Дефинирање на поимот ОДМОР!

[Ljupco Meljata]

Ајде после толку дискусии на оваа тема да отвориме тема како би дефинирале поимот
Ќе одам на Одмор ,

Шо ни е целта

1)Одење на море
2)Трошење на пари
3)Одење во планина
4)Дружење со најблиските
5)Друго

Дали парите и одморот одат заедно на крај краева....................

Наредете се што ви лежи на душа и да ја разработиме темата

Без навреди цинизам и гледање сеири

 

[Erich Zann]

Кај нас одмор подразбира одење некаде надвор од живеалиштето, со цел човек да се дистанцира од обврските со кои се окупира секој ден, преку некои други активности кои треба да му чинат задоволство како скитање, пиење, пливање, трчање и тн.

Јас под одмор подразбирам дистанцирање и од обврски и од луѓе. Барем такви потреби имам. Но досега ретко сум ги остварил, особено во лето никогаш.

 

[Goxyto]

Успешен одмор за мене е кога сум успеал да зачувам неколку тегли ајвар од зимото. Ако тоа ми успее, тогај у Грчка на море ќе можам да кажам дека одмарам како господин. Или госпоѓица, зависи како ме замислуваш.
Е, да не плаќам тамо по пола евро лежалка, зеам столче од оние на расклапање шо се и на сред плажа си се постелам уште у пет сабајле. Една пластична масичка со четири пластични ногарки кои можам да ги тргнам кога сакам значи имам целосна контрола врз масата. Идам у ЛИДЛ и купам сирење у канта, освен ако претходно не ми бил запленет на граница, облечам „хавајските“ бермуди и уживам у МАКЕДОНСКОТО СОНЦЕ. Успат видам некој познат на другиот крај на плажата и дерам се за да ме слушне и виде и да го почастам една рибанка (кришка) оти нели, наши сме си и можда он има некоја трска па да земеме риби да ловеме, бесплатна вечера, мераци.
За време на целио тај циклус ако сум успеал да останам „свеж“, шо значи да не изгорам ниту едншка, е тогај можам да кажам дека сум бил на одмор. Тоа е одмор за мене, а не како овие децата шо прават, телефон у рака и сликат се.

„Наредете се што ви лежи на душа и да ја разработиме темата“ овоа исто како да идеш у менувачница и да сменеш Опел за Југо.

 

[Fringe]

Користам годишен одмор 21 ден без викенди и празници.
Независно дали е во домашни услови,езеро,море или планина првите 2-3 дена убаво се наспивам за после тоа да започнат активностите.
Колку поголем буџет имаш толку поубав одмор ќе си истераш.

Под одење на одмор не подразбирам носење тенџериња,ѓезвиња,чинии,лажици виљушки,кафе,шеќер,компир,пиперки,патлиџани.............. ,да земеш кредит за да отидеш на одмор или да стискаш цела година за да отидеш на одмор па пак да стискаш како најголем циција.

Е беа тоа убави времиња кога децата на картата од Македонија играа брза географија и на кој каде ќе му паднеше пенкалото таму одевме на одмор.

 

[statusQuO]

Секој си има своја дефиниција така да темава не треба да цели да наметне еден на друг свое мислење туку само да го искаже без разлика дали е општо прифатливо или не.

Кога веќе тоа е кажано, следново е исто битно, а тоа е дека не сме истите луѓе помеѓу вчера и утре т.е. сме се освен константни во нашите размислувања уверувања и принципи - што значи дека вашето мислење е само тековно но далеку од конечно.

Кога веќе и тоа е кажано мојата моментална дефиниција за одмор е да се прошеташ до некое место што не е охрид, да се испечеш на плажа, да поспиеш тро појке и да си се гостиш лежиш и третираш како што сметаш дек а заслужуваш. Журки мурки се опција но не и не опходност, одмарање со љубената е исто така битен дел, така да тоа би била сумацијата вака општо кажано.

 

[StormRage]

Пошо еднаш кажав дека не знам баш што е одмор, никогаш не сум бил. Али одмор за мене секогаш е после ужасно тешка работа макар два-три дена да се убијам од спиење. Дали сам или со некоја не е ни многу битно, сакам да сум внатре, подалеку од интернет никаде, евентуално до продавница по цигари.
Е сеа, се дешавало да ми светне да одам на журка, да ојдебам се, да палам кола и да фатам некаде... али ретко. Другово ми е врвот, еден ден да иам слободен, го спијам, тоа ми е одморот.

