@cool@
Η Μακεδονία δεν είναι Ελληνική
- Член од
- 2 јуни 2007
- Мислења
- 23.601
- Поени од реакции
- 27.117
Блискоста со Москва е од памтивек
Во Русија постои длабока симпатија кон Република Македонија. На вашата земја денес гледаме како на важен партнер на Балканот со значајна улога за мирот и стабилноста во регионот, изјави вчера амбасадорот на Руската Федерација Владимир Солоцински по повод 15-годишнината од воспоставувањето на дипломатските односи меѓу двете земји.
Русија ја призна Република Македонија под уставното име на 4 август 1992 година, а дипломатските односи на ниво на амбасади беа воспоставени на 31 јануари 1994 година.
- Овој чин на признавање и акт на пријателство, нам ни значеше многу и претставува еден од темелите во нашиот капитал на односите со Руската Федерација, а тоа е заемната доверба, која продолжува и денес. Важноста на овој јубилеј како што ќе одминува времето ќе станува сè посилна. Ова е уште една причина да ги оцениме односите со Руската Федерација како добри и пријателски и сметам дека има уште многу можности да ги продлабочиме, особено на економски план - рече министерот Антонио Милошоски на свечената церемонија.
Тој нагласи дека во иднина Македонија ќе вложи уште повеќе напори за зацврстување на билатералните, економските и културните односи.
Амбасадорот Солоцински пак го потенцираше фактот дека за овие петнаесет години биле потпишани повеќе од 40 билатерални спогодби кои се добра правна база за натамошно хармонично зголемување на соработката меѓу двете земји.
- Историјата на односите не се исцрпува со овој временски период од 15 години.Разгранетите контакти имаат корени од далечна дамнина. Духовната блискост овозможи надградување на односите низ многу векови. Ова е бесценето богатство, а добиената историска оставнина е во добри раце - нагласи Солоцински.
За личен придонес во унапредувањето на руско-македонските односи на академиците Гане Тодоровски и Милан Ѓурчинов им беше доделено државно одликување на Руската Федерација - медал „Александар Пушкин“ Указот за нивно одликување го потпишал лично рускиот претседател Дмитриј Медведев.
- Руската литература во Македонија одигра огромна воспитна улога и не оформуваше како луѓе. Ние сме воспитани на таа култура - изјави академик Ѓурчинов.
Министерот Милошоски,од името на Владата, го честиташе и устоличувањето на новиот патријарх на Руската православна црква г.г. Кирил, и изрази надеж дека со неговиот избор уште повеќе ќе се зајакнат врските меѓу Македонската и Руската православна црква.
Заблагодарувајќи се на честитките амбасадорот Солоцински рече дека востоличувањето на новиот патријарх е многу важен настан за Русија, а ќе има и голема улога во зацврстувањето на односите меѓу двете држави.
По повод јубилејот беа разменети и писмени пораки помеѓу шефовите на дипломатиите на двете земји Антонио Милошоски и Сергеј Лавров.
Завршени разговорите за клириншкиот долг, порамнувањето нејасно
Одговарајќи на новинарско прашање министерот Милошоски истакна дека постои сериозна можност да се затвори прашањето со клириншкиот долг со Руската Федерација, кој изнесува 60,5 милиони долари.
- Разговорите за решавање на ова прашање се завршени и сега на двете страни останува да се определат на кој начин ќе се порамни долгот- рече Милошоски.
Од распадот на поранешната СФРЈ до денес ова прашање остана отворено и беше предмет на долги преговори, меѓу двете страни.
Како една од најчесто споменуваните можностите за намирување на долгот се споменуваше и изградба на гасоводна мрежа на целата територија на Република Македонија. Од друга страна во Македонија се води долгогодишен судски спор помеѓу Владата и АД Макпетрол околу сопственоста над гасоводниот систем. И двете страни тврдат дека имаат мнозинско учество во гасоводниот систем.
