Ендометриоза

[Delinda]

Што е ендометриоза

Ендометриозата е болест, при која се случува ендометриумот (внатрешниот слој на матката) да почне да се шири и надвор од неа. Ендометриозата се приширува на површината на органите во малата карлица и стомакот. Најчесто ендометриозата ги зафаќа:

• Јајниците или просторот околу нив
• Јајцеводите
• Зад матката
• На лигаментите кои ја држат матката
• На цревата
• Многу ретко може да се рашири на белите дробови или другите органи.

Ендометриумот за кој е нормално да се наоѓа во матката, под дејство на хормоните се задебелува за да може да го прифати ембрионот. Доколку не дојде до бременост се лупи и истекува надвор заедно со менструалната крв.
Кај ендометриозата, ендометриумот се проширува надвор од матката и исто така реагира на хормоните, се задебелува и крвари, со таа разлика што не може да истече надвор. Заради тоа со текот на времето се наталожува и може да се формираат лузни, прираслици или цисти.

Симптоми на ендометриоза


Еден од главните симптоми е болка во долниот дел од стомакот, малата карлица или во долниот дел од 'рбетот. Јачината на болката која ја чувствува жената не е поврзана со степенот на раширеност на еднометриозата. Некои жени чувствуваат силна болка, иако ендометриозата е малку застапена, некои пак не чувствуваат болка, а може да имаат зафатено многу поголема површина.
Воглавно може да се јават следните симптоми:

• Екстремно болна менструација, при што болката со текот на времето може да станува се посилна.
• Хронична болка во малата карлица или долниот дел на 'рбетот.
• Болка за време на сексуални односи.
• Болка во цревата.
• Болно мокрење на време на менструацијата.
• Обилна менструација.
• Крварење помеѓу две менструции или спотинг (благо точкасто крварење) пред добивање на менструација.
• Неплодност.

Ризични групи за ендометриоза


Ендометриозата може да се појави кај било која жена од периодот на добивањето на првата менструација, па се до менопаузата. Понекогаш може да се случи да продолжи и после менопаузата.

Поставување на дијагноза ендометриоза


За да се посомнева во оваква дијагноза може да помогне симптоматологијата и ултразвучното испитување или снимање со магнетна резонанца.
Сепак единствен начин да се дијагностицира ендометриозата со 100% сигурност е дијагностичка лапароскопска операција.
При оваа операција се прави мал рез на стомакот, преку кој се внесува црево со многу мала камера. На овој начин хирургот визуелно може да го види евентуалното присуство на ендометриоза и да се земе примерок од ткивото кој ќе се даде на испитување. Ако се работи за случај на блага или умерена ендометриоза, лекарот при истата операција може да изврши и нејзино отстранување.

Влијанието на ендометриозата врз плодноста


Околу 30-40% од жените со ендометриоза се соочуваат со неплодност. Сепак некои жени и покрај ендометриозата зачнуваат без проблем. Доколку жената која боледува од ендометриоза забремени, најчесто симптомите и болеста се повлекуваат.
Ендометриозата може да предизвика неплодност на повеќе начини:

• Ендометријалните израстоци, лузни или цисти околу јајниците може да ја оневозможат јајце клетката да влезе во јајцеводите.
• Ендометријалното ткиво во јајниците може да ја оневозможи овулацијата.
• Ако ендометријалното ткиво се формира во јајцеводите, може да ги направи непроодни.
• Матката може да не биде во состојба да го прифати ембрионот.

Според некои истражувања ендометриозата укажува и на проблеми со имунитетот.

