Фенг Шуи

[glufce]

Фенг Шуи е развиена уметност која датира уште од античките Кинези. Целта на фенг шуи е воведување на хармонија во домот, но не е стил на уредување туку е посебна дисциплина која опфаќа голем број на техники во архитектонското планирање и уредување. Во прастарото време фенг шуи бил користен само однатре и каде и да одел оној што го користел, светот бил исполнет со радост и задоволство. Но во изминатите неколку години животот станувал се покомплициран и кога паѓал во дисхармонија и раздор, станувало неопходно да се користи фенг шуи и однадвор.

За фенг шуи постојат две претпоставки и две нивоа на користење. Првата претпоставка вели дека човековата состојба и неговата енергија влијаат врз неговото опкружување и од позитивен и од негативен аспект. Втората пак вели дека состојбата на опкружувањето влијае врз човековата внатрешна состојба.
Двете нивоа на користење (внатрешно и надворешно) се како двете страни на паричката односно се неразделни. Внатрешното ниво се состои од разбирање на начините на кои принципите небо и земја се однесуваат меѓусебе. Надворешното ниво се состои од хороскопи, компаси и духовни техники.

Подоцна ќе пишам за јин и јанг и за петте елементи и нивните карактеристики (можете да одредите на кој елемент припаѓате според периодот од годината во кој сте родени) :smir:

 

[JASMIN]

Ме потсети, напишав еднаш нешто на темава, општо, во кратки црти.


http://www.forum.kajgana.com/showthread.php?t=9226

 

[glufce]

Чи

Чи се опишува како космички здив или како витален принцип. Тој е суштината на принципите небо и земја, на времето и просторот и со самото тоа и на сите меѓусебно поврзани појави.
Чи е прикажан преку небесното движење, преку годишните времиња, преку промените на нашето тело, емоциите, мислите, преку нашите емотивни врски и преку среќата. Се дише и се се движи во рамнотежа со него, се произлегува од него, постои преку него и во него се враќа.
Чи има три фази. Тие се викаат шенг, си и ша.

Шенг-чи е кога местото го чувствувате свежо и светло, кога животните се здрави, луѓето успешни и среќни и кога потсетува на убав парк, градини, езера, реки, планини. Значи кога чувствувата позитивна енергија имате шенг-чи.

Си-чи е кога местото е опаднато и запуштено, ако земјата е исушена, вегетацијата сиромашна, животните болни а луѓето слаби и безволни. Односно кога се чувствувате депресивни имате си-чи.

Ша-чи е кога местото го чувствувате како туѓо и опасно и притоа сте гневни. Штетните зрачења од ша-чи предизвикуваат болести и ја исцрпуваат енергијата. На местото каде што се наоѓаат можете да станете нервозни и преморени од непознати причини.

 

[glufce]

Ме потсети, напишав еднаш нешто на темава, општо, во кратки црти.


http://www.forum.kajgana.com/showthread.php?t=9226

еве малце повише во врска со тоа што си го напишала...

 

[Serpico]

Интересна тема Глуфче.

Фенг Шуи како "алатка" во денешно време често се користи во праксата на архитектите. Очекувам да дознаам повеќе информации.

Можеби слики од повеќе ентериери уредени по Фенг Шуи, со коментар на истите?:smir:

 

[glufce]

Интересна тема Глуфче.

Фенг Шуи како "алатка" во денешно време често се користи во праксата на архитектите. Очекувам да дознаам повеќе информации.

Можеби слики од повеќе ентериери уредени по Фенг Шуи, со коментар на истите?:smir:

Да да секако, само што секој простор се уредува според астролошката карта на оној кој живее во тој простор, ама ќе се обидам да најдам нешто каде ќе можам да ги посочам најосновните работи, положба на кревет, работна маса, детали итн.

