- Член од
- 14 декември 2007
- Мислења
- 3.271
- Поени од реакции
- 708
Повторно скокна ратата за стан
Стопанска банка пак ја зголеми каматата за станбените кредити, со што се искачи на 8,75 отсто
Соња Маџовска
Повторно скокна ратата за стан. Иако банкарите до неодамна уверуваа дека нема да се зголемуваат каматите до крајот на годинава, сепак, Стопанска банка завчера на граѓаните им испорача допис со кој ги известува дека каматата за станбените кредити од денеска им се зголемува за 0,25 процентни поени, со што таа се искачи на 8,75 отсто.
Оваа одлука важи од 1 август и е второ поскапување на станбените кредити во рок од три месеци. Претходното зголемување се случи во мај, а важеше од 1 јуни, а каматите тогаш скокнаа за 0,25 процентни поени.
Во Стопанска банка два пати поскапеа и автомобилските кредити.
Ова е уште еден удар за граѓаните, кои и така тешко успеваат да ги исплатуваат кредитите. Тие постојано се во грч поради калкулациите на банките за поскапување на кредитите, но најисплашени се оние што имаат земено станбен кредит, на кои ратата за отплата секој месец воопшто не им е мала, и најчесто е од 150 евра нагоре. На граѓаните не им е јасно зошто постојано им се зголемува ратата за стан, кој го отплатуваат со години и за кој го заложиле токму станот.
„Навистина не ми е јасно зошто Стопанска банка одлучи да ми ја зголеми ратата за станбениот кредит. Сметам дека нашите станбени кредити, земени пред неколку години, добро се обезбедени. Токму станот што го отплатувам е ставен под хипотека. Не гледам зошто дојде ред да поскапат токму овие кредити. Станува се' потешко да се обезбедат доволно средства за да се подмири месечната рата за стан. Покачени се сите камати, особено на картичките и на кредитот О.К, а платата не ми е зголемена“, вели анонимна скопјанка.
Граѓаните воопшто се жалат дека се' потешко ги враќаат станбените кредити. Има и такви на кои банките веќе им ги заплениле становите, поради тоа што затаиле со исплатата.
Од Стопанска банка велат дека 1,8 отсто од вкупното кредитно портфолио на банката се клиенти што се судираат со проблеми да не можат да ги враќаат заемите. „Од нив, околу 50 проценти успеавме да ги разрешиме на тој начин што со клиентот ќе постигнеме некаков договор, а 50 отсто, значи околу 0,9 отсто, одат на извршување. Станбените кредити на Стопанска банка се на ниво од околу 70 милиони евра, а 0,9 отсто од нив се 650.000 евра, што оди преку присилна наплата“, изјави неодамна Бишев во интервју за „Утрински весник“. Според него, лошите пласмани во портфолиото на банката се на ниво од околу 2,3 или 2,6 отсто, во зависност од месец во месец. Тој најави дека од овој месец банката воведува нова програма за репрограмирање на кредитите за граѓаните, кај кои од разни причини дошло до намалување на нивните приходи или доходи за повеќе од 30 отсто.
По сите шокови што секојдневно ги доживуваат граѓаните, се поставува прашањето дали веќе е време и Народна банка да попушти и да ја олабави монетарната политика? Тоа потоа може да повлече и намалување на банкарските камати. Но, од НБМ засега нема најави дека може во догледно време да дојде до намалување на основната каматна стапка, што изнесува 9 отсто.
Експертите предупредуваат дека напротив, поради тоа што ликвидноста на банките е загрозена, може да дојде до ново зголемување на каматите, што ќе предизвика социјален шок од септември.
Во последниот извештај на централната банка за состојбите во банкарскиот систем во земјава стои дека драматично е намален и профитот на банките, а расте и бројот на ненаплатливи кредити. Според него, ризичните и спорни побарувања на банките за првото тримесечје се зголемиле за 14 отсто или за 26,2 милиони евра и тие со 5 отсто учествуваат во вкупната кредитна изложеност на банките.
Дел од експертите предупредуваат дека токму поради тоа што граѓаните и фирмите се' потешко ги враќаат кредитите, кризата може да се прелее и во банкарскиот сектор. Тие воопшто не се изненадени од намалувањето на профитот на банките и зголемувањето на ризичните кредити.
Завчера премиерот Никола Груевски потенцира дека ветувањето на Владата да ги намали каматите и' ги поматиле кризата. Според него, нормално било тоа што кај нас дошло до скок на каматите, кога тие пораснале како никогаш досега и во САД и во ЕУ.
Експертите укажуваат дека за да се намалуваат каматите државата мора да го спушти трошењето и да не „цица“ пари од банките, преку задолжување на домашниот пазар со високи камати. Според професорот Мирољуб Шукаров, моментно домашните банки имаат фантастично високи камати, што може да повлече синџир на нестабилност, поради тоа што и граѓаните и фирмите се' потешко ќе ги враќаат кредитите.