Третман на ендометриоза


Третманот на оваа болест ќе зависи од повеќе фактори: напредокот на болеста, возраста на пациентката, присуството на болка, дали пациентката се обидува да забремени ит.н. Некои третмани кои може да помогнат во борбата со оваа болест ја намалуваат плодноста на жената, така да треба да се земат впредвид сите фактори. Најчесто во третирање на ендометриозата се користат:
Лапароскопска операција за да се одстрани ендометријалното ткиво, прираслици, цисти, лузни ит.н. Најчесто ова не е траен лек, затоа што болеста може повторно да се врати. Кај некои жени зголемената плодност после оваа операција трае до 9 месеци.
ИВФ третман. Најчесто се користи после лапароскопската операција, но понекогаш и без операција. Се состои во тоа што со хормонска терапија се предизвикува контролирана хиперстимулација на јајниците и создавање на повеќе јајце клетки. Кога ќе созреат јајце клетките се вадат со посебна игла (следено на ултразвук) и во сад се мешаат заедно со сперматозоидите на мажот. После неколку дена, една или повеќе оплодени јајце клетки се враќаат во матката. Ин витро методата е доста успешна во случај на ендометриоза.
Против болка се користат разни медикаменти или промена на начинот на исхрана и воведување на дополнителна физичка активност.
Доколку жената не се обидува да остане бремена може да се користи хормонална терапија, за спречување на овулцијата или менструалното крварење. Најчесто по престанокот на земањето на терапијата се враќа плодноста, но и ендометриозата заедно со сите нејзини симптоми.
Понекогаш во случаи на тешка ендометриоза, како последен избор, но само доколку жената нема намера повеќе да раѓа, може да се изврши и хистероктомија – односно отстранување на матката. Во зависност од зафатеноста на оклоните ткива, заедно се матката може да се изврши и отстранување на јајниците и јајцеводите. Сепак дури и овакви драстични зафати не се гаранција дека болеста нема да се врати.
Со започнување на менопаузата кај повеќето жени болеста се повлекува.

Превземено од http://tvoebebe.com

--------------------------------------------------------------------------------------

Ме интересира дали некоја членка се соочила со ваква болест? Како ... што...зошто? Третмани? Ефекти? Можности за понатамошна бременост во случај на тешка ендометриоза?

Однапред благодарам за секое мислење

 

[Delinda]

никој?

thanks anyway

 

[Anna Killah]

Не верувам дека сум единствената тука што го имала овој проблем, но како и да е, еве на кратко да ти го раскажам моето искуство.
Во 2000 година, ноември месец некаде за прв пат ми се случи да осетам неподносливи болки при менструален циклус до степен каде моите родители беа приморани да повикаат брза помош и да ме нашибаат со некакви инекции против болки за да можам да станам и да се движам за некако да стигнам на лекар. Откако се смирив за што ми беше потребен еден ден, прво што направив следниот ден веднаш отидов на доктор. Знаеш како оди тоа кај нас кога ќе те спотера од доктор на доктор, од врата на врата, па разноразни испитувања, па секакви претпоставки ... и така тоа траеше можеби еден месец додека дефинитивно да ми се утрврди што е точно проблемот. Бев дури и во Белград за да ми ја потврдат дијагнозата двајца доктори. Во Словенија праќав снимки и наоди и од таму за прв пат добив информација дека кај нив ваквите проблеми ги решаваат со лапароскопси операции (јас немав поим што е тоа). Околу лапароскопијата (која кај нас во тоа време мислам дека и не ја правеа) некако немав баш доверба, тоа пикање на некакви цевки во стомак и извлекување на болно ткиво од внатре, ми звучеше како смукање со правосмукалка, премногу прост начин за решавање на таков голем проблем...). На крајот се решив на операција тука кај нас, едноставна класична операција, мал рез на стомак, лепен со ласер, личеше на гребаница ништо страшно. Да напоменам дека во тој период јас имав 21 година и сериозно ме засегаше прашањето околу плодноста. Мислам дека првото прашање што го поставував додека лутав од доктор на доктор беше тоа дали ќе можам некогаш да родам, и од сите добивав позитивен одговор, другиот јајник е полн со фоликули, здрав и функционален и дека доколку остане барем малку здраво ткиво од оболениот јајник после операцијата, тој ќе си се регенерира т.е. ќе си функционира нормално, но и доколку се случи да мора да се отстрани целиот, оној здравиот кој ќе остане ќе си ја превземе функцијата за двата јајника. Во април 2001 година конечно решив да го мафнам тоа труило од мене и отидов на операција. По операцијата (ми извадија цел јајник инаку) требаше да пијам некои хормонални апчиња, но докторот што ме оперираше ми кажа дека има некои инекции (не се сеќавам кои беа само знам дека беа екстремно скапи, тогашни 500 марки една) кои се набавуваат од Германија и ако имам можност да ги набавам и да ги примам по една месечно наредните 4 месеци за да не се маткам со таблети секој ден. Ги набавив инекциите, примав по 1 месечно, немав циклус во тие 4 месеци бидејќи тоа и беше целта на инекциите нели, да се одмори здравиот јајник демек...Ок, тоа си тераше така но интересното е што јас забременив баш во тој период, додека примав инекции и додека немав менструација . Имав многу здрава бременост, никакви проблеми, родив здраво дете, по 3 години родив уште едно здраво дете . Двете се родени со царски рез, значи сецкана сум на истото место 3 пати и сега лузната повеќе не личи на гребаница, но далеку од тоа дека е грозна, ама па што е тоа битно на крајот нели До ден денес немам никакви последици или проблеми, освен што ми фали еден јајник

 

[Delinda]

......
........
.....

Благодарам Anna тоа што го напиша...

Јас правев испитувања во Њујорк и ... ќе видиме како понатаму. Сега за сега тешко се одлучувам за било каков чекор

 

[Anna Killah]

Како и да е, со среќа нека ти е и убаво да се заврши, а верувам дека така и ќе биде само немој премногу да одолговлекуваш, среди го гадот

 

[Sonja4]

Delinda,mnogu me interesira sto ti kazale vo Njujork,kako tamu se spravuvaat so endometriozata.
Inaku mnogu devojki i zeni ja imaat,a problemot e sto nema konecen lek,tuku hirursko otrstranuvanje (najcesto laparaskopija) i lecenje so hormoni,odnosno kako sto kaza Anna,odmoranje na jajnicite
Jas imav dve laparaskopski otrstranuvanja na ednometriozni cisti,dve vo rok od dve godini i bi ti preporacala dokolku ti predlagaat laparaskopija,da ne cekas,od moeto iskustvo i od iskustvo na zenite sto se operiraa so mene,najdobro e vednas da se dejstvuva.Endometriozata ne e strasna,no znae da bide podmolna,barem jas taka ja doziveav,naednas da opfati cel jajnik,da se zalepi za crevo....nemam namera da te plasam,samo ti kazuvam sto moze da se sluci,ama i ne mora,tekot na sostojbata e individualen.
Edna moja prijatelka imase golema endometriozna cista,moraa so klasicen rez da i ja izvadat i eve veke nekolku godini ne i se pojavuva nova cista,a ne prima nikakva terapija.

Ako ti predlagaat laparaskopija,ne cekaj,toplo ti ja preporacuvam .Zahvatot e lesen,mnogu brzo se oporavuvas,a luznite se minimalni.

So srekja!

 

[Nale]

Hello, jas sum nova na forumov, ama bas me zainteresira posto i ja imam problem so endometrioza. Pravev laparo pred edna godina i seuste nisto , sega sum na rabota od doma ke pisam nesto povece za moevo iskustvo...

 

[Nale]

uff, endometrioza. Delinda, ja pravev laparoskopija vo Remedika i mnogu sum zadovolna i od zafatot i od odnosot na vrabotenite tamu. Kaj mene otstranija edna golema cista kaj desniot jajnik i nekolku zarista taka da sega vikaat deka e cisto, a koga imam menstruacija voopsto ne gi cuvstvuvam onie nepodnoslivi bolki od porano. Sepak na desniot jajnik voopsto nemam folikuli edna godina sto po malce me nervira, no kako sto vika Anna odlicno se zabremenuva i so eden jajnik.... Po operacijata piev nekoja terapija sto e vsusnost kontracepcija i se bese ok no seuste nemozam da zabremenam

Mnogu sreca i golema podrska za sto i da odlucis.