МДУ го смени статутот за да ја спречи Грција да ја блокира Македонија

[Inglourious Basterd]

Меѓународната демократска унија (МДУ) е прва интернационална политичка институција која го менува сопствениот статут за да се оневозможи грчката блокада на Македонија.

МДУ на состанокот во Лондон изгласа нов статут. Освен Грција, сите други земји дадоа поддршка на промената на статутот за да се отфрли принципот на консензуално одлучување. ВМРО-ДПМНЕ, информираат од партиска прес-служба, од набљудувач примена е за асоцијативна членка, нешто што Грција долго го блокираше. Оваа одлука беше поддржана со акламација од сите гости, премиери, министри,..

Меѓународната демократска унија обединува повеќе од 80 демохристијански и конзервативни партии од целиот свет. Формирана е во 1983 година. Основачи се поранешната британска премиерка Маргарет Тачер, тогашниот претседател, а подоцна и претседател на САД Џорџ Буш постариот, некогашниот француски претседател Жак Ширак и поранешниот германски канцелар Хелмул Кол.

Оваа организација ги обединува сите светски демократски унии меѓи кои што е и Европската народна партија. Претседател на МДУ е поранешниот премиер на Австралија Џон Хауард, а во оваа организација членови се и партиите на Ангела Меркел, Никола Саркози, Силвио Берлускони, Дејвид Камерон, американските конзервативци и уште голем број на влијателни светски лица.

Извор:

http://kurir.mk/makedonija/vesti/49...-da-ja-spreci-Grcija-da-ja-blokira-Makedonija

Ако се погледнат имињата на партиите-членки во организацијава, оваа „победа“ може да биде добар сигнал.

 

[Славјански]

Алал да му е на Груевски за оваа работа.

 

[Eddie_rebel]

Додека партијата имаше статус на набљудувач, нашата земја беше именувана не со нејзиното име туку со привремената референца

 

[Inglourious Basterd]

Додека партијата имаше статус на набљудувач, нашата земја беше именувана не со нејзиното име туку со привремената референца

Мислам дека и сега сме именувани со привремената референца, која за жал дефакто е меѓународно име на Република Македонија во сите меѓународни организации.

Но, и под таа референца Грците (поточно Неа Демократија) не сакаа да го примат ВМРО-ДПМНЕ како член на организацијава, нешто слично како што не сакаат да не примат нас во НАТО.

Најчудно во одлукава и воедно тоа е за радување е тоа што Французите, УМП на Саркози не се противеше на промената на статутот со една единствена цел, прием на ВМРО-ДПМНЕ во МДУ.

Доколку во нареднава година успеат да го направат истото и во ЕПП, тогаш тоа е силен сигнал дека Франција веќе не ги брани цврсто грчките позиции и може да пробаме нешто во ОН и во НАТО.

 

[Hank Moody]

Ако направиме паралела во однос на гласањето во овие институции може да се смени статут полесно него ли во НАТО и ЕУ каде гласањето се базира на консензус и вето.Овде не е потребно голема подршка за смена на статутот а кај другиве институции нивните статути не се толку лесно менливи таму големите сили играат и голема улога.Инаку честитки сепак и ова е успех.