Utrinski
Стопанска банка пак ја зголеми каматата за станбените кредити, со што се искачи на 8,75 отсто
Соња Маџовска
Повторно скокна ратата за стан. Иако банкарите до неодамна уверуваа дека нема да се зголемуваат каматите до крајот на годинава, сепак, Стопанска банка завчера на граѓаните им испорача допис со кој ги известува дека каматата за станбените кредити од денеска им се зголемува за 0,25 процентни поени, со што таа се искачи на 8,75 отсто.
Оваа одлука важи од 1 август и е второ поскапување на станбените кредити во рок од три месеци. Претходното зголемување се случи во мај, а важеше од 1 јуни, а каматите тогаш скокнаа за 0,25 процентни поени.
Во Стопанска банка два пати поскапеа и автомобилските кредити.
Ова е уште еден удар за граѓаните, кои и така тешко успеваат да ги исплатуваат кредитите. Тие постојано се во грч поради калкулациите на банките за поскапување на кредитите, но најисплашени се оние што имаат земено станбен кредит, на кои ратата за отплата секој месец воопшто не им е мала, и најчесто е од 150 евра нагоре. На граѓаните не им е јасно зошто постојано им се зголемува ратата за стан, кој го отплатуваат со години и за кој го заложиле токму станот.
„Навистина не ми е јасно зошто Стопанска банка одлучи да ми ја зголеми ратата за станбениот кредит. Сметам дека нашите станбени кредити, земени пред неколку години, добро се обезбедени. Токму станот што го отплатувам е ставен под хипотека. Не гледам зошто дојде ред да поскапат токму овие кредити. Станува се' потешко да се обезбедат доволно средства за да се подмири месечната рата за стан. Покачени се сите камати, особено на картичките и на кредитот О.К, а платата не ми е зголемена“, вели анонимна скопјанка.
Граѓаните воопшто се жалат дека се' потешко ги враќаат станбените кредити. Има и такви на кои банките веќе им ги заплениле становите, поради тоа што затаиле со исплатата.
Од Стопанска банка велат дека 1,8 отсто од вкупното кредитно портфолио на банката се клиенти што се судираат со проблеми да не можат да ги враќаат заемите. „Од нив, околу 50 проценти успеавме да ги разрешиме на тој начин што со клиентот ќе постигнеме некаков договор, а 50 отсто, значи околу 0,9 отсто, одат на извршување. Станбените кредити на Стопанска банка се на ниво од околу 70 милиони евра, а 0,9 отсто од нив се 650.000 евра, што оди преку присилна наплата“, изјави неодамна Бишев во интервју за „Утрински весник“. Според него, лошите пласмани во портфолиото на банката се на ниво од околу 2,3 или 2,6 отсто, во зависност од месец во месец. Тој најави дека од овој месец банката воведува нова програма за репрограмирање на кредитите за граѓаните, кај кои од разни причини дошло до намалување на нивните приходи или доходи за повеќе од 30 отсто.
По сите шокови што секојдневно ги доживуваат граѓаните, се поставува прашањето дали веќе е време и Народна банка да попушти и да ја олабави монетарната политика? Тоа потоа може да повлече и намалување на банкарските камати. Но, од НБМ засега нема најави дека може во догледно време да дојде до намалување на основната каматна стапка, што изнесува 9 отсто.
Експертите предупредуваат дека напротив, поради тоа што ликвидноста на банките е загрозена, може да дојде до ново зголемување на каматите, што ќе предизвика социјален шок од септември.
Во последниот извештај на централната банка за состојбите во банкарскиот систем во земјава стои дека драматично е намален и профитот на банките, а расте и бројот на ненаплатливи кредити. Според него, ризичните и спорни побарувања на банките за првото тримесечје се зголемиле за 14 отсто или за 26,2 милиони евра и тие со 5 отсто учествуваат во вкупната кредитна изложеност на банките.
Дел од експертите предупредуваат дека токму поради тоа што граѓаните и фирмите се' потешко ги враќаат кредитите, кризата може да се прелее и во банкарскиот сектор. Тие воопшто не се изненадени од намалувањето на профитот на банките и зголемувањето на ризичните кредити.
Завчера премиерот Никола Груевски потенцира дека ветувањето на Владата да ги намали каматите и' ги поматиле кризата. Според него, нормално било тоа што кај нас дошло до скок на каматите, кога тие пораснале како никогаш досега и во САД и во ЕУ.
Експертите укажуваат дека за да се намалуваат каматите државата мора да го спушти трошењето и да не „цица“ пари од банките, преку задолжување на домашниот пазар со високи камати. Според професорот Мирољуб Шукаров, моментно домашните банки имаат фантастично високи камати, што може да повлече синџир на нестабилност, поради тоа што и граѓаните и фирмите се' потешко ќе ги враќаат кредитите.
Utrinski
