Најопасни патишта

[.Lost Angel.]

Не видов ваква или слична тема во пребарувањето па решив да отворам.

Бидејки повеќето патуваме дали самите возиме или патуваме со автобус без разлика повеќето од нас не ни ги знаат опасните патишта - ( црни точки ) Па решив да отворам тема ваква каде ќе ги постираме нашите искуства и ќе дадеме совет за одреден дел од некое место каде што е опасно за возење и треба да се отворат 4 очи... или пак да дознаеме каков е патот на одредена дестинација без разлика дали се работи за Македонија или пак за друга држава.

Еве нешто што најдов на нет за во Македонија ( црни точки )

Илија Јовановски е еден е од ретките што таму преживеале директен судир. Тој во јули 2008 година при удар, и покрај отворените шест воздушни перничиња во „пежото“, доби сериозни повреди. Докторите во Ургентниот центар во Скопје му рекле дека за чудо преживеал. Лузната преку целото лице ќе го потсетува на несреќата.

- Имав неколку скршени коски и тешки повреди по целото тело. Се лекував со месеци, а последиците ми се трајни. Возев со 80 километри на час, а од автомобилот не остана ништо, иако е беспрекорно безбеден. Да имав полошо возило, ќе загинев. Патот треба да биде поширок, а потребна е трета лента - вели Илија.

Не минува ден, а да не се случи нешто и на Директорската кривина, 16-от километар, кај Пилав тепе. Тие места се потаму од Криво Крувче, кон Штип, Радовиш и Струмица. На патот Штип - Кочани опасно е меѓу селата Долни Балван и Чардаклија.

Вистински рулет за возачите е и патот Куманово - Крива Паланка. Опасности демнат на неколкуте црни точки, особено на последните десетина километри пред Крива Паланка. Поради лошата сигнализација и дупките, стариот пат од година на година зема сѐ повеќе жртви.

Опасни места има и во западниот дел на Македонија. Поголема внимателност за возачите, поради непрегледноста, ширината на коловозот или честото преминување на пешаци преку коловозот, се препорачува кај Зајас, Тајмиште и Ботун.​

___________________________________________________________________________________

Кратово – Пробиштип (35 км), регионален асфалтен пат кој минува низ интересен палеовулкански простор. Патот е со бројни непрегледни и опасни свиоци, особено од Кратово до Пробиштип (17 км), каде стрмно се искачува преку планината Плавица и превојот Жгури (878 м)



Хамзали – Суви Лаки (16 км), дел од регионалниот асфалтен пат кој ги поврзува Струмица и Берово. Овој дел од патот, стрмно се искачува околу 900 м по јужните, претежно каменливи, гранитни падини на планината Огражден. Патот е со бројни свиоци и стрмнини.




П.С ако не и е тука местото на темава преместете ја.

 

[Струмикс]

Убава тема!
Сметам дека е подобро истата да стои во подфорумот Автомобилизам. Затоа ја преместив таму.
Би додал уште едно место, т.е Струмица - Валандово од Гогова чешма до Костурино.

 

[.Lost Angel.]

Убава тема!
Сметам дека е подобро истата да стои во подфорумот Автомобилизам. Затоа ја преместив таму.
Би додал уште едно место, т.е Струмица - Валандово од Гогова чешма до Костурино.

Oк фала

 

[Guliver]

Кај и да одиш во нашава чудесна земја има опасни патишта. Ако патиштата не се опасни, тогаш опасни се возачите. Среќа што ги користиме автопативе само еднаш до два пати годишно

 

[048]

R106 - попозната како Градско - Макази, сектор: Прилеп-Градско. Плетвар поточно, сообраќајка во вторникот

 

[Filmakedon]

Патот кон планинарскиот дом Вртешка на Плачковица. Самото име си кажува доволно. Премногу свиоци и големи стрмнини. Седев на првите седишта во автобусот. Мислам дека умрев и воскреснав 100 пати додека да се спуштиме доле.

 

[Why?]

Па и не се толку опасни, граганите ги користат 3 до 5 пати годишно, ништо страшно.

 

[Fan.]

Многу лудаци има низ градов мој Скопје што поседуваат возачки дозволи, да да многу луѓе ума што се шетаат без дијагноза!

