Stefus Corp.
Рационална Коза
- Член од
- 22 август 2012
- Мислења
- 2.097
- Поени од реакции
- 1.821
http://emagazin.mk/велосипед-возат-само-14-од-скопјани/
Велосипед возат само 1,4 отсто скопјани, другите трпат метеж
Прво и најважно, кога на работа доаѓам со велосипед, не се нервирам поради густиот сообраќај во Скопје. На тој начин и двојно штедам - не плаќам за бензин и за паркирањето, кое стана неизбежен и висок трошок во центарот, и главата ми е мирна од казните на пајакот. Возењето на две тркала ми доаѓа и како добра рекреација, бидејќи на работа цел ден седам, вели 52-годишниот Петар Јовановски, кој од велосипедот, како главно превозно средство, се разделува само во најстудените зимски денови. Од својот дом во Kисела Вода до центарот, каде што работи, стасува за 10 минути, што е неспоредливо побрзо отколку со автомобил.
Бројките кажуваат с`
Ако се суди според сообраќајната студија за Град Скопје, Петар е еден од малкутемина жители на метрополата што редовно го користат овој евтин и еколошки превоз. Според таа студија, 30 отсто од патувањата во Скопје се реализираат со јавен превоз, а само 1,4 отсто со велосипед. И покрај тесните грла и сообраќајниот метеж, кој не важи само во шпицовите, автомобилот и понатаму им е омилено превозно средство на скопјани. Доказ за тоа е што само на раскрсницата кај Судска палата, како една од пофреквентните, дневно поминуваат 80.000 до 90.000 возила во сите насоки.
Со вакви навики и бројки станува појасно зошто главниот град се соочува со големо, а зимно време и енормно аерозагадување, кое порано или подоцна ни се одразува на здравјето. Податоците од истражувањата во рамките на Локалниот еколошки акционен план на Град Скопје покажуваат дека загадувањето на воздухот предизвикано од сообраќајот изнесува 36,8 отсто, во споредба со останатите извори на загадување - индустрија, домаќинства, енергетика и други - а емисиите на стакленички гасови од транспортот учествуваат со 10 отсто во вкупните емисии на стакленички гасови. Емисиите на јаглероддиоксид на патник во полн автобус се 10 пати помали во споредба со емисиите по еден патник во автомобил.
Патеки има, но се узуприрани
Според прелиминарните пресметки, во Скопје по булеварите има мрежа од велосипедски патеки долга над 60 километри и мрежа покрај Kејот на Вардар од двете страни, долга 20 километри.
Со кусиот коментар „авантуристичко“, Бојан Рантеша од движењето „Kритична маса: На точак“ објаснува зошто малкумина скопјани се решаваат секојдневно да го користат велосипедот.
- Возењето велосипед во Скопје не е толку опасно, колку што е некомфорно. Патеките, за кои погрешно се мисли дека се само за велосипедистите, а всушност се и за инвалидите во количка и за други лица со загрозено движење, се узурпирани и нефункционални поради паркираните возила, билбордите, бандерите, контејнерите... Нема алтернатива, па се вози на улица, каде што е близок контактот со автомобилите. Нивните возачи се себични, не оставаат простор и за другите, па луѓето не се чувствуваат безбедно и се откажуваат од велосипедот. Огромен напредок ќе биде ако само постојните патеки се направат функционални - вели Рантеша.
Се развиваат нови
сообраќајни концепти
Во Градот Скопје истакнуваат дека последниве години се разработува нов пристап за развој на сообраќајните концепти, со кои треба да се унапредат ефикасноста, безбедноста и мобилноста на сите учесници во сообраќајот, но и да се подобри заштитата на здравјето на граѓаните и на животната средина.
Главен проект е пробивање и проширување на булеварската магистрална мрежа и изградба на брзи кружни раскрсници, како и почнувањето на изградбата на подземна сообраќајница покрај Вардар. Се смета дека нивната реализација ќе помогне за поголем проток во сообраќајот, зголемување на безбедноста, намалување на емисијата на штетните гасови, забрзување и зголемена употреба на јавниот превоз. Една од мерките е изградба на велосипедски патеки, изнајмување и користење на велосипедот како рекреативно, но и како превозно средство. Во завршна фаза е комплетирањето на велосипедската патека на левиот брег на Вардар, а во целост е завршена патеката на десниот брег.
- Освен тоа, Град Скопје со проширувањето на булеварите, со реконструкциите на улиците и на тротоарите секогаш прави услови за непречен велосипедски сообраќај. Освен просторните услови, правиме напор и со изнајмување велосипеди да обезбедиме услови за стандардизирање на велосипедот како превозно средство - велат надлежните.
Соња Kазиовска
Франција ќе плаќа за одење на работа на две тркала
Франција со повеќе мерки ќе ги поттикнува своите граѓани повеќе да користат велосипед и најверојатно ќе им плаќа на тие што со него ќе одат на работа. Весникот „Фигаро“ пишува дека министерот за сообраќај Фредерик Kувилије го промовира националниот план со кој се фаворизира возењето на две тркала, особено од дома до работа, а слоганот „метро, работа, кревет“ ќе биде сменет со „велосипед, работа, кревет“. Фирма од Стразбур ја прифатила иницијативата и на вработените им обезбедила бесплатен паркинг за велосипеди, заштитни елеци и кациги, алат за поправка и кабини за туширање. Во Белгија ваквата иницијатива е прифатена во 1997 година и километар поминат со велосипед се плаќа по 21 цент.
