Apokalipto
Tredici
- Член од
- 4 март 2007
- Мислења
- 15.576
- Поени од реакции
- 2.586
Со монтажа на ромбоидни тули може да се направи куќа за еден ден без употреба на класични градежни материјали, вели Веле Нелковски, автор на пронајдокот.
Малтерот, шајките, теслите и класичните тули ќе станат минато во градежништво ако пронајдокот на скопјанецот Веле Нелковски наречен „Градежни елементи за брза градба“ најде поширока примена. Суштината на пронајдокот е монтажата на куќите со ромбоидни тули, кои од една страна имаат жлеб, а од друга клин, па со нивно спојување се прави цврста врска без употреба на малтер или друг материјал. На тој начин се добиваат целосно рамни и правоаголни форми на ѕидовите на кои потоа им требаат многу мали интервенции до вселувањето на станарите. Меѓутоа, и покрај неколкуте награди, пронајдокот се' уште не се применува.
Нелковски вели дека ако се применува иновацијата цената на еден квадратен метар на станбена површина нема да биде поголема од 300 евра за квадрат.
Тајната на проектот
Но, за изградба на прототип за ваква куќа за да видат потенцијалните инвеститори како изгледа, потребни се од 50.000 до 80.000 евра, кои тој не може да ги обезбеди.
- Тајната на пронајдокот е во тоа што се користи силата на гравитацијата при што ромбоидната тула со сопствената тежина го притиска спојот помеѓу жлебот и клинот под посебен агол. Се жлебови и клинови се поврзува секој нов ред, се прават агли и на крајот целата конструкција на објектот. Тулите може да се прават од различни материјали. Објектот на крајот претставува своевидна цврста кутија, која е многу поотпорна на земјотреси, но и овозможува значителни заштеди во енергијата. Со вакви тули може да се градат и канали, но и објекти што имаат тркалезна и други форми - објаснува Нелковски.Тој вели дека за вакви градби воопшто не е потребно да се користи алат бидејќи само се монтираат веќе готови елементи.
- Не е потребно да се користат ни малтер ни тули, а блок-елементите се многу посилно поврзани. При земјотресите нема опасност да се урнат редовите на ромбоидните тули, бидејќи спојките меѓу нив се зајакнати со стаклена волна, па ѕидовите може само да се искриват, но не и да паднат - истакнува Веле Нелковски. Тој на последниот саем на иновации во Нирнберг, Германија, доби признание од Здружението на пронаоѓачи на Полска. Неговиот пронајдок добил и сребрен медал на минатогодишната „Макинова“, а влегол и во финалето меѓу шест најдобри труда на смотрата на иновации за бизнис-проекти во Холандија.
Типски објекти
За градбата на еден станбен објект од околу 60 квадратни метри се потребни околу шест илјади вакви елементи. Ромбоидните тули се долги 33, високи 13 и широки 20 сантиметри. Но, димензиите може да се приспособуваат. Најскап дел во овој проект е изградбата на посебни калапи во кои би се правеле ромбоидните тули и сите други елементи. Но, откако еднаш ќе се направат калапи, тие би можеле да се користат долго и за многу објекти. Еден објект може да се направи за седум дена. Пронајдокот најдобро може да се искористи при изградбата на типски проекти. Идејата му ја изложив и на премиерот Никола Груевски на Денот на идеите, но освен ветувања не сум добил конкретна поддршка - вели Нелковски.
Извор
Малтерот, шајките, теслите и класичните тули ќе станат минато во градежништво ако пронајдокот на скопјанецот Веле Нелковски наречен „Градежни елементи за брза градба“ најде поширока примена. Суштината на пронајдокот е монтажата на куќите со ромбоидни тули, кои од една страна имаат жлеб, а од друга клин, па со нивно спојување се прави цврста врска без употреба на малтер или друг материјал. На тој начин се добиваат целосно рамни и правоаголни форми на ѕидовите на кои потоа им требаат многу мали интервенции до вселувањето на станарите. Меѓутоа, и покрај неколкуте награди, пронајдокот се' уште не се применува.
Нелковски вели дека ако се применува иновацијата цената на еден квадратен метар на станбена површина нема да биде поголема од 300 евра за квадрат.
Тајната на проектот
Но, за изградба на прототип за ваква куќа за да видат потенцијалните инвеститори како изгледа, потребни се од 50.000 до 80.000 евра, кои тој не може да ги обезбеди.
- Тајната на пронајдокот е во тоа што се користи силата на гравитацијата при што ромбоидната тула со сопствената тежина го притиска спојот помеѓу жлебот и клинот под посебен агол. Се жлебови и клинови се поврзува секој нов ред, се прават агли и на крајот целата конструкција на објектот. Тулите може да се прават од различни материјали. Објектот на крајот претставува своевидна цврста кутија, која е многу поотпорна на земјотреси, но и овозможува значителни заштеди во енергијата. Со вакви тули може да се градат и канали, но и објекти што имаат тркалезна и други форми - објаснува Нелковски.Тој вели дека за вакви градби воопшто не е потребно да се користи алат бидејќи само се монтираат веќе готови елементи.
- Не е потребно да се користат ни малтер ни тули, а блок-елементите се многу посилно поврзани. При земјотресите нема опасност да се урнат редовите на ромбоидните тули, бидејќи спојките меѓу нив се зајакнати со стаклена волна, па ѕидовите може само да се искриват, но не и да паднат - истакнува Веле Нелковски. Тој на последниот саем на иновации во Нирнберг, Германија, доби признание од Здружението на пронаоѓачи на Полска. Неговиот пронајдок добил и сребрен медал на минатогодишната „Макинова“, а влегол и во финалето меѓу шест најдобри труда на смотрата на иновации за бизнис-проекти во Холандија.
Типски објекти
За градбата на еден станбен објект од околу 60 квадратни метри се потребни околу шест илјади вакви елементи. Ромбоидните тули се долги 33, високи 13 и широки 20 сантиметри. Но, димензиите може да се приспособуваат. Најскап дел во овој проект е изградбата на посебни калапи во кои би се правеле ромбоидните тули и сите други елементи. Но, откако еднаш ќе се направат калапи, тие би можеле да се користат долго и за многу објекти. Еден објект може да се направи за седум дена. Пронајдокот најдобро може да се искористи при изградбата на типски проекти. Идејата му ја изложив и на премиерот Никола Груевски на Денот на идеите, но освен ветувања не сум добил конкретна поддршка - вели Нелковски.
Извор
