Народна кујна

[вера-во-хаосот]

Здраво на сите. Се викам Вера и по седум години поминати навака-натака се вратив да живеам во моето родно Скопје. Оттаму и моето доцно приклучување кон форумов

Е сега, одамна имам желба да организирам народна кујна во Скопје.

Знам дека веќе постојат неколку, но сите се врзани за различни владини институции и/или невладини и религиозни организации - и секоја чест на оние кои добронамерно учествуваат во нив - но јас не би сакала да се инволвирам во истите. Прво, затоа што сметам дека по принцип исклучуваат дел од граѓаните, и второ, затоа што имам впечаток дека често ја инструментализираат човечката хуманост за нивни цели.

Значи, би започнала со реализацијата на една таква народна кујна со сопствени средства (време, пари, материјали), кои не се посебно големи, но се надевам се доволни за почеток, на пример, да се организира барем еден оброк неделно.Доколку понатаму постои можност за повеќе, уште подобро!

Пишувам тука за да ја прашам форумџиската заедница дали некој е заинтересиран за учество во нешто од овој тип. Секаква помош би била добредојдена добредојдена, било да се идеи за изнајмување на некаков простор за поевтино, за начини да се популаризира местото кај оние на кои им е најпотребно, еден саат од вашето време, една конзерва, сто денари...

Однапред благодарам на одговорите!

Позз,

В.

 

[langelina]

Секоја чест за идејата.

Малку ми е нејасен начинот на реализација.
Ти мора да обезбедиш минимум луѓе коишто ќе работат таму, а тоа ако некој се вклучи, е плус повеќе. Ама треба да си подготвена и на тоа дека може да немаш ниту еден волонтер или да дојдат 30, 100 волонтери. Ако имаш голема бројка, треба да знаеш како да ги искористиш и распоредиш. Значи да не дојдат 10 луѓе кои ќе си ги мавтаат пачевиците, оти истите веќе нема да дојдат.

Исто така и за средствата. Мора да обезбедиш минимум средства со кои ќе го покриваш месецот. Не може да почнеш, па после да бараш чаре како ќе се покриеш.

А за работните дозволи и целокупната документација, нека се вклучи некој постручен од мене.

Поздрав и стискам палци

 

[HITCH]

Добар ден Вера, ја поздравувам Вашата желба да помогнете на овој начин, но ми се чини дека сте неупатена во овие работи.

Прво, за да отворите јавна кујна треба да се пријави кај надлежните органи, се` едно што сето тоа ќе биде организирано волонтерски. Ова ви го кажувам, оти Вие апелирате и финансиски некои волонтери да помагаат. Тоа не е никаков проблем, но мора да се знае со колку пари располагате. Значи Ви треба граѓанско здружување во невладина организација, се` едно дали тоа Ви се допаѓа или не. Потоа Ви треба број на луѓе кои имаат потреба од ваков вид помош. Не може да организирате храна за 30 луѓе, а да Ви дојдат 300, што ќе правите?! Кога делите храна не смеете да си дозволите да оди по пронцип, прв дојде прв зема, па до каде има до таму ќе делиме, после клуч на врата.
Имајте предвид дека станува збор за многу ранлива категорија на луѓе со кои не смеете да си дозволите да бидете неорганизирани, неспремни и неискрени.

Не ми се допаѓа Вашиот став од самиот старт дека помошта која ја даваат некои организации е само за лични цели. Јас сум волонтер во некои НВО, но настрана од тоа јас 4 пати месечно купувам храна и сама ја носам во некои центри, каде што е потребно, и не го правам тоа за некој да ми рече фала или браво. Ова не го правам годима или две, туку го правам прилично долго време! Ајде да ја преформулираме Вашата реченица, од каде пак јас да знам со која цел вие ја отварате темава и дали сте искрени во желбата? Не е убаво кога некој ќе се посомнева во она што искрено го правите, нели?! Кога почнувате со нешто вакво тогаш мора да им верувате на луѓето. Нема успех без доверба!

Драга Вера, од се` срце Ви посакувам успех.

 

[вера-во-хаосот]

@langelina

Точно е дека бев нејасна во објаснувањето, но не сакав од напред да ве бомбардирам со премногу детали. Сакав прво да видам дали има заинтересирани за реализацијата на идејата.

