Здраво,јас сум ученик од 4та година средно.Компјутерите и програмирањето ми се многу важни уште од мали нозе.Кратко кажано единственото нешто што би се гледал себе како го работам во иднината.
Сега гледам финки препун,од цела Македонија на финки сите.Тоа е се супер ништо против луѓето,но можно ли е да се случи истата ситуација како економистите и правниците?(премногу да ги има).Ова го прашувам бидејќи сум во такво време од животот каде што оваа одлука што ќе ја направам може да смени многу работи..
Ако навистина се занимаваш со програмирање уште од мали нозе, тогаш земи додека сеуште не си завршил средно, оди посети по некој курс за програмирање во Семос Едукација или во Сеавус.
Знам за Семос Едукација дека дозволуваат бесплатно присуство на едно предавање по било кој курс, за да видиш и самостојно да дојдеш до заклучок дали навистина те интересира таа професија.
Проблемот со образованието во Македонија не е конкретно во ФИНКИ, туку општо во целиот образовен систем.
Подобро образование од областа на информатичка технологија ќе стекнеш на ФИНКИ отколку на приватните универзитети, но најдобро образование од областа на информатичката технологија, барем за програмирање, ќе стекнеш во Семос Едукација или во Сеавус.
Многумина ги има кои ќе ти кажат дека сертификатите од Мајкрософт или од Оракл (за Јава) или од Циско - кои патем, се признаени во цел свет и нема нострификација или не знам какви дополнителни процедури за нивно признавање во странство, како што е во случајот со македонските универзитетски дипломи - се за тазе дипломци или за постдипломци и дека повеќе постојат за усовршување на веќе стекнатите програмерски знаења и вештини, но од личните искуства на мои пријатели и соработници, можам да ти потврдам дека во Семос Едукација или во Сеавус ќе стекнеш многу повеќе знаења и вештини - конкретно за програмирање - отколку на било кој факултет во Македонија, без разлика дали е државен или приватен.
А кога сме кај суфицитот, тој ниту постоел, ниту постои, ниту ќе постои, бидејќи биди сигурен, сигурно минимум 30% од тие кои се запишаа оваа година на ФИНКИ ќе се занимаваат со нешто сосема друго откако ќе дипломираат, а некои од нив можеби и ќе се отпишат уште додека трае актуелната академска година, бидејќи ќе им стане јасно дека едно е брзата заработувачка, а друго е лесната заработувачка. Програмирањето е брза заработувачка, но не е ни малку лесна, како што си мислеле кога се запишувале.
Помини до Семос Едукација или до Сеавус и прашај ги кога се одржуваат часови по некој конкретен курс по програмирање кој тебе би те интересирал и дали може бесплатно да присуствуваш на едно од предавањата по истиот тој курс.
Доколку те фати интерес, прашај кога наскоро би се формирала нова група за одржување на истиот тој курс, кога би почнал истиот, до кога би траел и колку би те чинел курсот.
Ако успееш да фатиш некој курс оваа зима или наредната пролет, се додека не започнале наредните уписи за на факултет, и доколку парите не ти претставуваат проблем, запиши се на некој од тие курсеви и од прва рака ќе почувствуваш дали навистина те интересира тоа поле од областа на информатичката технологија за да не направиш фатална грешка, па да се запишеш или уште полошо, да завршиш факултет по некој смер кој тебе не те интересира или кој, без разлика колку се трудиш, сепак не успеваш да го разбереш.
Ова ти го спомнувам бидејќи познавам и такви кои денес работат како шанкери и келнери откако завршија информатички факултет - некои на државни факултети, некои на приватни факултети, знаат да ја научат материјата за на колоквиум или за на испит, знаат да направат одлични проектни/семинарски задачи и да завршат факултет со просек над 8, а некои и со просек над 9, но кога ќе седнат пред компјутерот и ќе го видат програмскиот код, едноставно посакуваат да се врати времето назад и да се запишат на некој друг факултет.
) па многу странски компании-клиенти сакаат да соработуваaт пошто сме ефтини во споредба со другите држави.
