Филмски критичари

[Setsuko]

Имам навика кога ќе гледам добар филм да побарам критики по интернетов и да прочитам најразлични размислувања и толкувања. Иако по форуми може да се прочитаат лични импресии, некогаш има потреба од некаков професионален текст кој ќе ја оцени целокупната работа на актерите и актерската игра, режијата, сценариото, дијалозите, метафората, детали кои не сме ги забележале и уште еден куп други чуда.

Преку текстов далеку подобро ги доловив кадрите на Хичкок и размислував за нешта кои не би ги приметила само со гледањето на филмовите.

Како се станува филмски критичар?
Кои се најпризнати и најценети филмски критичари во светот?
Има ли филмски критичари во Македонија и зошто не?

На темава може да се постираат и филмски критики кои ви оставиле впечаток (на македонски јазик, за да има поголем интерес) и од кои сте научиле нешто или биле вредни за да поттикнат размислување.

 

[Werther]

Вчера го гледав Clockwork Orange, и најдов интересна рецензија на Roger Ebert, еден од најдобрите филмски критичари.

Мал извадок:

Stanley Kubrick's "A Clockwork Orange" is an ideological mess, a paranoid right-wing fantasy masquerading As an Orwellian warning. It pretends to oppose the police state and forced mind control, but all it really does is celebrate the nastiness of its hero, Alex.

Целата рецензија тука.

 

[dragonsky]

Да си филмски критичар значи да не можеш комплетно да се опуштиш и да уживаш во филмовите и цело време да размислуваш за ситни и поголеми елементи на филмовите. Барем од кажувања така ќе му дојде

 

[Setsuko]

Да си филмски критичар значи да не можеш комплетно да се опуштиш и да уживаш во филмовите и цело време да размислуваш за ситни и поголеми елементи на филмовите. Барем од кажувања така ќе му дојде

И да и не. Не мора да значи. Уживање е и максималното фокусирање на сите детали од филмот. Секако зависи и за каков жанр зборуваме.

 

[џимеј]

Не може да се замисли темава без Роџер Еберт. Остро и прецизно, не штеди лоши зборови за лоши филмови Има некои критики со кои не се сложував, само не можам да се сетам за кои филмови. Го читам и tedg, имдб јузер кој има напишано милион рецензии и детално ги анализира филмовите. Овде можете да прочитате нешто од него http://www.imdb.com/user/ur0643062/comments-index?start=0&order=useful
Скот Хигинс, професор на Wesleyan University, има блог, кој за жал поретко го апдејтира, кој има одлични работи. Ги анализира филмовите од сосема други аспекти, најголем акцент става на боите и монтажата. http://shiggins.blogs.wesleyan.edu/ Зедов еден онлајн курс на coursera кој го водеше тој и даде за задача да го гледаме Scarface оригиналниот, па после преку видеа го објасни цел филм до детали кои тешко дека обичен гледач би ги заприметил и му дава сосема нова смисла на филмот.
Кога ќе ми текне на некој друг ќе допишам...

 

[Daedalus]

Критиката на дело, без разлика на тоа дали зборуваме за филм, музика, ликовна уметност и слично, според мене е проценка за квалитетот на делото. Затоа што квалитетот сам по себе е субјективна карактеристика, секоја критика е лична интерпретација на делото.

Не го оспорувам тоа дека можеби постојат некои компоненти како кадар на агли, квалитет на снимка, ефекти и глума кои можеби можат да бидат "објективно" проценети, сепак еден ист филм може да добие различни критики од различни "експерти".

Претпоставувам дека добри филмски критичари треба да имаат образование кое е поврзано со филм и глума и/или самите тие да се глумци/сценаристи/режисери со некое реноме иако и тоа е дискутабилно. Некој со образование во таа сфера може да даде критика која нема да ми се допадне на мене лично повеќе од критика на некој друг кој нема никаква потврда дека е стручен во областа на филмовите.

Најверојатно, луѓето кои имаат изгледано повеќе филмови, имаат поголемо искуство со повеќе видови на жанри, се објективни и го анализираат контекстот на самиот филм, темата која филмот ја обработува, како се прикажани ефектите кои се поврзани со техничкиот аспект на квалитетот на истиот и сл. се покомпетентни критичари.

Како и да е, прогуглав и ја најдов листава.
http://www.complex.com/pop-culture/2013/02/best-movie-critics-of-all-time/

Ќе разгледам повеќе околу ова, пошто не сум запознаен со темава.
Како и да е, интересна тема за дискусија.

 

[Treeko]

Посебно сакам детективски филмови па таму мора да ти работа доста логиката да сватиш некоја грешка а и секако логиката на продуцентот (секако не на некој нискобуџетно што уште не го убиле човекот знаеш кој го убил). Иначе јас сум приметил повеќе ГРЕШКИ во филмови, една сцена така друга вака. Друго ништо, не се ни замарам. Само една критика.
Fast and Furious 6, аеродромот ко од Скопје до Гевгелија...

 

[moongoses]

Во Македонија нема филмски критичар од проста причина што нема ниту весник ниту филмско списание кои би ги објавувало текстовите. Последен (единствен?) филмски критичар беше Ѓорѓи Василевски.
И да, за филмски критичар треба големо познавање како на историјата, естетиката, така и на технологијата за создавање на филмот, за да може реално и објективно да се процени вредноста на делото за кое се пишува, да не биде дека открил топла вода.
А во врска со текстот за Хичкок, тоа е веќе анализа на делата, што е различно од критика, затоа што тука се навлегува во теорија, семантика и семиологијата на филмот. Во некои од ваквите анализи се изведуваат такви тероии, за кои ни авторот на самиот филм немал појма дека тоа сакал да го каже

 

[Setsuko]

А во врска со текстот за Хичкок, тоа е веќе анализа на делата, што е различно од критика, затоа што тука се навлегува во теорија, семантика и семиологијата на филмот. Во некои од ваквите анализи се изведуваат такви тероии, за кои ни авторот на самиот филм немал појма дека тоа сакал да го каже

Да, текстот за Хичкок повеќе е анализа, отколку критика, но немав соодветен текст од критичар, а не сакав да постирам долга критика на англиски што никој нема да ја прочита.

А баш сакам да прочитам критика од Македонец што нема да биде класична „ода на радоста“ за наш филм, туку ќе удри директно во сржта.

Ни фали нешто ко Online Film Critics Society, иако кај нас можеби повеќе би функционирало нешто како MovieBoozer.

 

[moongoses]

А баш сакам да прочитам критика од Македонец што нема да биде класична „ода на радоста“ за наш филм, туку ќе удри директно во сржта.

Колку е во сржта незнам, ама се труди колку може да не биде ода на радоста а да звучи така