Научниците од универзитетот Вејк Форест (ВСУ) имаат произведено систем што им овозможува претворање на човековата топлина во електрична енергија, која во иднина ќе овозможи празниот мобилен да го држиме во раката неколку минути и на овој начин да го наполниме доволно за неколку разговори.
Системот наречен „Пауер фелт“ се состои од наноцевки што се наредени во флексибилна пластична мрежа и ја овозможуваат работата на термоелектричниот уред што ја претвора телесната температура во електрична енергија.
Системот ги користи температурните разлики помеѓу надворешната температура и температурата на телото, што му овозможува да создаде топлина што се претвора во електрична енергија.
Научниците велат дека нивниот систем, освен за полнење мобилни уреди, би одговарал дури и за полнење акумулатори.
„Замислете го како прибор за прва помош, обвиткан околу рачна ламба или како полнач за мобилни“, изјави Дејвид Керол, директор на Центарот за нанотехнологија и молекуларни материјали на универзитетот ВСУ.
ИЗВОР
