Ја укинуваат ТВ претплатата

[@cool@]

Србија ја укинува ТВ претплатата, а РТС во иднина ќе се финансира од државниот буџет.

Радиодифузната агенција во иднина ќе се нарекува Регулаторно тело за електронски медиуми , ќе има пошироки овластувања и ќе биде поефикасна во отстранувањето на недозволените содржини.

http://www.smedia.rs/vesti/vest/110...IVNO-SE-UKIDA-TV-PRETPLATA-ide-na-budzet.html

Но, ЕУ е против државното финасирање

за да се обезбеди правото на објективно информирање и независност на јавните сервиси - ЕУ се противи да истите бидат финансирани од државата и препорачува токму спротивното- систем на наплата на РТВ претплата.
Висината на претплатата зависи од платежната способност на населението на една држава , па во европските земји е вообичаено таа да биде во висина на месечна претплата на дневните весници.

Начинот на кој се наплаќа во земјите од ЕУ се разликува и таа се спроведува од посебни специјализирани агенции , преку поштенската администрација , државите органи, или пак самостојно.
Земјите во кои јавните сервиси се финансираат од државен буџет се : Андора, Естонија, Лихтенштајн , Луксембург, Монако, Шпанија , додека пак во Бугарија, Црна Гора, Унгарија, Холандија, Португалија и Кипар е укината
во Црна Гора таа е укината пред 4 години поради неадекватниот систем на наплатување како и поради малиот број на лица кои ја исполнувале оваа обврска.

Во Унгарија претплатата официјално си постои , но од 2002 г владата одлучила да таа се финансира од страна на државата.

 

[Pane-G]

А Македонија ??? дали е државно или ???

 

[HoT IcE]

Не е државно, си плаќаме радиодифузна такса.

 

[Lifebinder]

Но, ЕУ е против државното финасирање.
"во Црна Гора таа е укината пред 4 години поради неадекватниот систем на наплатување како и поради малиот број на лица кои ја исполнувале оваа обврска."

А нели е ЕУ против фрлање на пари во грчкиот бунар без дно? Сега истото се случува и со кипар и они најделе да кажуват како се воде држава. Да не е германија до сега ЕУ ќе беше замината во историјата исто како југославија.
И кај нас ретко кој ја плаќаше ама сега во диктатурата сакам-нејќам морам да плаќам иако до сега МТВ немам никогаш гледано.

 

[ehrlich]

Значи, знаеме каква беше мизерна состојба на МТВ кога добиваше пари од буџетот. Сепак, откако се воведе претплатата мораме да признаеме дека состојбата е далеку подобра, дури можам да кажам дека Прва заедно со Алфа се најдобрите телевизии во моментов. Единствено тие даваат нешто поразлично од само турски серии, репризи на турските серии, итн. Конечно по неколку години видов ФИЛМ на нашиве телевизии и тоа го гледав на Македонска телевизија. Јас искрено сум сосем задоволен од насоката кон која се движи телевизијата.

 

[cleverguy]

^
за 300 денари претплата од цела држава може и од холивуд премиери да носат место во кино, а може да го ангажираат и Чак Норис да води вести

 

[PurplePuma]

Не гледам ТВ многу, ама кога веќе гледам наши програми, гледам или Телма (кога ќе начекам документарец) или МТВ. Од причина што знае да се погоди и на МТВ по нешто.

 

[аллександар]

македонија има 2 милиона луѓе - да рачунаме дека просечно семејство се по 4 члена - претплата по 150 денара тоа му доаѓа месечно по 75000000 денари или изразено во евра 1200000 ЕВРА - епа со МЕСЕЧЕН ПРИХОД ОД МИЛИОН И ДВЕСТА ИЛЈАДИ ЕВРА треба да бидат пред сите телевизии!!! па дури и премиери да пуштаат - ама како што знаеме кај нас некој мора да мавне пари од некаде како и да е....

