Со натпреварот од ФА Купот, Челзи - Евертон, утре на „Вембли“ ќе заврши годинашнава фудбалска сезона во Англија.
Победа во финалето за „Сините“ од „Стенфорд Бриџ“ би значел колку толку добар крај за сезоната, додека за Евертон и пласманот во финалето е успех.
Челзи има четири победи во ова натпреварување, последното пред две години и за него ова ќе биде 9. финале. Евертон вредниот трофеј го има освоено пет пати и фудбалерите на овој тим ќе го играат 13. финале.
Во првенствените дуели оваа сезона меѓу Челзи и Евертон немаше голови. Почетокот на натпреварот е во 16:00 часот.
