Dota 2 на Linux OS

[iksimkd]

Темава ја отварам за оние што претежно користат Linux оперативен систем и сакаат на него да играат DotA 2, наместо да инсталираат Windows и да бутираат стално меѓу двата системи.

ПРЕДУПРЕДУВАЊЕ: ПОТРЕБНО ВИ Е НАПРЕДНО ПОЗНАВАЊЕ НА ЛИНУКС ОС И КОРИСТЕЊЕ НА КОМАНДИ ( ТЕРМИНАЛ ) ЗА ДА ГО НАПРАВИТЕ ОВА, ДОКОЛКУ НЕ СТЕ СПРЕМНИ НЕ НИ ПОЧНУВАЈТЕ БИДЕЈЌИ НЕМА ДА БИДАМ ОДГОВОРЕН ЗА БИЛО КАКВИ ПРОБЛЕМИ И ШТЕТИ НА ВАШИОТ КОМПЈУТЕР!

Овој туторијал е за Linux Ubuntu 14.04 LTS 64-bit, но според она што го читам низ форуми може да работи и на други Linux дистрибуции како Fedora, Mint итн.

Прво и основно треба да знаете дали вашиот компјутер/лаптоп има ATI или Nvidia графичка картичка бидејќи методите за инсталирање и играње се различни за двете. Овој туторијал се фокусира на Nvidia графичките бидејќи пред се јас користам таква, а и тие графички се најмногу распространети за игри.

За да можете да играте игри на Linux оперативен систем, морате прво да инсталирате драјвери за вашата картичка и да овозможите Linux да ги користи ресурсите на вашата Nvidia графичка со Primus и Optimus технологиите. Обично двете заедно одат на лаптоп компјутери. Тоа значи дека вашиот лаптоп има две графички, low-end Intel графичка која се користи за интернет, слики, песни и слично и таа технологија Intel ја вика Primus. Се што работите преку Intel графичката вози на системот Primus. Додека пак за high-end работа како графика, моделирање или играње игри вашиот лаптоп треба да ја користи Nvidia графичката и таа технолигија Nvidia ја вика Optimus.

Доколку користите персонален компјутер, односно имате само една Nvidia графичка картичка на вашиот компјутер, слободно можете да го прескокнете чекорот за инсталирање на Primus технологијата и Intel графичка бидејќи немате таква графичка на вашиот компјутер.

Овој туторијал е за инсталирање на Intel HD 3000 и Nvidia GT 525M графички картички но начинот на инсталирање е ист за скоро сите комбинации ( Intel 3000,4000,4500 заедно со скоро било која Nvidia M картичка или обична десктоп графичка )

Уште еднаш напоменувам дека тие што имаат само една единствена графичка картичка на компјутерот немаат потреба од инсталирање на Intel графичка. Овде кај мене е автоматски инсталирана од самиот Linux оперативен систем како прва и основна графичка за користење на видео приказ и low-end извршување на работи.

Вашата Intel графичка би требало самиот Linux OS да ја инсталира бидејќи ви е првата и основна графичка картица за извршување на low-end работи.

Доколку не е инсталирана автоматски тогаш направете го ова:

sudo add-apt-repository ppa:zhurikhin/primus
sudo apt-get update
sudo apt-get install primus

Објаснување на командите:
* Додавање на Primus PPA ( Personal Package Archive ) во Ubuntu
* Апдејтирање на Ubuntu складиштето ( repository ) со најновите додадени извори
* Инсталирање на Primus технологијата и драјверите за вашата Intel картичка

Тестирајте дали Primus и Intel драјверите се успешно инсталирани и дали работат:

Отворете нов Terminal прозорец и внесете:

glxspheres

Доколку немате root привилегии тогаш ставете:

sudo glxspheres - sudo e команда за root привилегии и внесете го вашиот пасворд.

Ако командата работи тогаш треба да добиете нешто вакво во Терминал прозорецот:

OpenGL Renderer: Mesa DRI Intel(R) Sandybridge Mobile
58.335930 frames/sec - 56.737059 Mpixels/sec

57.184303 frames/sec - 55.616995 Mpixels/sec

Ако ви се појави ова тогаш успешно работи вашата Intel графичка картичка. Како што можете да видите во OpenGL Renderer дека пишува Mesa DRI Intel Sandybridge Mobile.

Доколку оваа команда не работи тогаш најверојатно нешто сте направиле погрешно и време е да се откажете доколку немате искуство!

После внесувањето на овие команди направете рестарт на компјутерот за измените да почнат да работат.