 

[glufce]

Јин и Јанг

Јин и Јанг се позитивните на кружниот ток на чи. Според Кинезите небото е јанг а земјата е јин. Јанг е активен, јин е одмарачки. Сепак тоа што го создава јанг, јин го прифаќа и го довршува. Тие се неразделни, едното упатува на другото. Јин и јанг се аспекти на чи што се однесуваат на вашиот физички изглед, вашето занимање и вашиот дом. Од денот кога сте се родиле вашиот лик припаѓа или на јин или на јанг. Во сликата горе погледнете ги карактеристиките дадени на јин или јанг и во оној дел каде што ќе пронајдете карактеристики кои одговараат на вас, тоа сте вие јин или јанг.

Јин и Јанг занимања

Ако според конституцијата му припаѓате на типот јин, вие природно повеќе се изразувате преку мислите. А ако според конституцијата му припаѓате на типот јанг, вие се изразувате со дејства. Иако во суштина му припаѓате на типот јанг вие можете да изберете професија што е јин и обратно. Занимањата од типот јин го вклучуваат истражувањето, стипендиите, подучувањето, пишувањето и сите други активности кои вклучуваат ментална активност. Занимањата од типот јанг ги опфаќаат бизнисот, трговијата, патувањата, спортовите, инженерството, механиката и сите останати занимања кои бараат физички напрегања.

Опкружување што најмногу ви одговара

Кога избирате соодветно опкружување, мора да имате во предвид две работи: што му одговара на вашиот физички изглед и што му одговара на вашиот тип на интересирање. Кога е физичкиот изглед во прашање избирате опкружување што ви одговара односно ја избирате вашата спротивност. На пример, ако му припаѓате на типот јанг основата на вашиот простор треба да биде јин и обратно. Но кога избирате простор што ќе му одговара на вашето занимање тогаш ако вашето занимање е од типот јанг дел од просторот треба да биде од типот јанг за да ја поттикне вашата активност и обратно ако вашето занимање е од типот јин дел од просторот треба да биде од типот јин.

Опкружувањето јанг има топли, активни бои и осветлување, и може да биде на некој висок кат или на аголот од улицата. Опкружувањето јин има ладни, мирни бои и осветлување, и може да биде ниско или во средината на станбен блок.

Подоцна ќе пишам кој дел од вашиот простор што означува, ќе ги прескокнам петте елементи, а ако некој го интересира нека пише. :smir:

 

[Goddess of Chaos]

Мене ме интересира и тоа многу!
А имаш повеќе податоци за тоа како се определува на кој елемент припаѓаме?

 

[Stefanos_M]

Читав една книга за Фенг Шуи... Само не ме привлекува... Чуствувам како ние и кинезите да сме два различни света...

 

[glufce]

Мене ме интересира и тоа многу!
А имаш повеќе податоци за тоа како се определува на кој елемент припаѓаме?

Дап дап... ти на пример си родена на 24.02 и си родена во елементот дрво. Ај коа више почнав...
Личностите кои припаѓаат на овој елемент се оптимисти, младолики, нескротливи, полни со идеи и најчесто успеваат преку нивните оригинални идеи. Во домот треба да имаат посебно место за книгите, за музичките системи, за уметничките предмети како и место каде што ќе може слободно да се концентрирате, да ги проучувате работите и да создавате. Позитивните ментални состојби што се поврзани со дрвото се љубезноста, пријателската настроеност, широкоградоста, романтичната љубов, способноста за планирање и решавање, како и способноста за организација и контрола. Неговата негативна состојба е гневот. Професиите што се поврзани со дрвото како елемент се однесуваат на планирањето и ги вклучуваат архитектурата, дизајнирањето на екстериерот, модата, пишувањето, компонирањето, сликарството, фотографијата и кинематографијата. Бои и нијанси на дрвото се сите нијанси на сината и зелената освен нијансите кои и одговараат на водата. Ќука со слаба, оштетена или лошо дизајнирана дрвенарија, или со некои други проблеми што се однесуваат на дрвото може да влијаат негативно врз вашиот физички и ментален напредок и да ја инхибираат вашата способност за навремено планирање и одлучување. :smir:

 

[Goddess of Chaos]

