- Член од
- 3 декември 2007
- Мислења
- 3.718
- Поени од реакции
- 772
Тешко е да се замисли дека кафето го откриле стадо кози, пасејќи на Етиопските планини. Сепак,според една од најпознатите легенди, токму неколку кози, привлечени од живата црвена боја на плодовите на една грмушка
биле првите што ги вкусиле почетоците на еден од најраспространетите пијалоци денес.
Овчарот кој го чувал стадото,веднаш го забележал чудното возбудено однесување кај своите кози и загрижен однел неколку плодови во еден манастир на група познати монаси.Тие ги свариле чудните црешки и го испиле напитокот,чувствувајќи ја веднаш возбудливата сензација.
Но,ова не е единствената легенда. Се раскажува дека болниот Мухамед,благодарејки на темниот еликсир, кој му бил понуден од самиот Архангел Габриел, оздравел веднаш штом го вкусил и иако сеуште изнемоштен,успеал да задоволи цела група девици..Дури и Алах,според традицијата,пиел кафе на денот на создавањето.Тоа што со сигурност припаѓа на историјата на кафето, почнува на денот кога црвените црешки преку Африка, поминувајќи го Црвеното Море,стигнале во Јемен- тука се родиле првите плантажи, за потоа да се распространат низ целиот исламски свет.
Во 15-от век кафето се пиело во Мека и благодарејќи на исламските свештеници кои го употребувале за да го намалат уморот при религиозните обреди,набргу овој напиток стигнал и во Каиро.Пасијата за кафето е толку силна,што во 1511 год. се појавиле и првите опструкции од страна на властите,бидејки кафето набргу станало мотив за дружење и споделување на идеи, оддалечувајќи ги верниците од обврските на нивните функции.
Земјата каде што овој пијалок станал вистински колективен ритуал е Турција.Тука за прв пат се забележува начин на подготвување по пат на печење на зрната.
Во Константинополис,првите чајџилници каде што се вкусувало кафето дискутирајќи за трговија и слушајќи музика се отворени во 1544 год. и набргу широко се распространуваат. Најверојатно во овие места Европејците за прв пат го пробуваат кафето.Според ориенталаната филозофија Кејиф,пиењето кафе било можност за моменти на релакс и добро расположение,во кои се вкусувало заедно со кафето и времето кое проаѓа.Исламските теолози биле против овој начин на поминување на времето до тој степен што при крајот на 16-от век муфтијата од Константинополис го забранил пиењето кафе,очигледно без успех.
Пристигнувањето Во Европа
Благодарејќи на Турците црниот еликсир пристигнува во Европа при крајот на 1600 година. Обидувајќи се да го прошират Отоманското царство на портите на Виена каде што биле поразени,при повлекувањето забораваат, покрај другите работи и неколку вреќи кафе. Нив ги наоѓа еден угледен господин од Полска, кој веќе го имал пробано овој напиток. Неговата брилијантна идеја да го понуди на жителите на Виена се покажала повеке од успешна.
Првата венецијанска кафетерија се отвара во 17- от век, но конзумирањето кафе бил ритуал кој им припаѓал само на припадниците на високата класа.Најголемиот центар за експорт било јеменското пристанисте во Мока- Арапите љубоморно го чувале начинот на култивација на растението.Тие ги вареле зрната кафе,оневозможувајќи на Европејците да засадат и одгледуваат кафе на други места. Тоа било така, се додека еден Холанѓанец не успеал да земе една гранка од растението. Неколку години подоцна, од Амстердам тргнуваат растенијата кои ќе почнат да се одгледуваат во Азиските земји.
Кафе мода
Европа се повеке се заљубувала во црниот и вкусен напиток. Во Виена, повеќе од 600 кафетерии, нуделе на сребрена тацна заедно со чаша ладна вода “SHWARZ” - црно кафе, “MELANGE” - послатко со млеко или “ЕИНСПАННЕР” - со шлаг.Во Франција првите кафетерии се отвориле во Марсеј, каде што тамошните трговци закажувале состаноци и дискутирале пиејќи шолја кафе.Набрзо оваа мода стигнала и до кралскиот дворец каде што самиот Луј 16-ти го подготвувал кафето за себе и своите гости.
Во Германија, каде што националниот пијалок со векови било пивото, почетоците на кафето биле спори, но потоа се распространува во огромни размери до тој степен што Фридрих 2-ри од Прусија со декрет создава монопол за производство на кафе.Во Англија почетоците на кафето се поврзнаи со г-дин Даниел Едуард, кој од далечниот Исток ги донел зрната кафе, ги подготвил и ги почастил своите пријатели со овој чудесен пијалок. Веднаш овој ритуал станал вистинска мода во восоката бурзоажија, позната како љубител на доброто и убавото.
Една сосема италијанска љубов
Во Италија од самото појавување, кафето е вистински бум- првата кафетерија се отвара во Венеција во 1683г,на плоштадот Сан Марко.
Во 1750 во Венеција Карло Голдонија издава книгата “La Bottega del Caffe”, инспирирана од од шарениот свет на луѓе, идеи и размислувања кои владееле во кафетериите.
Во истите години во Милано Пиетро Вери го издава списанието “Il Caffe”.
Во 1700 и 1800 години, и покрај експанзијата на кафето тоа останува привилегија само на високата класа. Го пијат филозофи, уметници, поети и политичари. Станува пијалок на илуминираните и целиот универзум околу него добива огромен престиж.
Подоцна во почетокот на 20- от век, во Италија се создава првата машина за подготвување на кафе со систем на притисок и пареа,која што подоцна ќе ја насели секоја кафетерија и бар во светот.Во 1901 год. италијанскиот инжињер Луиџи Безера од Милано создава модел на кафемат,кој ги подготвува кафето по пат на екстракција,создавајки пијалок со густо тело,силен вкус и дотогаш непочуствувани ароми-Италијанското Еспресо.
* * * * * * * * * * * * * * * * * * * * * * * * * * * * * * * * * *
Воодушевена сум од ритуалот, сервирањето, уметноста, декорот на кафето, различните вкусови, мешавини... Најубавиот вкус го имаше едно кубанско кафе. Пиеш една шестинка од чашата и ко зомби си 12 саати
. Омилени ми се сите кафиња, но особено го сакам топлото нес со рум. Кажете си какво кафе преферирате, дали сте пиеле некое специфично и ретко и дали за вас пиењето кафе е ритуал и уметност?
го обожавам во сите форми и видови.