- Заради нормално стопанисување со гасоводниот систем до донесување на правосилна судска пресуда Владата и Макпетрол, се договорија влоговите да изнесуваат 50- 50 отсто- ни изјави Радко Манов, директор на Гама. Со одлука од 14 јуни 2006 ова претпријатие се организира како акционерско друштво кое управува и стопанисува со гасоводниот систем во РМ.
извор
Русија ја призна Република Македонија под уставното име на 4 август 1992 година, а дипломатските односи на ниво на амбасади беа воспоставени на 31 јануари 1994 година.
- Овој чин на признавање и акт на пријателство, нам ни значеше многу и претставува еден од темелите во нашиот капитал на односите со Руската Федерација, а тоа е заемната доверба, која продолжува и денес. Важноста на овој јубилеј како што ќе одминува времето ќе станува сè посилна. Ова е уште една причина да ги оцениме односите со Руската Федерација како добри и пријателски и сметам дека има уште многу можности да ги продлабочиме, особено на економски план - рече министерот Антонио Милошоски на свечената церемонија.
Тој нагласи дека во иднина Македонија ќе вложи уште повеќе напори за зацврстување на билатералните, економските и културните односи.
Амбасадорот Солоцински пак го потенцираше фактот дека за овие петнаесет години биле потпишани повеќе од 40 билатерални спогодби кои се добра правна база за натамошно хармонично зголемување на соработката меѓу двете земји.
- Историјата на односите не се исцрпува со овој временски период од 15 години.Разгранетите контакти имаат корени од далечна дамнина. Духовната блискост овозможи надградување на односите низ многу векови. Ова е бесценето богатство, а добиената историска оставнина е во добри раце - нагласи Солоцински.
За личен придонес во унапредувањето на руско-македонските односи на академиците Гане Тодоровски и Милан Ѓурчинов им беше доделено државно одликување на Руската Федерација - медал „Александар Пушкин“ Указот за нивно одликување го потпишал лично рускиот претседател Дмитриј Медведев.
- Руската литература во Македонија одигра огромна воспитна улога и не оформуваше како луѓе. Ние сме воспитани на таа култура - изјави академик Ѓурчинов.
Министерот Милошоски,од името на Владата, го честиташе и устоличувањето на новиот патријарх на Руската православна црква г.г. Кирил, и изрази надеж дека со неговиот избор уште повеќе ќе се зајакнат врските меѓу Македонската и Руската православна црква.
Заблагодарувајќи се на честитките амбасадорот Солоцински рече дека востоличувањето на новиот патријарх е многу важен настан за Русија, а ќе има и голема улога во зацврстувањето на односите меѓу двете држави.
По повод јубилејот беа разменети и писмени пораки помеѓу шефовите на дипломатиите на двете земји Антонио Милошоски и Сергеј Лавров.
Завршени разговорите за клириншкиот долг, порамнувањето нејасно
Одговарајќи на новинарско прашање министерот Милошоски истакна дека постои сериозна можност да се затвори прашањето со клириншкиот долг со Руската Федерација, кој изнесува 60,5 милиони долари.
- Разговорите за решавање на ова прашање се завршени и сега на двете страни останува да се определат на кој начин ќе се порамни долгот- рече Милошоски.
Од распадот на поранешната СФРЈ до денес ова прашање остана отворено и беше предмет на долги преговори, меѓу двете страни.
Како една од најчесто споменуваните можностите за намирување на долгот се споменуваше и изградба на гасоводна мрежа на целата територија на Република Македонија. Од друга страна во Македонија се води долгогодишен судски спор помеѓу Владата и АД Макпетрол околу сопственоста над гасоводниот систем. И двете страни тврдат дека имаат мнозинско учество во гасоводниот систем.
- Заради нормално стопанисување со гасоводниот систем до донесување на правосилна судска пресуда Владата и Макпетрол, се договорија влоговите да изнесуваат 50- 50 отсто- ни изјави Радко Манов, директор на Гама. Со одлука од 14 јуни 2006 ова претпријатие се организира како акционерско друштво кое управува и стопанисува со гасоводниот систем во РМ.
извор
