Yuan Династијата е династија која која ја започнал Кублај Кан, во замрежието на Монголската империја... Кога е основана таа династија, Кинезите веќе речиси 1 век биле под монголско ропство... Династијата само го продолжила тоа уште 200 години... Слично како И Османлиите во Мала Азија кои етнички во голема мера се асимилирале со староседелците преку јаничарството, а во голема мера и културно... Меѓутоа јасна е дистинкцијата, тоа биле Монголски освојувачи... И буквално до последниот император, ја носеле титулата КАН и на крајот од своето владение се повлекле во Монголија...
Уствари оваа династија го направила тоа што ниедна претходна династија не успеала, ја обединила Кина и ја споила со западниот свет. Уствари најсветлата точка на историјата на Кина е оваа династија. Пред тоа Кина била поделена држава, во непрестајни војни за превласт... Во ниеден момент, нема Кинеска цивилизација која трае 5000 години.. Све до Монголската инвазија, станува збор за крајно поделен регион, во бескрајни меѓусебни војни и разарања. Всушност после Монголската династија, Кина излегува со територија дупло поголема од претходните владенија, а понатаму присвојувањето на западната наука и технологија им овозможила економски развој, а присвојување на систем створен на западот им придонел постабилно владеење.
Ако може некако да се најде некаков континуитет на цивилизација на земјата, тоа може да се каже дека е западната цивилизација која од Хеленизмот, преку Рим, Византија до денешно време има некаков континуитет, чии правила се денеска наметнати на целата земјина топка.
На кој правен систем почива Кинеската држава?
Чии образовни процеси следи ?
Не било еден век во прашање, инвазијата на Кина (тогаш поделена на повеќе држави) била постепен процес кој почнал на почеток на 13 век. Во моментот кога Кублај Кан се прогласил за император на Кина и ја оформил Yuan династијата, Јужна Кина била управувана од Јужен Сонг династијата. Додека ја освојувал ги користел локалните анимозитети на тамошните империи владеани од Song, Jin и Xia династиите. Биле монголски освојувачи, ама половина од времето го користеле кинескиот јазик, нивните деца ги образувале кинески тутори, кинеска бирократија им ја администрирала државата, користеле кинески методи на организација на власта, кинески архитекти им ги правеле градовите следеле кинеска религија и кинески војсководци им ја воделе армијата. И не се повлекле, туку биле поразени од Минг династијата.
Во секој случај, освојувањата на Монголите не го докажува дисконтинуитетот на кинската цивилизација, исто како што 100-годишното владеење на Илканат династијата со Персија не преставува прекин на персиската цивилизација, или 300-годишното владеење на Golden Horde со Јужна Централна Русија и Украина не е прекин на источнословенската цивилизација. Латинската империја после 4-та крстоносна војна е прекин на византиската цивилизацијата?
Не била единствената династија која ја обединила Кина, односно двата речни басени на Жолтата река и Јангце, т.н. “Middle kingdom“, тоа им успеало и Хан, Танг и (делумно на) Сонг династиите пред нив и Минг династијата после нив. И е далеку од најсветлата точка на историјата на Кина. Според самите Кинези и нивната историска наука, периодот на владеење на Хан династијата го сметаат за својот златен период (некои ја споменуваат и Минг династијата во таа конотација). Во времето на Хан династијата е целосно воспоставен „патот на свилата“, кога го освоиле Dunhuang и со тоа ја комплетирале трговската рута која поминува низ целата должина на евроазиската копнена маса и трговски, културно и технолошки се поврзале со подеднакво моќната империја на другата страна на Евроазија, Рим. Контактот на Кина со надворешниот свет не го почнала Yuan династијата, едино во тој период бил најизразен поради тоа што цела Азија била владеена од монголски династии.
5000 години континуирана цивилизација не го измислив јас, тоа е општоприфатен став на историската наука и археологија. Кинеската цивилизација од Јангце и Жолтата река е една од 4-те големи антички цивилизации, која има континуитет до денес, бидејќи не била трајно прекината од природен или човечки фактор. Цивилизација не е исто со политичка организација во рамките на таа цивилизација. Не ги мешај тие две работи. Цивилизација е општество или група на општества со слична материјална и нематеријална култура, религија, јазик и етничка компонента, политички и економски (трговски) поврзани меѓу себе, која е географски и просторно одвоена од други цивилизации и временски егзиститра во рамките на една или повеќе политички организации. Нема цивилизација што соодветствува со само една политичка организација. Прва што не го исполнува тој услов е Западноевропската цивилизација, која никогаш во историјата не била унифицирана во една држава. Рим никогаш не владеел со Скандинавија, ни Античка Грција ја владеела Германија.
Ниту пак меѓусебно завојувани држави се доказ дека не постои цивилизација. Европа, во најголемиот дел од својата историја (освен последните 70 години) била составена од племиња, кралства, империи и држави во постојан меѓусебен конфликт. Во доцниот среден век, кога се кристализира цивилизацијата во Западна Европа, постоеле повеќе од 500 кнежества, феудални држави и градови-држави на територијата на Европа. Минатиот век светот сведочеше на две светски војни, предизвикани од тие европски држави.
Историјата не постои 350 години, пред средината на 16 век најчесто Кина била економски, технолошки и културно најсофистицираната цивилизација на светот.
Западноевропската е единствената цивилизација со глобален опсег (и веројатно највлијателната во историјата), меѓутоа не е единствената цивилизација во човечката историја, тоа не би требало да го дискутираме.
Од Опиумските војни, па до воспоставувањето на PRC, Кинезите имаат еден израз кој го користат за тој период, “century of humiliation“. Пред тоа, со милениуми наназад, имале јасно дефинирана и постојана политичка структура и бирократска организација базирана на конфучијанизам, која им давал идентитет на секоја нивна држава. Тоа што го прават во последните 60 години, е истото што го прави и Кореја и истото што го прави Јапонија 140 години наназад. Учат од своето понижување и еволуираат. Ги преземаат практиките, знаењето и технологијата од поуспешните цивилизации. Тоа не е нешто негативно, напротив, би требало и ние да научиме нешто од нив.
Ако гледаш така, и Западната цивилизација го почнала својот развој на темелите на индиски нумерички систем, блискоисточна религија и централноазиска и јужноазиска технологија.