Инсталирање на драјвери за Nvidia графичка:

sudo add-apt-repository ppa:bumblebee/stable
sudo add-apt-repository ppa:ubuntu-x-swat/x-updates
sudo apt-get update
sudo apt-get install bumblebee bumblebee-nvidia

Објаснување на командите:
* Внесување на Bumblebee PPA ( Personal Package Archive ) за да можете да го инсталирате Bumblebee
* Внесување на апдејти за драјверите, за да можете да ги симнете најновите драјвери за вашата Nvidia графичка
* Апдејтирање на складиштето ( repository ) со двата најнови внесени извори
* Инсталирање на Bumblebee и Nvidia Optimus технологијата користејќи Nvidia комерцијални драјвери

Тестирање на Bumblebee и Nvidia графичката:

optirun glxspheres

или

optirun glxspheres64 ( доколку користите 64 битна верзија на OS )

Како повратна информација треба да добиете нешто вакво:

OpenGL Renderer: GeForce GT 525M/PCIe/SSE2
108.236036 frames/sec - 105.269502 Mpixels/sec
111.096688 frames/sec - 108.051750 Mpixels/sec
115.719165 frames/sec - 112.547535 Mpixels/sec

Ова значи дека вашата Nvidia high-end графичка картичка е успешна инсталирана и работи.

Тестирање на Linux OS ги препознава двете графички картици и нивните Primus и Optimus технологии.

Отворете нов Terminal прозорец и внесете:

vblank_mode=0 primusrun glxspheres

Доколку се е успешно би требало да добиете нешто вакво:

OpenGL Renderer: GeForce GT 525M/PCIe/SSE2
214.447849 frames/sec - 208.570262 Mpixels/sec
220.159208 frames/sec - 214.125085 Mpixels/sec
220.226968 frames/sec - 214.190987 Mpixels/sec

Забележете дека кога ја тестиравте само Intel графичката резултатите беа некаде околу 60 фрејмови во секунда. Додека пак само Nvidia графичката вади некаде околу 100 до 120 фрејмови во секунда. Со оваа команда би требало резултатот да биде дуплирање на овие две, а некогаш дури и многу повеќе како во овој случај. Кај мене би требало 115 од Nvidia и 60 да биде некаде околу 175 фрејмови во секунда, а всушност вади повеќе од 220 фрејмови во секунда. Ова е доказ дека двете графички се успешно инсталирани, нивните драјвери и двете технолигии Primus и Optimus работат дури и подобро отколку што треба.

Има начин со експериментални драјвери од Nvidia и конфигурирање на Bumblebee сетинзите да добиете и резултати уште поголеми, односно повеќе од 270 фрејмови во секунда, но искрено тоа не ви е потребно бидејќи DotA 2 работи одлично и без тоа. А и експериментални драјвери можат да му наштетат на вашиот компјутер/лаптоп па може да направите некој проблем од прегревање или слично. Овој начин му доаѓа нешто како overclock на Nvidia графичката каде што нејзините перформанси се триплираат, односно се за трипати поголеми од нормалата.

Инсталирање на Steam:

Отворете нов Terminal прозорец и внесете ги следниве команди:

wget http://media.steampowered.com/client/installer/steam.deb
sudo apt-get install gdebi-core
sudo gdebi steam.deb

Објаснување на командите:
* Симнување на официјалниот Steam пакет
* Инсталирање на GDebi за пристап на локални Debian пакети
* Инсталирање на Steam

Покренување на Steam:

Доколку ја добиете оваа грешка при стартување на Steam ( најчесно оваа грешка се појавува кај 64 битна верзија на OS ) тогаш направете го следното:

Отворете нов Terminal прозорец и внесете ја командата:

sudo nano /etc/ld.so.conf.d/steam.conf

Внесете ги овие две линии на код во фајлот:

/usr/lib32
/usr/lib/i386-linux-gnu/mesa

Потоа во Terminal внесете ја следната команда:

sudo ldconfig

Сега би требало без проблем да го покренете Steam. Логирајте се со вашиот акаунт, регистрирајте го вашиот компјутер итн...

Инсталирање на Flash за Steam:

1. Проверете дали го имате инсталирано libxt6:i386 фајлот во Steam фолдерот.
2. Отидете во Home фолдерот, откријте ги скриените фајлови со притискање на CTRL + H копчињата и влезете во .local/share/Steam/ubuntu12_32/.
3. Креирајте нов фолдер и именувајте го plugins.
4. Симнете го Flash од официјалната страна на Adobe на следниов линк: http://get.adobe.com/flashplayer/otherversions/?PID=3662453
Внимателно одберете Flash пакетот да биде за Linux 32 или 64 битен систем во зависност од тоа кој го користите вие и обавезно симнете ја .tar.gz екстензијата.
5. Кога пакетот ќе заврши со симнување, отворете го и тука ќе го најдете фајлот libflashplayer.so
6. Кликнете на овој фајл и со влечење или копирање преместете го во претходниот новотворениот фолдер plugins.