 

[Итар Пејо]

Кај и да одиш во нашава чудесна земја има опасни патишта. Ако патиштата не се опасни, тогаш опасни се возачите. Среќа што ги користиме автопативе само еднаш до два пати годишно

Овде само ти фали потпис, пуемиеу на уепубуика античка вечна буагосуовена моќна македонија!
--- надополнето: 3 август 2012 во 22:08 ---
Маврово-Дебар, Дебар-Струга, Неготино-Радовиш....Колин Мекри ќе излета од пат

 

[c i t r o]

Куманово - Крива Паланка цел пат е опасен..тесен со 2 ленти,крпен,често и со дупки,кривини..опасност по живот.

 

[.Lost Angel.]

Дали има некој слики од патот Куманово Крива паланка бидејќи тој пат доста го споменуваат ко најопасен ... не сум бил на тој пат па би сакал да видам слики ...

 

[AlternativeF]

Дали има некој слики од патот Куманово Крива паланка бидејќи тој пат доста го споменуваат ко најопасен ... не сум бил на тој пат па би сакал да видам слики ...

Што ќе гледаш, руина е мање-више. Дупки демек закрпени, ама пак се отвараат, на некои места има ерозија одвај скротена, после Кокино од десната страна (не ми текнува точно на местото) вечно пола од патот е зафатен со земја што паднала од страните... А, тој пат нѐ поврзува со Бугарија, главна сообраќајница треба да биде.
Инаку, има една црна точка на патот кон Берово, после Пехчево мислам дека беше една кривина што е ми се чини и повеќе од 180 степени вртење и угорница, таму си стои и знак дека е црна точка.
Кај Ботун тетка ми и тетин ми имаа сообраќајка, им налетал некој од спротивна страна, тетин ми за да го избегне излетал од пат, среќа не беа повредени, носеа појаси и двајцата.
Исто е доста ризичен и патот од Стража кон Гостивар, не за друго туку има многу фраери што претицаат, а таму е апсолутно непрегледно за претицање.
Едит: Да го додадам и делот Скопје - Велес, после Катланово. Сега не знам дали го поправиле, ама порано беше скапаница жива.

 

[peperutka *]

Еве нешто

 

[Рудници и]

^^^^^^
Тој дел е Кичево - Гостивар

М-6 / Штип - Радовиш - Струмица
На 9-ти Јули сообраќајка меѓу автобус Sanos S-415.5 на Струмица Експрес со 32 војници на АРМ, од кои 27 завршија со потешки или полесни повреди и Audi Q7 теренец со двајца патници од Кочани, завршија со тешки телесни повреди.Крив возачот на џипот и непрегледноста на раскрсницата.
Истиот ден уште едно возило на СЕ излета блиску до истото место.Еден од патиштата со најголем број жртви годишно, ако не и прв во неславна статистика.75 км. ги градат од 1992, срамота е самата класификација како магистрален

Штип - Радовиш

Исклучување за Радовиш (ич не е остра кривинава за излез )

Радовиш - Струмица

Крак од М-6 Струмица - Валандово (Валандовско Брдо)

Исто освен овие и Радовиш - Неготино, од делбата со М-6 преку Криволак до Неготино

Прилеп - М.Брод не е лош (ставен е и еден дел нов асфалт), не е со многу сообраќај ама доста запрежни коли и трактори се опасни на оваа делница.Патот на многу места е прав и ако се залеташ лошо е да закочиш...особено навечер е заебан.Слично и Кичево - Демир Хисар - Битола.

Р-418 Струга - Дебар, во лето е ок ако не ви излезат камиони или комбиња, во есен сигурни одрони и поплави (пред некоја година Глобочичко Езеро се спои со патот), а на зима скоро секојдневни лавини...само голема среќа е досега немало посериозни ситуации...

Р-409 Дебар - Маврово, иста или дури полоша ситуација од Дебар - Струга.Најверојатно Дебар во зима е најзаебан град со најлоша патна комуникација со остатокот од светот.Или од кај Струга или од кај Маврово, барем еден пат е блокиран во зимски период.А чувството да се клацкаш со ~ 90 км/ч во автобус на оваа делница е непроценливо и добро за лица со камен во бубрези

Мелнички Мост

После од Битола до Пелистер е заебан патот, Трпејца - Отешево (особено надвор од летен период), Исто многу заебан пат ми се виде Демир Хисар - Крушево (некоја покрвава верзија на Радовиш - Неготино), 2 или 3 пати сум го возел и не ми е баш мерак пак да возам натаму.Не можам да најдам слики по интернетов ама е кандидат за прво место од регионални и магистрални патишта.

 

[peperutka *]

^^^^^^
Тој дел е Кичево - Гостивар

тоа е патот Кр. Паланка - Куманово и има чести одрони ...