту една од понудите на учесниците.“

 

[Sheldon Cooper]

Краен рок за испраќање на логото?

15 дена од објавување на конкурсот, читај погоре

 

[ГОЦ-К.О]

КОНЕЧНО!!!!!!!!!!ЛЕЛЕЕЕ,ФАЛА ТИ БОЖЕЕ!!!!

 

[galaxy]

Мојот предлог

Добро беше тоа масонското окце, ама што и фали на оваа идеја како што е сега, BBC like лого. Букви во коцкички. Нека го модернизираат, транспарентно, со сива боја. За тоа не мора да распишуваат конкурс и да плаќаат 100К денари.
Немам идеја какво би изгледало новото, текст (букви), сонценце или само некоја стилизирана буква м.

 

[Sagan]

Јас ќе конкурирам со следниов предлог. Сетики комисијата ќе биде реална...

 

[TheIks]

Јас ќе конкурирам со следниов предлог. Сетики комисијата ќе биде реална...

Нее, ништо со ова, ќе се мења фасадата наскоро и нема да биде соодветно.

Инаку добро е да се модернизира логото, можеби не толку со мега-конкурс ама сепак ќе видиме што ќе излези од сево ова.

 

[Snow White]

редно време беше ова да го направат

 

[Supreme06]

Ваљда агенцијава(Република) шо ги прај сите спотови и ова ќе го добие или можда не им е до 100 000 ден, прават со спотовите миљони евра.

 

[Пропалица]

 

[Брокер]

хахаха јас да ме стават денес премиер ќе ја исклучам телевизијата една година и во таа година освем логото ќе променам се комплетно се од новинари од уредници од емисии ќе снимам телевизиски драми серии, детски емисии во тој период и се спремно после 10 месеци 2 месеци онака бомбастично ќе ја најавувам за се зголеми тензијата и очекувањата и на крајот после една година ќе ја пуштам како нова телевизија со никакви ама баш никакви примеси од минатото ср**е програма, е само ова е спас за оваа телевизија а не вакви квази модернизирања.

 

[Sagan]

Мистер Пастир со телевизискиот жезол во рака. Совршенство...

 

[galaxy]

Дали е рокот поминат? Распишан е на 30 декември, а објавен денес. Дали МТВ си играат со луѓето?

 

[Sheldon Cooper]

Дали е рокот поминат? Распишан е на 30 декември, а објавен денес. Дали МТВ си играат со луѓето?

мислам дека не е, објавен е на страната во Сабота, 28 Јануари 2012, 09:56