Велосипед возат само 1,4 отсто скопјани, другите трпат метеж
Прво и најважно, кога на работа доаѓам со велосипед, не се нервирам поради густиот сообраќај во Скопје. На тој начин и двојно штедам - не плаќам за бензин и за паркирањето, кое стана неизбежен и висок трошок во центарот, и главата ми е мирна од казните на пајакот. Возењето на две тркала ми доаѓа и како добра рекреација, бидејќи на работа цел ден седам, вели 52-годишниот Петар Јовановски, кој од велосипедот, како главно превозно средство, се разделува само во најстудените зимски денови. Од својот дом во Kисела Вода до центарот, каде што работи, стасува за 10 минути, што е неспоредливо побрзо отколку со автомобил.
Бројките кажуваат с`
Ако се суди според сообраќајната студија за Град Скопје, Петар е еден од малкутемина жители на метрополата што редовно го користат овој евтин и еколошки превоз. Според таа студија, 30 отсто од патувањата во Скопје се реализираат со јавен превоз, а само 1,4 отсто со велосипед. И покрај тесните грла и сообраќајниот метеж, кој не важи само во шпицовите, автомобилот и понатаму им е омилено превозно средство на скопјани. Доказ за тоа е што само на раскрсницата кај Судска палата, како една од пофреквентните, дневно поминуваат 80.000 до 90.000 возила во сите насоки.
Со вакви навики и бројки станува појасно зошто главниот град се соочува со големо, а зимно време и енормно аерозагадување, кое порано или подоцна ни се одразува на здравјето. Податоците од истражувањата во рамките на Локалниот еколошки акционен план на Град Скопје покажуваат дека загадувањето на воздухот предизвикано од сообраќајот изнесува 36,8 отсто, во споредба со останатите извори на загадување - индустрија, домаќинства, енергетика и други - а емисиите на стакленички гасови од транспортот учествуваат со 10 отсто во вкупните емисии на стакленички гасови. Емисиите на јаглероддиоксид на патник во полн автобус се 10 пати помали во споредба со емисиите по еден патник во автомобил.
Патеки има, но се узуприрани
Според прелиминарните пресметки, во Скопје по булеварите има мрежа од велосипедски патеки долга над 60 километри и мрежа покрај Kејот на Вардар од двете страни, долга 20 километри.
Со кусиот коментар „авантуристичко“, Бојан Рантеша од движењето „Kритична маса: На точак“ објаснува зошто малкумина скопјани се решаваат секојдневно да го користат велосипедот.
- Возењето велосипед во Скопје не е толку опасно, колку што е некомфорно. Патеките, за кои погрешно се мисли дека се само за велосипедистите, а всушност се и за инвалидите во количка и за други лица со загрозено движење, се узурпирани и нефункционални поради паркираните возила, билбордите, бандерите, контејнерите... Нема алтернатива, па се вози на улица, каде што е близок контактот со автомобилите. Нивните возачи се себични, не оставаат простор и за другите, па луѓето не се чувствуваат безбедно и се откажуваат од велосипедот. Огромен напредок ќе биде ако само постојните патеки се направат функционални - вели Рантеша.
Се развиваат нови
сообраќајни концепти
Во Градот Скопје истакнуваат дека последниве години се разработува нов пристап за развој на сообраќајните концепти, со кои треба да се унапредат ефикасноста, безбедноста и мобилноста на сите учесници во сообраќајот, но и да се подобри заштитата на здравјето на граѓаните и на животната средина.
Главен проект е пробивање и проширување на булеварската магистрална мрежа и изградба на брзи кружни раскрсници, како и почнувањето на изградбата на подземна сообраќајница покрај Вардар. Се смета дека нивната реализација ќе помогне за поголем проток во сообраќајот, зголемување на безбедноста, намалување на емисијата на штетните гасови, забрзување и зголемена употреба на јавниот превоз. Една од мерките е изградба на велосипедски патеки, изнајмување и користење на велосипедот како рекреативно, но и како превозно средство. Во завршна фаза е комплетирањето на велосипедската патека на левиот брег на Вардар, а во целост е завршена патеката на десниот брег.
- Освен тоа, Град Скопје со проширувањето на булеварите, со реконструкциите на улиците и на тротоарите секогаш прави услови за непречен велосипедски сообраќај. Освен просторните услови, правиме напор и со изнајмување велосипеди да обезбедиме услови за стандардизирање на велосипедот како превозно средство - велат надлежните.
Соња Kазиовска
Франција ќе плаќа за одење на работа на две тркала
Франција со повеќе мерки ќе ги поттикнува своите граѓани повеќе да користат велосипед и најверојатно ќе им плаќа на тие што со него ќе одат на работа. Весникот „Фигаро“ пишува дека министерот за сообраќај Фредерик Kувилије го промовира националниот план со кој се фаворизира возењето на две тркала, особено од дома до работа, а слоганот „метро, работа, кревет“ ќе биде сменет со „велосипед, работа, кревет“. Фирма од Стразбур ја прифатила иницијативата и на вработените им обезбедила бесплатен паркинг за велосипеди, заштитни елеци и кациги, алат за поправка и кабини за туширање. Во Белгија ваквата иницијатива е прифатена во 1997 година и километар поминат со велосипед се плаќа по 21 цент.