Организацијата ќе зависи од тоа колку луѓе/средства/материјали можеме да собереме. Ако на пример, има други заинтересирани освен јас и неколку пријатели, тогаш би можело да се земе подобро место, да биде почесто отворено, да се обезбедат оброци за повеќе луѓе и тие да бидат поквалитетни. Во тој случај, најдобро би било да се собереме и заеднички да одлучиме како да се дејствува, по сите основи - не се гледам себеси како некој "организатор" кој ќе им командува на останатите, ко-волонтери, кажувајќи им каде да одат и што да прават.

Доколку пак нема многу заинтересирани, во рамките на моите можности сега за сега, би купувала храна од сопствен џеп, со мала помош од оние од кои ја купувам (веќе се имам малку распрашано по фурни, за добивање на "фабрички" цени), би ја готвела дома, би изнајмила некаква гаража и би ја служела таму еднаш неделно. Знам дека не е сјајно (посебно делот со гаражата), но и тоа е некаков почеток!

Фала на интересот
--- надополнето: 29 февруари 2012 во 13:41 ---
@HITCH

Се сложувам со организациските проблеми оклу сето ова, но тука само сакав да видам дали постојат заинтересирани луѓе за идејата. Сметам дека техничките детали зависат од тоа колку луѓе би можеле да се организираме.

Што се однесува на владините и невладините организации, немав намера да навредувам кого било - и се извинувам ако те навредив - ниту пак да дебатирам за нивните целни групи и цели. Го кажав тоа што го кажав за да им објаснам на луѓето дека не сакам да се приклучувам кон веќе постоечки институции и организации, туку да започнам/еме нешто ново.

Имам голема почит за сите оние кои одделуваат од своите време, пари и материјални добра, која и да е нивната афилијација. Сепак од искуството што го имам со ваквите организации во земјава (иако тоа беше одамна, додека бев уште во средно) и во повеќе земји во странство, ми се чини најдобрите резултати беа постигнати со групи на добротворни луѓе надвор од рамките на истите. Лично, на пример, најмногу ми се допадна функционирањето на плати-колку-што-мислиш-дека-треба кујната за време на студентските окупации во универзитетите во Франција пред 3 години. Јас водев една таква кујна 5 месеци и сум презадоволна од она што се направи.

Но, како што реков, било за техничките детали, или за мислењата и искуствата можеме да разговараме и понатаму, доколку нешто излезе од ова, и лично.

Поздрав

 

[langelina]

Поради ограниченоста на просторот и јас не сакав да должам непотребно.
Колку што гледам, тоа е се уште е идеја којашто треба да се разработи. Мислам дека HITCH убаво објасни што се треба и како што може да се види, не е доволно само да се има добра воља.

 

[Тапетарот Петар]

Здраво на сите. Се викам Вера и по седум години поминати навака-натака се вратив да живеам во моето родно Скопје. Оттаму и моето доцно приклучување кон форумов

Е сега, одамна имам желба да организирам народна кујна во Скопје.

Знам дека веќе постојат неколку, но сите се врзани за различни владини институции и/или невладини и религиозни организации - и секоја чест на оние кои добронамерно учествуваат во нив - но јас не би сакала да се инволвирам во истите. Прво, затоа што сметам дека по принцип исклучуваат дел од граѓаните, и второ, затоа што имам впечаток дека често ја инструментализираат човечката хуманост за нивни цели.

Значи, би започнала со реализацијата на една таква народна кујна со сопствени средства (време, пари, материјали), кои не се посебно големи, но се надевам се доволни за почеток, на пример, да се организира барем еден оброк неделно.Доколку понатаму постои можност за повеќе, уште подобро!

Пишувам тука за да ја прашам форумџиската заедница дали некој е заинтересиран за учество во нешто од овој тип. Секаква помош би била добредојдена добредојдена, било да се идеи за изнајмување на некаков простор за поевтино, за начини да се популаризира местото кај оние на кои им е најпотребно, еден саат од вашето време, една конзерва, сто денари...

Однапред благодарам на одговорите!

Позз,

В.

Одлично, Вера! Направете веб страна со информации за активностите и потребите и објавете жиро сметка. Ова се основни работи. Со задоволство ќе донирам средства. Сигурен сум дека ќе има и многу други.

Многу успех и поздрав,