Градови со современа архитектура или со стара архитектура?

[rossonerka]

Кои градови повеќе ве привлекуваат оние модерните со модернистички градби или старите градови со традиционална архитектура и стари градби?

Кои градови повеќе би сакале да ги посетите, кои повеќе ве привлекуваат? И зошто?

Омилен град со модерна градба и омилен град со традиционална архитектура? Што во тој град ве фасцинира?


Еве пример за неколку модерни градови.
Дубаи

Лас Вегас

Њујорк

Шангај

Сингапур

И градови со стара традиционална градба, каде пред се ќе ги напоменам европските метрополи

Виена

Прага

Рим

Амстердам

Париз

Лондон

Отворив ваква тема ама отиде јабана со прекинот на форумот еве и втора шанса.
Oвојпат анкета не ставам за да пишуваат и постови не сите да одберат во анкета само :pipa:

 

[c i t r o]

Не сум воопшто заппаллив по модерна архитектура,во стил, стакло,челик бетон,премногу ми е некако ладен тој стил, без душа..
Повише сум по барок,ренесанса,класицизам, односно зданија градени од тој тип

Мислам дека и треба анкета на темава..:wink:

 

[Кралот Марко]

За мене по топли се старите градови, некако повеќе имаат душа, а и пореални се. И новите не се лоши, но некако делуваат страшно и во нив би се чуствувал како мравка која шета низ лавиринт, без да има можност да се поткачи на камен за да го види другиот крај на градот.Сепак мислам дека само архитектурата не го краси еден град. Секој град си има своја приказна, комплетна, во која се содржани сите нешта кои го прават примамлив за посета. Секако архитектурата е еден од битните чинители на приказната, но не и пресуден.

 

[cige]

Новите згради делуваат некако морничаво, дездушно, ладнокрвно итн.
А старите градби имаат своја приказна-легенда, сите по нешто се запаметени, имаат обележје од нивното време кога биле нови, делуваат похармонично итн

 

[VeS]

Модерните градови се многу геометриски усогласени и монотони.
Јас ипак сум за старата архитектура.
Карлови Вари:wub:

 

[КиреМали 1911]

Квалитетот на секоја градба е белегот на времето кое што го носи со себе. Архитектурата раскажува приказни, дава лик и форма на историјата, не приближува до истата. Нејзината моќ е доловувањето на убавината на животот во секој период од постоењето на човештвото.

И ренесансните објекти биле современи, во одреден период од историјата. И готските пре нив, и барокните после нив. Развивањето на архитектурата се израмнува со развивањето на културата на еден народ, на една држава, град. Санта Марија дел Фиоре, била најмодерната градба во времето во кое била изградена. За тие што не знаат, таа е првата ренесансна црква, се наоѓа во Фиренца, и е изградена од Фелипо Брунелески. Денес, не ја славиме затоа што го покажува минатото, туку напреднатата мисла на тоа време. Авантардноста во текот на историјата. Токму поради тоа, се слават, и им се восхитуваме на старите зданија. Поради тоа што, во времето кога се граделе, имале далеку понапредна мисла од поширокта околина.

Ги почитувам градовите во кои преовладуваат стари и импозантни градби. Учам од нив, им се восхитувам на убавината, споредувам... Уште повеќе почитувам кога ќе наидам на допир, помеѓу објект со длабока патина на фасадниот фриз, и современ објект, кој на никој начин не го нарушува мирот на неговиот претходник, но дава свој израз, и на свој начин гарантира да го спроведе она, што неговиот прадедо-објект го започнал, или само продолжил - напредок на архитектонската мисла.

Топлината на еден град е условена од неговата природа на развивање. Од оној неизбежен и секогаш нагоре насочен тек на зајакнување на идеи, на усовршување на уметностите, на дефинирање на културното ниво. Исто како што убавината на една жена е условена од нејзиниот природен развој, и се повеќе од тоа допринесува за една одредена доза на одбивност.

Повише сум по барок, ренесанса, класицизам, односно зданија градени од тој тип

Бидејќи толку ги сакаш овие архитектонски правци, а сепак ова е јавен форум на кој не сите знаат се, би сакал да ја помогнеш темава, па со твои зборови да ни објасниш нешто повеќе за спомнатите стилови.

 

[rossonerka]

Мислам дека и треба анкета на темава..:wink:

Во првиот пост на крај напишав зашто не ставам анкета
Темава беше отворена пред некоја недела, ама со прекинот на форумов се избриша. Тогаш имаше анкета и сите гласаа, никој не пишуваше пост зашто е за градови со модерна архитектура а зашто за оние со традиционална.
Така да поубаво е во пост да се објасни, него да се штиклира едно од понудените во анкета.


Иначе не сум посетила некој град до сега со комплетно модерна архитектура. А би сакала, да видам како е.
Но тие стакла, тие железа немаат душа.
Ја немаат душата како каменот. Како старите градби.
Модерните градови можат да се пофалат со информација колку луѓе за колку брзо време изградиле некоја стаклена зграда. А традиционалните можат да се пофалат со историја за градењето, приказна за градот долга со векови. Тоа е она што ме восхитува.
Иако не би одбила патување во Дубаи, Шангај, Њујорк и би се воодушевувала на тие гоооооолеми згради од надвор, ама зачувана стара градба со векови која изобилува со богатство би ме воодушевила уште повеќе.

 

[c i t r o]

Еден облакодер денеска се гради за година две три... додека старите градби се граделе десет дваесет некои и по сто години... сето тоа им да ва голем плус :wink: