- Член од
- 14 март 2010
- Мислења
- 17.046
- Поени од реакции
- 16.576
Составите и подготовките на репрезентациите веќе започнаа да се крчкаат, па мислам дека е време да се има и тема на Кајгана.
За околу месец дена, поточно од 30 август, па се до 14 септември, во 6 градови низ Шпанија ќе започне 17то Светско првенство во кошарка, под организација на ФИБА.
Ова ќе биде последно првенство кое се одржува на секои 4 години, наредните ќе се одржуваат на секои 5 години, почнувајќи од 2019 година.
На првенството учествувааат 24 репрезентации, Шпанија како домаќин на првенството имаше директен пласман, САД учеството на шампионатот го обезбедија со освојување на Олимпискиот турнир во Лондон, а четири репрезентации учеството на шампионатот го обезбедија преку вајлд карта, на огромно изненадување на сите една од тие репрезентации е и Финска, останатите се Бразил, Турција и Грција. Со овие четири репрезентации се затвора кругот од вкупно 24.
Репрезентациите се поделени во 4 групи од по 6 тимови. Секоја група ќе се игра во различен град.
Во А групата ќе се:
Шпанија
Србија
Египет
Франција
Бразил
Иран
Дербито во оваа група ќе е меѓу Шпанија и Франција, тој натпревар е на програмата на 3 септември.
Шпанија е во комплетен состав, и се очекува да гледаме одлична игра од нив, па зошто да не им се спротистават и на Американците.
Натпреварите од оваа група ќе се одиграат во Гранада, во Паласио Мунисипал де Депортес, која е со капацитет од 7.500 седишта.
Група Б
Аргентина
Грција
Порто Рико
Филипини
Сенегал
Хрватска
Аргентина и без Џинобили, кој поради повреда нема да настапи на мундобаскетот, пак е прв фаворит за освојување на првата позиција во оваа група, клучен меч ќе е тој измеѓу нив и Грција, другите репрезентации се за класа послаби од овие две, тука може да се вброи и Хрватска.
Мечот Аргентина - Грција ќе се одигра на 4 септември, кога на програмата е последното коло од групната фаза.
Оваа група своите натпревари ќе ги игра во Севиља, во Сан Пабло, со капацитет од 10.200 седишта.
Група Ц
САД
Турција
Доминиканска Република
Финска
Украина
Нов Зеланд
Нема дилема кој е прв фаворит во оваа група, а и воедно на целиот шампионат, и без своите најголеми ѕвезди, јенките се најголеми фаворити за освојување на шампионатот, па оваа група ќе им биде само загревање за она што претстои, а се очекува дуел во финале против домаќинот Шпанија, ако се оди според планираното.
Турција ќе има шанса после дебаклот на првенството во Словенија, да се извадат со добри настапи на првенството, па со мал ризик, типувам на нив за втората позиција во оваа група.
Групата Ц, натпреварите ќе ги одигра во градот Баракалдо, на северот од Шпанија, во Бизкаиа Арена, со капацитет од 15.414 седишта.
Група Д
Литванија
Словенија
Ангола
Јужна Кореа
Мексико
Австралија
Група во која нема некој изразит фаворит, можеби и најнеатрактивна група од сите четири, но на крајот битката за тоа прво место би требало да ја бијат европските репрезентации, Литванија и Словенија, тој натпревар е на програмата токму во последното коло, на 4 септември.
Дуелите од оваа група ќе се играат во Гран Канариа Арена, во Лас Палмас, на Канарските острови, капацитетот на арената е со 11.500 седишта.
Најдобрите четири репрезентации, од сите четири групи ќе ги сочинуваат осминафиналните двојки, група А ќе вкрсти со група Б, групата Ц со група Д, за нас добро познат систем, па нема потреба од дополнително објаснување, оваа втора фаза ќе се игра во два града, едната половина во Барселона, а другата во Мадрид. Воедно во Мадрид ќе се одигра и завршницата на првенството.
ТВ права: не сум баш сигурен, но мислам дека Сител има склучено договор со ФИБА за пренесување на натпреварите од овој шампионат, ако не, ќе бараме друго чаре.
Официјална страна на првенството: http://www.fiba.com/basketballworldcup/2014
Па се надевам дека пола од тоа што се искоментира за Светското првенство во фудбал, ќе се искоментира и на оваа тема.