Дап дап... ти на пример си родена на 24.02 и си родена во елементот дрво. Ај коа више почнав...
Личностите кои припаѓаат на овој елемент се оптимисти, младолики, нескротливи, полни со идеи и најчесто успеваат преку нивните оригинални идеи. Во домот треба да имаат посебно место за книгите, за музичките системи, за уметничките предмети како и место каде што ќе може слободно да се концентрирате, да ги проучувате работите и да создавате. Позитивните ментални состојби што се поврзани со дрвото се љубезноста, пријателската настроеност, широкоградоста, романтичната љубов, способноста за планирање и решавање, како и способноста за организација и контрола. Неговата негативна состојба е гневот. Професиите што се поврзани со дрвото како елемент се однесуваат на планирањето и ги вклучуваат архитектурата, дизајнирањето на екстериерот, модата, пишувањето, компонирањето, сликарството, фотографијата и кинематографијата. Бои и нијанси на дрвото се сите нијанси на сината и зелената освен нијансите кои и одговараат на водата. Ќука со слаба, оштетена или лошо дизајнирана дрвенарија, или со некои други проблеми што се однесуваат на дрвото може да влијаат негативно врз вашиот физички и ментален напредок и да ја инхибираат вашата способност за навремено планирање и одлучување. :smir:

У, точно.
И навистина си замислуваф дека домот најдобро позитивно би го чуствувала во нијанси на зелено и сино (ама морско сино, бла).
Интересно, фала многу

 

[glufce]

Методот на 8 точки

Методот на 8 точки покажува како влијаат проблематичните области во вашиот простор врз различните аспекти на вашиот живот, како што се вашата кариера, финансиите и вашите врски. Секоја од 8те точки се наоѓа на точно определно место во вашето место на живеење односно во вашата соба.

Линијата на која се наоѓаат точките наречени пријатели, кариера и знаење секогаш одговара на ѕидот на кој се наоѓа главната влезна врата. За да ги лоцирате тие точки, или области во просторот замислете си дека стоите на влезната врата гледајќи ВНАТРЕ.

Пренатрупаност

Пренатрупаноста што може да се најде на која било од 8те точки укажува на нарушени или проблематични услови во соодветната област од вашиот живот. Ако мебелот или некој друг голем објект е поставен на некоја од 8те точки, а ви личи на пречка, тоа укажува на потешкотии во соодветната област од вашиот живот. Ако приметите дека на одреден ден постои конфузен куп од објекти и тоа ви влијае лично на вас тогаш купот од објекти треба да го замените со масичка и на неа вазна со цвеќиња, големо дрвенесто растение, или пак некоја пријатна и мека гарнитура во зависност од тоа во кој дел од вашиот простор се наоѓа хаосот односно пренатрупаноста.

 

[Goddess of Chaos]

Значи хаосот и пренатрупаноста сегде се лечат со растенија!
Милче имаш нешто за поставеноста на растенијата во домот?

 

[MaRiNa`Oh]

Ова звучит многу спиритуалистички-интересно, ама премногу комплицирано за мојот хаос кој го преферирам дома

 

[glufce]

Значи хаосот и пренатрупаноста сегде се лечат со растенија!
Милче имаш нешто за поставеноста на растенијата во домот?

Аха... и можат да бидат свежи или вештачки но никако исушени
Иначе немам посебно за растенија само имам тука нешто за љубов и поставеност на растенијата. Како на пример каде да поставиш растение и како ќе ти влијае тоа. Ако си во врска, никако не смеат поставените цвеќиња да гледаат право во тебе додека спиеш. А па оние кои не се во врска односно им фали треба да ги постават цвеќињата на одредено место во собата во зависност од кинескиот хороскопски знак. И водата на цвеќињата мора редовно да се менува... малце а?

Свиња, Зајак и Офца - цвеќињата треба да бидат поставени исклучиво на северната страна.
Змија, Петел и Вол - југ
Тигар, Коњ и Куче - исток
Мајмун, Глушец и Змеј - запад