S
Sagan
Гостин
Професорот од гимназијата во Драчево Јордан Илиевски, кој беше обвинет за педофилија, денеска Кривичниот суд го ослободи од сите обвиненија. Основниот суд Cкопје еден утврдил дека нема доволно докази дека професорот Илиовски го сторил делото, па затоа донесе ослободителан пресуда за обљуба со злоупотреба на службената положба и задоволување полови стрсти пред друг. Неговиот адвокат вели дека тројцата ученици кои во истрагата тврдеа дека професорот ги вршел кривичните дела пред нив во неговата канцеларија, за време на процесот дале сосема спротивни изјави па затоа судот не ги зел како валидни докази.
-Ако случајот се случил така како што рекао учесниците во истрагата, тие дела нив ќе им беа врежени за цел живот во меморијата и ќе имаа трауми и истото тоа ќе го кажеа и во процесот, но затоа што тоа не се случило учениците мораа да лажат, принудни од некои структури во училиштето кои сакаат на ваков начин да го уништат Јордан, рече Ефто Спировски, адвокат на Јордан Илиовски.
Останатите сведоци во процесот меѓу кои професори, поранешни директори и ученици, според Спировски, имале само пофални зборови за обвинетиот. И сопругата на Илиовски, низ солзи, рече дека е задоволна од пресудата иако таа никогаш не се посомневала во неговата невиност .
- Му верувавме. Јас 35 години живеам со него, го познавам и никогаш не поверував обвиненијата, но ете го обвинија. Нашите ќерки магистрираа во негово отсуство - знаете ли како влијае тоа? Но, ете, правдата дојде и се надевам сите ќе добијат правда како него, рече Славка Илиовска, сопруга на Јордан Илиовски.
Адвокатот рече дека по консултации со професорот ќе поднесат соодветни тужби против сите кои се обиделе да му го наместат делото и ќе бараат да одговараат за сторената неправда . Професорот Илиовски беше приведен во декември мината година, а од денеска е ослободен од притвор.http://telma.com.mk/index.php?task=content&cat=1&rub=6&item=18216