 

[templar55]

Кај нас во Македонија одморот започнува така што "одмарачот" најпрвин се упатува во најблиската банка да подигне кредит.
Откако кредитот му е одобрен по пријателска линија, тогаш започнуваат оние вистинските подготовки, тенџериња, пиперки, домати, паштети и се упатува кај соседите кои патем не чекаат со раширени раце.
Ако случајно се сретнеш со некој од твоите сограѓани со кои немате ни здраво кога ке си разминете улица, во странство слатко ке се прегрнете и ке договорите седенка за вечер што која по некое чудно правило скоро никогаш не се остварува.
По 7 или 10 дена поминати се враќате назад во МК и до октомври се живее клошарски. Боље да не пишувам уште...

 

[@cool@]

тоа е индвидуално прашање , секој го сфаќа или доживува на свој начин . Одморот според мене е вид на спонтаност , тоа е кога сум ослободен од обврски, од дисциплината која присуствува во моето секојдневие преку целата година , кога сум во трка со времето сконцентриран на исполнување на задачи и цели и каде нереткото го губам контактот со сопствените емоции, без разлика што мојата работа ми носи задоволство и не ја сметам за товар, сепак одморот ми е повеќе од битен.

 

[мкд владе]

Под одмор си подразбирам одење на некоја дестинација по можност со солена вода од минимум 7 дена. Кога сум веќе таму си најдувам некое местенце на плажа што ми ги задоволува моите критериуми што отприлика би значело дека е блиску пешки да се оди, плажата да е песоклива и морето релативно чисто, да нема гласна музика која ке ме вади од ум, и по можност да не е претерано гужва. Ако има продавница во непосредна близина е голем плус ама можам и без неа. И кога тоа ке го најдам исклучвам мобилен, мозокот го ставам во лер и се излежавам по цел божји ден до крајот на одморот. Нити се замарам дали некој ме барал, нити со фејсбук или интернет воопшто, нити дали имало знаменитости кои вредат да се посетат, крстарења или пак други плажи. Нити ме интересира дали има ноќен живот, денски или приквечерен. Ама буквално ништо не ме интересира.
Е тоа е за мене дефинирање на поимот одмор во кратки црти.

 

[Strider]

Дефиниција за одмор на 99% од Македонците им е одење на некое од околните мориња и дремење 10 дена на плажа. Ќе се форсираат до максимум ако треба тие денови со сончање, ако треба и со сончаници ќе бидат, ама ко ќе си дојдат дома мора сите да ги препознаат дека биле на одмор.
Колку поцрн некој е, толку „поквалитетен“ одмор истерал. Ова мислам оти најизразено е кај женската популација, поготово во тин-години...
Ако се појде во планина или на патување некаде, backpacking и слично, тоа не е интересно. Никој нема да знае од прв поглед дека си бил на одмор, ако се вратиш бел.

 

[dzonyb]

Одмор за мене е било каде да си остави си го мобилниот, лаптопот или таблетот дома, по можност без телевизор и радио. Само така можеш да се одмориш се друго е залажување.

 

[Rockey.1]

Според мене одмор е одење на некое место, каде било, исклучување на мозокот и одмарање. Тотално никој да не те замара ниту преку телефон ниту преку нет и слично.
По можност и да се оди на море, затоа што водата е здрава за здравјето.

 

[devojka87]

Прво и основно секој различно го сваќа одморот и секој има различни барања. Некој сака море,некој сака планина, некој да се изнаспие, некој да не излезе од кафана или диско. Мене искрено не ми е јасно што на луѓето им смета ако некој Јанко или Петко оди на одмор и при тоа носи тенџериња, патлижани, пиперки... или пак земал кредит за истиот? Секој си го живее животот како си сака ако за некого е задоволство да оди на море и да носи со себе тегла ајвар, нека оди што ми е мене гајле. Ниту јас ќе му готвам ниту јас ќе му го плаќам кретидот.

Моја дефиниција за одмор е да одам на место каде не сум била до сега, да прошетам што е можно повеќе од местото, да вкусам локална храна, да излезам од соба сабајле рано и да се приберам дома вечер касно. Под летен одмор подразбирам обавезно море, обожавам пливање и убави плажи. Ноќен живот не ми е приоритет, секако сакам да излезам некаде навечер но не мора да е некоја луда забава. Хотелот каде што сум сместена ми е најмала преокупација. Доволно ми е да е чисто и да има кревет и приватно купатило, се друго е занемарливо. Кога одам на одмор и покрај тоа што сум голема спанка мразам да спијам до касно, можам да спијам и дома, таму сакам да прошетам што е можно повеќе.