deXterche
тадаммм
Launchy е алатка која има за цел да им дозволи на корисниците да заборават на користење на Start менито, иконите на Desktop-от, па дури и на барањето фајлови низ дисковите на компјутерот. Програмчето може да се преземе од www.launchy.net, а големо е само 525KB. Откако ќе се инсталира и повика, тоа нема автоматски да се појави. Работи во позадина, а по потреба се повикува со копчињата Alt и Space од тастатурата. Во празното поле внесувате неколку букви од името на програмата или иконата која ја барате и откако истата ќе биде пронајдена само притискате Enter. Сето ова се одвива многу брзо и навистина ефикасно влијае на заштеда на време. Со Escape, или повторно со Alt и Space, Lauchy се враќа во позадина. Доколку сакате, програмчето може да ви остане видливо цело време, а од подесувањата кои се повикуваат со десен клик на него, можете да си изберете друг скин, како и да ги конфигурирате копчињата за негово повикување и отповикување. Практично е што можете да назначите фолдер, чиј што податоци Launchy може да ги индексира, со цел и тие подоцна да можат да бидат најдени на истиот начин. Со неколку збора кажано, Launchy е мало, корисно, брзо и убаво парче софтвер, кое згора на тоа и функционира сосема беспрекорно. Пробајте го и сами ќе се уверите во тоа.
