Две библиски книги се напишани од Македонец

[dzonyb]

Две библиски книги се напишани од Македонец...


"Блаженствата земнонебесни скалила", "Вовед во светото писмо на новиот завет" и "Прво послание на Светиот Апостол Павле до Коринтјаните" се новите три книги на протоѓаконот, проф. д-р Ратомир Грозданоски. Овие три духовни чеда, како што беа наречени од промоторите, беа промовирани вчера, во храмот "Св. Климент Охридски " во Скопје, во присуство на голем број граѓани и црковни лица.

"....И за професорот Грозданоски гревот и смртта се единствените вистински причинители на секоја мака, горчина и болка кои го тресат светот на човекот. Поради нив луѓето го доживуваат животот како проклетство. Ова сознание го прогони човекот се додека не победи војувајќи со гревот и со смртта. Но можна ли е победата, се прашува авторот, за веднаш потоа да одговори потврдно..." во својата беседа за делото "Блаженствата земнонебесни скалила" ќе рече проф. д-р Стефан Санџаковски, презвитер и редовен професор на ПБ факултетот во Скопје.

При промоција на делото "Вовед во светото писмо на новиот завет" е кажано:

- Оваа книга претставува антологија на разработената библиска литература на новиот завет. Започнуваме со светото евангелие кое е запишано од 4 евангелисти Матеј, Марко, Лука и Јован, тројцата од нив се Евреи, а само еден од нив не е. И тој е Македонец, лекарот Лука... Освен ова Лука напишал и уште една библиска книга "Дела на светите апостоли" петта по ред во книгите на новиот завет... Значи две библиски книги се напишани од Македонец, кој е единствен не-евреин од осумтемина кои ги пишувале новозаветните книги на светото писмо, а тоа треба да го знаат не само теолозите и верниците, туку и сите културни и образовани луѓе...

http://www.vecer.com.mk/?ItemID=6B3BA007322E1347B6E83FF4F6BDD1D2


Оваа информација ми звучи многу интересно, но бидејќи историјата не ми е јака страна би било многу убаво кога некој од оние кои малку повеќе се разбират во оваа тематика ќе кажат два три збора, а можеби и некоја дополнителна инфорација или документ...

 

[Bratot]

Ајде продолжете.

 

[Барабанџија]

На википедија пишува дека Лука имал грчко потекло и дека бил роден во Антиохија, антички град во денешна јужна Турција. Но бидејќи Антиохија ја оснивал Селевк, еден од наследниците на александровата империја, Македонец, а не грк како што знаат да си пишат непросветлениве, така и Лука ќе да е Македонец, и баш ми е мило заради тоа.

 

[Nandor]

ДНК АНАЛИЗИте покажаа
Телото во гробницата на свети Лука е на Сириец
</SPAN>
Генетските анализи сугерираат дека кој и да бил закопан во гробницата за која се смета дека е гробницата на светиот апостол Лука во Падова, Италија, потекнува од Сирија, каде што, според историските податоци, е роден евангелистот.

Едно од евангелијата му се припишува на свети Лука, лекар кој го придружувал апостолот Павле на некои од неговите мисионерски патувања. Легендата вели дека свети Лука потекнува од античкиот град Антиохија, која во римско време и припаѓал на Сирија, и починал во Теба, Грција, во 150 година на 84 години. Се верува дека свети Лука, прво бил закопан во Грција, а во 300 година бил префрлен во Константинопол, Турција, за пред околу 1.000 години неговото тело да пристигне во конечниот вечен дом во Падова, Италија. Бискупот од Падова пред неколку години побара од италијанските научници да проверат во врска со телото за кое се мисли дека е свети Лука.

Според резултатите добиени со датирањето со радиоактивен јаглерод, телото му припаѓа на човек што починал меѓу 72 и 416 година. Според тоа, можно е и посмртните останки да биле заменети со останки од друга личност, од Грција или од Турција, во еден дел од патувањето на неговите посмртни останки.

Гробницата во базиликата "Света Јустина" била отворена од комисијата под водство на бискупот и биле земени два заба од посмртните останки. ДНК земена од забите сугерира дека кој и да е закопан во оловниот ковчег сместен во мермерниот саркофаг, не е Грк. Иако најверојатното објаснување е дека лицето било од Сирија, експертите не можат да ја отфрлат можноста во гробот да било ставено тело од Турчин кога посмртните останки на свети Лука биле пренесени во Константинопол. Со оглед на фактот дека Сирија и Турција се географски блиску, двете популации не се разликуваат многу генетски, па е отежната прецизната идентификација.

ДНК-анализата не може да одговори на прашањето дали телото му припаѓало на светецот, но може да утврди од каде потекнува.

- Можеме да идентификуваме важни карактеристики од човековото минато проучувајќи примероци од стари човечки коски. Дел од ДНК често може да покаже од кој континент доаѓал поединецот, но не може да утврди со точност ако станува збор за потконтинент или држава освен во случаи кога постои специфична хипотеза за проверка - вели тој.

Светецот-заштитник на лекарите и на уметниците, свети Лука, бил автор на голем дел од материјалите во евангелијата што им се припишуваат на свети Матеј и свети Марко. Лука му се придружил на свети Павле на некои од неговите мисионерски патувања документирани во Библијата во Делата на апостолите.
http://star.dnevnik.com.mk/default.aspx?pbroj=1692&stID=6315

:salut: