Најубави хотели

[Delinda]

Мислам дека темава е прилично јасна.
Да постираме слики и информации за некои хотели кои ни се допаѓаат, без разлика дали сме ги посетиле или се надеваме дека некогаш ќе ги посетиме.
Ако не повеќе...да плакнеме очи од убавината :smir:

--- надополнето ---

Еве јас ќе започнам


Hotel de Paris, Монте Карло


“Hotel de Paris“ кој е во срцето на Монте Карло има извонредна традиција, ексклузивност и шарм. Омилен е и најпрестижен е за гостите на кои цената не им е важна, а тоа се оние од кралевските фамилии, славните и богати личности и џет сетот.

Хотелот има и вински подрум со 600.000 шишиња најдобро и најпознато вино. За гостите на располагање им е “Beach Club“ за скоро сите видови доживувања и спортови на вода, а во близина е и Голф клубот.

--- надополнето ---

"Armani" хотел, Дубаи



Италијанскиот моден гуру Џорџо Армани во април 2010 година го отвори првиот од серијата луксузни хотели и одморалишта во светот брендирани со неговото име. Изборот му беше одличен. Во Дубаи, во Бурџ Калифа која со своите 828 метри највисока зграда во светот.

Хотелот “Armani“ е на првите 6 спрата и на 38-иот и 39-иот спрат од облакодерот. Има вкупно 160 - помалку се соби (од 45 м2 до 70м2) во кои најефтино еден гостин може да се смести за 800 евра по ноќ, а повеќето се апартмани (од 150 м2 до 390 м2) за кои цените најчесто се “соодветни“ на висината на облакодерот.

Најубави и највпечатливи се апартманите “Armani Signature“ со површина од 235 м2, кои се на 38-иот и 39-иот спрат од каде се пружа воодушевувачки поглед на се’ што е Дубаи, и дење и ноќе. За еднодневен престој во нив, најреќните треба да платат најмалку по 2.250 евра по човек.

 

[IzY*MiLa*]

Кога сме кај хотелите мој сон е да престојувам во хотелот Marina Bay во Singapore.

Хотелот се состои од три кули кои се поврзани со т.н. небесна тераса уште крстена како Sands SkyPark. На оваа тераса се наоѓа базен долг 146 метри, кој исчезнува на работ. Оваа ексклузивна тераса може да се пофали со ноќни клубови, кровни ресторани, градини со стотици дрвја и растенија.
Вистински рај кој се наоѓа на 191 метар над земјата.

 

[Delinda]

Four Seasons Resort Bora Bora

Сместувањето е во 121 бунгалови направени во традиционален полинезиски стил од тиково дрво прекриени со големи лисја од панданус, големо дрво слично на палма. 100 бунгалови чија големина е од 100 м2 до 150 м2 се изградени над водата, а над вода се уште 7 посебни бунгалови од по 300 м2, и најекслузивниот - Претседателски или Кралевски - од 500 м2.

Во четирите ресторани “Arii Moana“, “Tere Nui“, “Fare Hoa“ (кој е на плажата) и “Sunset“ се подготвува извонредна морска храна, но има и богат избор од медитеранска и азиска кујна. Посебно доживување се вечерите кои на гостите им се подготвуваат во бунгаловите. Има и неколку барови за освежување и да “помине времето“.
За престој во овој сончев “тропски рај“ со незаборавно зајдисонце и небо ноќе преполно со ѕвезди, за едно лице дневно се потребни од 640 евра до 5.600 евра.

Ciragan Palace Kempinski - Истанбул


Огромната зграда, на европската страна на Босфор, ја изградил Султанот Абдулазиз меѓу 1863 и 1867 година. Во оригиналната Чираган палата се’ до 1910 година живееле султаните, кога во пожар била уништена.

Хотелот “Ciragan Palace Kempinski“ е со вкупно 313 соби, или поточно, повеќето се супер комфорни апартмани, од кои ексклузивниот Султански апартман има повеќе од 500 м2. Четири одлични ресторани, два кафе бара, отворен и покриен базен, спа и фитнес центарот - прават овде престојот да биде незаборавен.

Се разбира, заедно со бројните можности за прошетки и разгледување на културните и историски знаменитости од повеќе илјадната историја и на живописните улици на Истанбул. За едно лице престојот за еден ден, во најскромните соби е 350 евра а во апартманите и до 2.500 евра.

 

[Пепси_]

Па да ги имам тиа пари јас би ги "фрлил" на вакви хотели (погоре што се) оддколку да купувам некои си без врска коли за во гаража али тоа е тоа... ги немам !

 

[Mar-Teen]

Хотел Армани (со 7 ѕвезди), Бурж Ал Араб...........