Хуманитарен концерт на ансамблот за народни игри и песни на Македонија - "Танец"

[Олимпија]

ТАНЕЦ е симбол на македонската култура и уметност, шест децении на своето постоење е амбасадор и презентер на македонското фолклорно творештво кај нас и на сите континенти на земјината топка, подвижен музеј на она најубавото, исконското, непроценливото македонско фолклорно богатство, кое претставува идентитет и историја на македонскиот народ.

Формиран во 1949 година (од страна на) и со Указ на Владата на Република Македонија, ТАНЕЦ ја остварува целта да го собира и негува македонското фолклорно богатство, орото, песната, интструваментите, богатите оригинални носии и да го презентира во земјава и надвор од неа преку концерти, фестивали и други приредби од областа на културата.

Секоја година пред почетокот на новогодишните и божиќните празници ансамблот "ТАНЕЦ" се претставува со концерт пред Македонската публика.

Оваа година на 21.12.2011 год. (четврток) со почеток од 20:00 часот во МОБ (Македонска опера и балет) ќе се одржи новогодишниот концерт на ансамблот "ТАНЕЦ" кој е од хуманитарен карактер за помош на вработен во ансамблот, за кого е потребно да се обезбедат средства за операција.

Картите може да се набават во просториите на "ТАНЕЦ" по цена од 200 денари.
Телефон за информации: 02/2461 021

 

[Acid]

Доаѓам (освен ако не излезе нешто неотповикливо во меѓувреме). И онака сакав да ги гледам
Се знае кај ќе се одржи концертот?

 

[Олимпија]

Доаѓам (освен ако не излезе нешто неотповикливо во меѓувреме). И онака сакав да ги гледам
Се знае кај ќе се одржи концертот?

Допишав и погоре, концертот ќе се одржи во МОБ.
Се надевам дека ќе има доволно хумани луѓе кои истовремено и ќе помогнат и ќе уживаат во она што само "ТАНЕЦ" може да го направи.
п.с.Зарем треба да се срамиме од вековната традиција и фолклор, додека цел свет се поклонува пред нашите уметници и ни завидува на богатата традиција?

 

[Splendora]

Не само што не треба да се срамиме, напротив, со Танец треба да се гордееме, тоа што кај нас е искривено значењето на зборот патриотизам е сосем друга работа.
Кога сме кај традицијата, ми текна на една случка, тетка ми живее над 25 години во Шведска, и пред 5 години кога беше тука ја натера мајка ми да и даде стара народна носија што имавме, такви имам видено девојките од Танец дека носеа. И сега дома и‘ е закачена на ѕид . Истата таа носија јас ја носев во 4то одделение за априлијада и победив (се извинувам за малиот оф топик).

 

[Psyside]

Браво!