Петре Прличко

[Diabolical !llusion]

Сто години од раѓањето на доајенот на македонското актерство Сомнително лице во чест на Петре Прличко

По повод 100-годишнината од раѓањето на актерот Петре Прличко во неговиот роден град Велес беше одржана свечена академија, а во чест на бардот на македонското глумиште во Паркот на културата беше откриена и биста на Прличко, изработена од академик Томе Серафирмовски. Во чест на јубилејот, Македонскиот народен театар на 17 март премиерно ќе ја изведе претставата „Сомнително лице“ од Бранислав Нушиќ, во режија на Синиша Ефтимов. Ликот на Јеротие Пантиќ во претставата, што Прличко го играше четири децении, во новата премиера ќе го игра неговиот внук Игор Џамбазов.
Петре Прличко е роден во Велес 1907 во година како Перица Алексиќ. Во 1923 година му се придружува на патувачкиот театар на Михајло Лазиќ, кој доаѓа во неговиот град и неговата посветеност на театарската уметност трае 70 години. Во 1930 година основал сопствен театар „Плава птица“, подоцна преименуван во „Боем“. Во 1940 година е првпат професионално ангажиран во „Краљ Александар Први“ во Белград. До крајот на животот одиграл 500 претстави, 80 драмски ролји и две оперетски. Прличко имаше и филмски улоги, настап во првиот македонски филм „Фросина“, во „Мис Стон“, во околу 50 филмски и дваесетина телевизиски улоги. Почина на 88 години, во 1995 година.

 

[Diabolical !llusion]

100 години од раѓањето на Петре Прличко

Во родниот Велес, започнува одбележувањето на 100-годишнината од раѓањето на легендата на македонскиот театар, Петре Прличко. Тоа беше и повод 2007-ма во Македонија да е прогласена за Година на Петре Прличко.

По овој повод, во Паркот на културата во центарот на Велес, непосредно до локацијата на која ќе се гради новиот објект на Народниот театар, ќе биде откриена спомен биста на овој корифеј на македонското и балканското глумиште.

Бистата е дело на академик Томе Серафимовски, а по нејзиното откривање е закажана и свеченост посветена на Петре Прличко во Општината на град Велес, на која ќе говорат градоначалникот Аце Коцевски, театарологот др. Јелена Лужина и Илинденка Петрушевска, филмски критичар.

На 13 март навршуваат 100 години од раѓањето на легендата на македонското глумиште, Петре Прличко (13 март 1907 Велес-16 ноември 1995 Скопје). Годинава со повеќе манифестации ќе се одбележува оваа значајна годишнина, пренесува Макфакс.

Во фоајето на Македонскиот народен театар во Скопје, во кој Прличко помина најголем дел од својот творечки ангажман, на 17 март исто ќе биде откриена биста на Прличко. И таа е дело и донација на академик Томе Серафимовски.

Истиот ден е закажана премиерата на Нушиќевото „Сомнително лице” во режија на Синиша Ефтимов. Ликот на Јеротие Пантиќ, кој Прличко го играше полни 43 години и го направи легенда, во оваа најнова театарска адаптација ќе го толкува неговиот внук, Игор Џамбазов.

Петре Прличко, последниот балкански скомрах, го напушти родниот Велес на 15/16 годишна возраст и тргна во својата театарска авантура - долга речиси 67 години континуиран актерски стаж: најнапред како патувачки актер и сопственик на Патувачкиот театар „Боем”, а од 1945 година е член (едно време и директор) на Македонскиот народен театар; режираше и играше во разни трупи и професионални театри во Македонија и на сцените на некогашна Југославија.

Со својата голема професионална и лична кондиција и непресушен „елан витал”, како комбинација на ентузијазам, хедонизам и талент, боемот, фантаст и идеалист Прличко, оствари незаборавни остварувања во театарот, на филмот, телевизијата, радиото...

Прличко одигра педесетина ролји во патувачките театри; петнаесеттина (можеби и дваесет) на професионалната скопска сцена помеѓу 1940 и 1944; речиси осумдесет на сцената на МНТ; триесеттина филмски ликови меѓу кои е и легендарниот Мандана во филмот „Мис Стон”; приближно дваесеттина ликови во телевизиски драмски емисии и играни серии за возрасни и деца; автор е на драмски текстови, драматизации и адаптации, работеше и како режисер...

Со оние од неговиот патувачки период или агитпроповските во и по Втората светска војна, бројот на одиграните ликови на Прличко се заокружува на околу 250 кои се репризирани во приближно 8.000 поединечни претстави. Добитник е на најразлични награди и признанија.

Низ неповторливиот професионален животен пат, остварувајќи една од најимпресивните кариери и во историјата на македонскиот и европскиот театар, Петре Прличко беше и останува добриот дух на македонскиот театар и култура чие грандиозно актерско/театарско наследство театролошката наука денес го вреднува како културно богатство од највисок ранг.

извор:он нет
http://on.net.mk/default-mk.asp?ItemID=B5D8BDCB2760124F86B302E8757336DE

 

[Nemiseverue]

Петре Прличко е икона на македонското актерство :mist:. Бог во македонскиот театар :costumed3 . Да дојде лето па да видиме дали внук му успеал барем да се доближи на ниво на Прличко, да го повтори неговото “Сомнително лице“...