Ова ќе му овозможи на Steam да отвара и пушта трејлири од игри како и некои други потребни екстензии и додатоци. Некогаш може да биде споро и да сецкаат трејлерите ама не е никаков проблем тоа.

Доколку оваа операција ви изгледа премногу сложена тогаш истото можете да го направите со команди на следниов начин:

Отворете нов Terminal прозорец и внесете ги командите:

sudo apt-get install libxt6:i386

mkdir -p ~/.local/share/Steam/ubuntu12_32/plugins

wget -qO- https://get.adobe.com/de/flashplayer/completion/?installer=Flash_Player_11.2_for_other_Linux_%28.tar.gz%29_32-bit | awk -F\' '/location.href/{print $2}'| sed s/http:/https:/ | wget -i- -qO- | tar zxvC ~/.local/share/Steam/ubuntu12_32/plugins libflashplayer.so

Мислам дека нема потреба да напоменувам дека командите секогаш се внесуваат една по една а не сите заедно нели?! Ако така правите тогаш ништо нема да направите и стално ќе ви се појавуваат грешки.

Тука веќе речиси се е завршено, останува уште само да се конфигурира DotA 2 да работи преку Nvidia графичката наместо преку Intel.

Тоа се прави на следниот начин:

Отворете нов Terminal прозорец и внесете ја следната команда:

sudo sh -c 'echo OPTIMUS_PREFIX=\"primusrun\" >> /etc/environment'

Одлогирајте се од вашиот акаунт и повторно логирајте се, нема потреба од рестартирање.

Конфигурирање на игрите, во овој случај на DotA 2, но би требало да работи за секоја игра!

Во Steam влезете во Library, селектирајте игра ( DotA 2 ) и кликнете со десен клик на неа. Отворете Properties. Кликнете на Launch Options и внесете ја следната команда:

optirun %command%

Доколку оваа команда не работи, односно DotA 2 не сака да стартува, или пак стартува но играта сецка, графиката е пораметена и слично како што беше кај мене случај тогаш ставете ја следната команда во Launch Options.

LD_PRELOAD="libpthread.so.0 libGL.so.1" __GL_THREADED_OPTIMIZATIONS=1 optirun %command%

Кај мене со оваа команда работи без проблем и се е во ред. Но доколку кај вас пак не работи тогаш пробајте и со оваа команда:

GAME_DEBUGGER="strace -f -o strace.log" LD_PRELOAD=../src/thirdparty/gperftools-2.0/.libs/libtcmalloc_debug.so:$LD_PRELOAD

Значи доколку се направивте како што е објаснето, играта МОРА да работи со една од овие три команди. Доколку не работи тогаш нешто сте направиле погрешно.

Се надевам дека туторијалов е доволно разбирлив за оние поискусните со Linux OS и се потрудив да биде колку што може подобар. Ако имате некои проблеми или прашање слободно прашајте ќе се обидат да ви помогнам.

Мислам дека нема потреба повторно да потенцирам дека доколку нешто заебете или расипате на вашиот компјутер не преземам одговорност нели? Сами на своја глава се решавате да го правите ова така да и на почетокот ве предупредив дека доколку немате искуство воопшто и да не пробувате.

Happy Linux Gaming!

 

[Curious]

А на Windows е само два клика цела постапка....

 

[sneui]

@Psyside

 

[iksimkd]

А на Windows е само два клика цела постапка....

Значи не тролајте без врска. Има некои кои работат и повеќе го сакаат Линукс, туторијалов е за да не мора да инсталираат Windows туку да можат на Линукс да играат. Знаеме сите дека на Windows е најлесно, и дете од 4то одделение знае да инсталира драјвери и да игра игри.

Инаку и ова е два клика, за тие што знаат што прават и што треба. Се на се 5-6 команди во Терминал се и само подесување на сетинзи, не е квантна физика.

 

[Psyside]

@Psyside

Кажи синко?

 

[king_slavcho]

I jas go sakam povekje linux no za gejmanje windows go preferiram inace respect za tutorial-ov

 

[iksimkd]

I jas go sakam povekje linux no za gejmanje windows go preferiram inace respect za tutorial-ov

Па добро скоро сите Linux корисници играат игри на Windows. И јас некои неможам да ги играм на Linux па морам да менувам понекогаш, но сега е малку подобро за разлика од пред неколку години. Плус тоа бројот на игри што ги има за Линукс се бројат на прсти, сеуште развивачите не ги прават игрите достапни и за него како за Windows што е и разбирливо бидејќи Линуксот не е оригинално наменет за игри.

Благодарам!