 

[garmin]

не е 190ден? и тие милион и нешто евра, не ги лапа бе МТВ, тие пари се распределуваат на СИТЕ медиуми кои зрачат во етер, и онаа тв во село прчизакачи со 5 жители зема дел од колачот.да дека МТВ зема најголем дел, ама треба са сватиме дека не треба да ја поврзуваме давачката само со МТВ. и да, насловот нема веза со реалноста, авторот на темава како по дифолт ги отвара така, без врска, делува како ОВДЕ да е укината тв претплатата. треба да се потенцира дека ВО СРБИЈА се укинува.

 

[Barto]

Шо почнавте да си правите филмчиња, во Србија се укинува не во Македонија..

 

[@cool@]

гледам дотичниот garmin или- заборавил дека темава е во Свет- или нешто не разбира велејќи дека „насловот нема веза со реалноста„

 

[Splendora]

не е 190ден? и тие милион и нешто евра, не ги лапа бе МТВ, тие пари се распределуваат на СИТЕ медиуми кои зрачат во етер, и онаа тв во село прчизакачи со 5 жители зема дел од колачот.да дека МТВ зема најголем дел, ама треба са сватиме дека не треба да ја поврзуваме давачката само со МТВ.

Грешка.

Член 145 (од Закон за радиодифузна дејност):

Средствата за покривање на трошоците за создавање и емитување на програмите и за техничкотехнолошки развој на јавниот радиодифузен сервис, за одржување, употреба и развој на јавната радиодифузна мрежа, за регулирање и развој на радиодифузната дејност во Република Македонија, се обезбедуваат од радиодифузна такса.
Радиодифузната такса е јавна давачка.
Од средствата на радиодифузната такса се финансираат следниве корисници:
- ЈП Македонска радиотелевизија;
- ЈП Македонска радиодифузија и
- Советот за радиодифузија.
___________________________________________

Член 149

Средства од наплатената радиодифузна такса се распоредуваат на следниов начин:
- 72% за МРТ за покривање на трошоци за создавање и емитување на програмите;
- 4,5% за МРТ за техничкотехнолошки развој;
- 16% за МРД за одржување и употреба на јавната радиодифузна мрежа;
- 3,5 % за МРД за развој на јавната радиодифузна мрежа и
- 4 % за Советот за радиодифузија за регулирање и развој на радиодифузната дејност во Република Македонија.
Од вкупно уплатените средства од радиодифузната такса МРТ задржува износ во висина од 0,5% на име провизија.


Ниеден медиум не може ни да ги помириса парите од радиодифузна такса, освен државната МРТ, и тоа во износ од над 76%.

 

[garmin]

ако е тоа навистина така, благодарам што ми ги отвори очиве.

Грешка.

Член 145 (од Закон за радиодифузна дејност):..

 

[Lifebinder]

МТВ се финансира од три извори, покрај радиодуфузната такса добива одредена сума и од Буџетот на РМ и плус се дозволи да може да емитува реклами(како дополнително финансирање со рекламите им се нанесува неправда на приватните телевизии бидејќи тие се финансираат само од реклами а МТВ и од други извори)

Не ме интересира за другите телевизии ако на нив не им смета, никој до сега се нема пожалено. Неправда е нанесена на граѓаните бидејќи радиодифузна такса се плаќа секаде. Еве на пример тато има приватна продавница во којашто нема телевизор или радио, а мора да плаќа радиодифузна такса секој месец па каде го има тоа...

 

[pLaToOn]

македонија има 2 милиона луѓе - да рачунаме дека просечно семејство се по 4 члена - претплата по 150 денара тоа му доаѓа месечно по 75000000 денари или изразено во евра 1200000 ЕВРА - епа со МЕСЕЧЕН ПРИХОД ОД МИЛИОН И ДВЕСТА ИЛЈАДИ ЕВРА треба да бидат пред сите телевизии!!! па дури и премиери да пуштаат - ама како што знаеме кај нас некој мора да мавне пари од некаде како и да е....

Не ти ја бива математиката. Ти фалат претплатите од фирмите. Секоја фирма плаќа РДТ и тоа минимум една, а како натаму оди пресметката дали беше на 20 вработени по една и сл. не сум сигурен.